default_image

3 weeks ago

April 28, 2024

हिमाल र मञ्जु ओपन दुआथलन च्याम्पियन

187 views

0 Bookmark

पोखरा (हाम्रो खेलकुद) – हिमाल टमाटा र मञ्जुकमारी खड्का ओपन दुआथलन च्याम्पियन बनेका छन् । नेपाल ट्रायथलन संघको आयोजना तथा गण्डकी प्रदेश र कास्की जिल्ला ट्रायथलन संघघको व्यवस्थापनमा पोखराको लेकसाइडमा आज ओपन तथा राष्ट्रिय दुआथलन च्याम्पियनसिप सम्पन्न भएको छ ।

एशिया कप ट्रायथोलन तथा दक्षिण एशियाली च्याम्पियनसिप अन्तर्गतको ‘ओपन दुआथलन’को पुरुष तथा महिला दुवैतर्फको उपाधि नेपाली खेलाडीले जितेका हुन् । हिमालले साढे सात किमी दौड र २० किमी साइक्लिङको निर्धारित दूरी हिमालले ५१ मिनेट २४ सेकेण्डमा पूरा गर्दै पुरषतर्फको उपाधि जिते ।

नेपालकै नवराज न्यौपानेले एक घण्टा ३ मिनेट ४७ सेकेण्डमा पूरा गर्दै दोस्रो भए । लक्ष्मण मल्लले एक घण्टा ४ मिनेट ५८ सेकेण्डमा दूरी पार गरि तेस्रो भए ।पुरुषतर्फको खुला प्रतिस्पर्धामा नेपाल सहित भारत, बंगलादेश र जर्मनीका गरी ९ खेलाडीले प्रतिस्पर्धा गरेका ट्रायथलन संघले जनाएको छ ।

महिलातर्फ तीन खेलाडीमात्र सहभागी थिए । महिला ओपन दुआथलनमा च्याम्पियन बन्न सफल टोलीलाईनै राष्ट्रिय च्याम्पियन घोषणा गरिएको थियो ।

यसैगरी महिलातर्फको ‘ओपन’ तथा राष्ट्रिय च्याम्पियनसिपको उपाधि विजेता मन्जुले निर्धारित दूरी एक घण्टा १९ मिनेट ४५ सेकेण्डमा पूरा गरिन् । पुष्पा रोकायले एक घण्टा २३ मिनेट ३६ सेकेण्डमा दूरी पार गर्दै दोस्रो र प्रमिला धमलाले एक घण्टा २८ मिनेट ३४ सेकेण्डमा दूरी पूरा गर्दै तेस्रो भइन् ।

गण्डकी प्रदेशका आर्थिक मामिला तथ योजनामन्त्री हरिबहादुर चुमानले प्रतियोगिताको उद्घाटन गरेका थिए । विजेता खेलाडीहरुलाई नेपाल ट्रायथलन संघका अध्यक्ष निलेन्द्रराज श्रेष्ठ, वरिष्ठ उपाध्यक्ष दीपक कोइराला, नेपाल ओलम्पिक कमिटीका उपाध्यक्ष तेजबहादुर गुरुङ, पोखरा पर्यटन परिषद्का अध्यक्ष पोमनारायण श्रेष्ठ, ट्रायथलन संघका केन्द्रीय उपाध्यक्ष सुमन देवकोटा,स्थानीय व्यवस्थापन समितिका संयोजक डिल्लीराज सुवेदी(शिशिर), पोखरा पर्यटन परिषद्का अध्यक्ष पोमनारायण श्रेष्ठ लगायतले पुरस्कृत गरे ।

May 18, 2024

डुवाना र एलेक्जेन्डरले पेरिस ओलम्पिक खेल्ने

काठमाडौं (हाम्रो खेलकुद) – पौडीका डुवाना लामा र एलेक्जेन्डर शाहले पेरिस ओलम्पिक २०२४ खेल्ने निश्चित भएको छ । नेपाल ओलम्पिक कमिटि (एनओसी) का महासचिव निलेन्द्र राज श्रेष्ठले पौडीका डुवाना र एलेक्जेन्डरले पेरिस ओलम्पिक २०२४ मा सहभागिता जनाउने निश्चित भएको जानकारी दिएका हुन् । डुवाना र एलेक्सजेन्डरले युनिभर्सियालिटी कोटामा ओलम्पिकमा भाग लिनेछन् । यस्तै पौडीका दुवाना […]

May 18, 2024

‘सन्न्यासपछिको योजना खेल जीवनमै बनाउन सके उत्तम’

काठमाडौं (हाम्रो खेलकुद)– सौख, जोशबाट सुरु हुने खेलाडीको जीवन व्यवसायिकता हुँदै सन्न्याससम्म पुग्छ । तर, धेरैले सक्रिय जीवनमा सन्न्यासपछि के गर्ने भन्ने सोचेका हुँदैनन् । यद्दपी कतिपय खेलाडीले सन्न्यासपछि के गर्ने भन्ने योजना बनाइसकेका हुन्छन् । सन्न्यासपछि खेल गर्ने भन्ने लक्ष्य निर्धारण गर्ने सके त्यसले सन्न्यासपछिको जीवन सहज हुने खेलाडीहरुको विश्वास छ । नेपाल ओलम्पिक […]

May 17, 2024

सन्तोषीले ओलम्पिक खेल्ने पक्का

काठमाडौं (हाम्रो खेलकुद)- तेह्रौं सागकी स्वर्ण पदक विजेता सन्तोषी श्रेष्ठले पेरिस ओलम्पिक २०२४ खेल्ने निश्चित भएको छ। सन्तोषीले पेरिस ओलम्पिकको म्याराथनमा प्रतिस्पर्धा गर्ने भएकी हुन्। युनिभर्सियालिटी कोटामा उनले ओलम्पिक खेल्ने भएकी‌ हुन् । नेपाल ओलम्पिक कमिटी (एनओसी ) र नेपाल एथलेटिक्स संघबाट युनिभर्सियालिटीका लागि सन्तोषीको सिफारिस गरेको थियो। सन्तोषीको‌ नाम ओलम्पिकमा खेल्ने पक्का भएको जानकारी […]

Success

Thank you for your time.