default_image

3 weeks ago

June 2, 2024

टिप टपको दोस्रो जित, पुलिसले एपिएफलाई हरायो

2448 views

0 Bookmark

काठमाडौं (हाम्रो खेलकुद)- विभागीय टोली नेपाल पुलिस क्लबको पुरुष टोलीले‌ पनि आठौं प्रधानमन्त्री कप एनभिए भलिबल लिगमा लगातार दोस्रो जित हासिल गरेको छ।

नेपाल भलिबल संघ आयोजनामा त्रिपुरेश्वस्थित राष्ट्रिय खेलकुद परिषद् (राखेप) को कबर्डहलमा जारी प्रतियोगिताको दोस्रो दिन आइतबार पुलिसले अर्को  एपिएफलाई ३-२ को सेटमा पराजित गरेको हो। एपिएफको यो लगातार दोस्रो हार हो ।

पहिलो खेलमा एपिएफ गण्डकी प्रदेश संग पराजित भएको थियो। पहिलो सेट २१-२५ ले गुमाएको पुलिसले दोस्रो सेट खेलमा फर्कियो। पुलिसले २५-२३ ले सेट जित्दै १-१ को बराबरी गर्यो।

तेस्रो सेटमा  एपिएफले १४-२५ ले जित्दै पुनः अग्रता बनायो। त्यसपछि पुलिसले २५-२१ ले आफ्नो पक्षमा पार्दै खेलमा २-२ को बराबरी गर्यो। पाँचौ तथा अन्तिम सेटमा पुलिस १५-१३ ले विजयी भयो र प्रतियोगितामा लगातार दोस्रो सफलता हासिल गर्यो ।

दिनको अन्तिम खेलमा टिप टप हेल्प नेपालले कोशी प्रदेशलाई ३-० ले हराउँदै लगातार दोस्रो खेल जित्यो। हेल्प नेपाल २५-१४,२५-२१,२५-१४ ले विजयी भएको हो।

त्यसअघि त्रिभुवन आर्मी क्लब र गण्डकी प्रदेशले पनि लगातार दोस्रो जित निकालेका‌ छन् । आर्मीले बुढानिलकण्ठ भलिबल क्लबलाई २५-१५,२५-२०,२५-२० ले हराएको थियो। अर्को खेलमा गण्डकीले सुदूरपश्चिम प्रदेशलाई २५-२२,२५-२२,२५-१८ ले हराएको।

त्यसअघि पिएम एनभिए भलिबल लिगमा पुलिसको महिला टोलीलर लगातार दोस्रो जित हासिल गरेको छ ।
पुलिसले चन्द्रागिरी नगरपालिका न्यू डायमण्ड महिला टिमलाई ३–१ ले हराएको थियो। पुलिसले १९–२५,२५–२२,२५–२२,२९–२७ ले खेल आफ्नो पक्षमा पारेको हो ।

पहिलो दिन शनिबार पुलिसले आर्मीलाई ३–२ सेटले हराएको थियो । न्यू डायमण्डले लगातार दोस्रो हार बेहोरेको हो । पहिलो खेलमा डायमण्ड एपिएफसँग ३–२ ले पराजित भएको थियो ।

त्यसअघि दिनको पहिलो खेलमा एभरेष्ट भलिबल क्लबले विजयी सुरुवात गरेको थियो । एभरेष्टले कर्णाली प्रदेशलाई २५–१६,२५–८,२५–१० ले हराएको थियो ।

June 23, 2024

एरिका र स्यान्टुलाई एनओसी अवार्ड

काठमाडौं (हाम्रो खेलकुद)- करातेकी एरिका गुरुङ र टेबल टेनिसका स्यान्टु श्रेष्ठ एनओसी अवार्ड २०२४ प्राप्त गरेका छन् । नेपाल ओलम्पिक कमिटी (एनओसी) को आयोजनामाआइतबार भएको कार्यक्रमबीच एरिकालाई उत्कृष्ट महिला खेलाडी र स्यान्टुलाई उत्कृष्ट पुरुष खेलाडीको अवार्ड प्रदान गरिएको हो । एरिकाले चीनको हाङचाउमा भएको एसियाली खेलकुदमा रजत पदक जितेकी थिइन् । यस्तै स्यान्टु यसै वर्ष […]

June 23, 2024

अभिकलाई एसईई कप चेस उपाधि

काठमाडौं (हाम्रो खेलकुद)- अभिक शाहले हिमालयन चेस एकेडेमीद्वारा आयोजित गोल्डेनगेट एसईई कप २०२४ ¥यापिड चेस प्रतियोगिताको उपाधि जितेका छन् । उनले स्वीस प्रणालीको आधारमा ७ राउन्डमा सञ्चालित प्रतियोगितामा अपराजित रहँदै ६.५ अंक बनाएर आइतबार उपाधि जितेका हुन् । शीर्ष वरीयताका खेलाडी पुरुषोत्तम सिलवालले पनि अपराजित रहँदै ६.५ अंक बनाए । तर, टाइब्रेकरको आधारमा पुरुषोत्तमलाई पछाडि […]

June 23, 2024

राजनलाई ब्लिज चेस उपाधि 

ललितपुर (हाम्रो खेलकुद)- राजन पुरीले प्रथम टंगल टोल सुधार समिति खुल्ला ब्लिज बुद्धिचाल प्रतियोगिताको उपाधि जितेका छन्। ललितपुरको रातो मच्छिन्द्र नाथ बहालमा सम्पन्न ९ चरण द्रुतगतिको ब्लिज खेलमा राजनले ८ मा जित र एक हारका साथ ८ अंक जोडे । उनले ७ हजारसहित ट्रफी प्राप्त गरे।  खुल्ला बुद्धिचाल ब्लिज प्रतियोगितामा श्रीलंकाकी महिला खेलाडी डब्लुआइएम सचिनी‌ रनासिंघे […]

Success

Thank you for your time.