default_image

3 weeks ago

June 3, 2024

आर्मीसँग पनि एपिएफको हार

2881 views

0 Bookmark

काठमाडौं (हाम्रो खेलकुद) – टिप टप हेल्प नेपाल, त्रिभुवन आर्मी क्लब, नेपाल पुलिस क्लब, गण्डकी प्रदेश संघले आठौं पिएम एनभिए भलिबल लिगको पुरुषतर्फ लगातार जित निकालेका छन् । त्यस्तै महिला एपिएफ र एभरेष्ट भलिबल क्लबले जितलाई निरन्तरता दिएका छन् ।

त्रिपुरेश्वरस्थित राष्ट्रिय खेलकुद परिषद (राखेप) कभर्ड हलमा तेस्रो दिन सोमबार एपिएफले कर्णाली प्रदेशलाई २५–७,२५–७,२५–९ ले हरायो । एपिएफको यो लगातार तेस्रो जित हो । एपिएफकी निरुता ठगुन्ना प्लेयर अफ दी म्याच चुनिइन् ।

च्याम्पियसिपमा दोस्रो जित निकाल्ने क्रममा एभरेष्टले आर्मीलाई २५–१५,२५–१९,२५–१९ ले पराजित गर्यो । आर्मीको यो लगातार तेस्रो हार हो । एभरेष्टकी केपी अनुश्री प्लेयर अफ दी म्याच घोषित भइन् ।

पुरुषतर्फ पुलिसले बुढानिलकण्ठ भलिबल क्लबलाई २५–२०,२५–१९,२५–१८ ले पराजित गर्यो । पुलिसका कप्तान इम राना मगर प्लेयर अफ दी म्याच चुनिए । अर्को खेलमा हेल्प नेपालले सुदूरपश्चिम प्रदेशलाई २५–१९,२५–२०,२५–२२ ले हरायो । हेल्प नेपालका अद्नान खान प्लेयर अफ दी म्याच घोषित भए ।

अर्को खेलमा आर्मीले एपिएफलाई २५–२२,२५–२०, २५–२३ ले हरायो । आर्मीका इश्वर थापा प्लेयर अफ दी म्याच चुनिए । एपिएफ लगातार तेस्रो खेलमा पराजित भएको छ ।

दिनको अन्तिम खेलमा गण्डकीले कोशी प्रदेशलाई २५–२१,२५–१९,२५–२० ले हरायो । गण्डकीका हिमाल सुनारी प्लेयर अफ दी म्याच घोषित भए । आर्मी, पुलिस, हेल्प नेपाल र गण्डकीले लगातार तेस्रो खेलमा जित निकाल्दा एपिएफ भने यसपटक कमजोर देखिएको छ ।

प्रतियोगितामा मंगलबार पुरुषतर्फ ४ र महिलातर्फ ३ गरि ७ खेल हुनेछन् ।

June 23, 2024

एरिका र स्यान्टुलाई एनओसी अवार्ड

काठमाडौं (हाम्रो खेलकुद)- करातेकी एरिका गुरुङ र टेबल टेनिसका स्यान्टु श्रेष्ठ एनओसी अवार्ड २०२४ प्राप्त गरेका छन् । नेपाल ओलम्पिक कमिटी (एनओसी) को आयोजनामाआइतबार भएको कार्यक्रमबीच एरिकालाई उत्कृष्ट महिला खेलाडी र स्यान्टुलाई उत्कृष्ट पुरुष खेलाडीको अवार्ड प्रदान गरिएको हो । एरिकाले चीनको हाङचाउमा भएको एसियाली खेलकुदमा रजत पदक जितेकी थिइन् । यस्तै स्यान्टु यसै वर्ष […]

June 23, 2024

अभिकलाई एसईई कप चेस उपाधि

काठमाडौं (हाम्रो खेलकुद)- अभिक शाहले हिमालयन चेस एकेडेमीद्वारा आयोजित गोल्डेनगेट एसईई कप २०२४ ¥यापिड चेस प्रतियोगिताको उपाधि जितेका छन् । उनले स्वीस प्रणालीको आधारमा ७ राउन्डमा सञ्चालित प्रतियोगितामा अपराजित रहँदै ६.५ अंक बनाएर आइतबार उपाधि जितेका हुन् । शीर्ष वरीयताका खेलाडी पुरुषोत्तम सिलवालले पनि अपराजित रहँदै ६.५ अंक बनाए । तर, टाइब्रेकरको आधारमा पुरुषोत्तमलाई पछाडि […]

June 23, 2024

राजनलाई ब्लिज चेस उपाधि 

ललितपुर (हाम्रो खेलकुद)- राजन पुरीले प्रथम टंगल टोल सुधार समिति खुल्ला ब्लिज बुद्धिचाल प्रतियोगिताको उपाधि जितेका छन्। ललितपुरको रातो मच्छिन्द्र नाथ बहालमा सम्पन्न ९ चरण द्रुतगतिको ब्लिज खेलमा राजनले ८ मा जित र एक हारका साथ ८ अंक जोडे । उनले ७ हजारसहित ट्रफी प्राप्त गरे।  खुल्ला बुद्धिचाल ब्लिज प्रतियोगितामा श्रीलंकाकी महिला खेलाडी डब्लुआइएम सचिनी‌ रनासिंघे […]

Success

Thank you for your time.