सिसेना, इटाली(एजेन्सी)– मोटो जिपीका पूर्व विश्व च्याम्पियन निकी हेडेनको ३५ वर्षको उमेरमा निधन भएको छ । प्रशिक्षणको क्रममा कारको ठक्करले घाइते भएका हेडेनको उपचारको क्रममा मौरिजियो बुफालिनी अस्पतालमा मृत्यु भएको हो ।
रेड बुल होन्डा टोलीका लागि रेस गर्ने हेडेनलाई इटालीमा प्रशिक्षणका क्रममा साइकल चलाइरहेको अवस्थामा कारले ठक्कर दिएको थियो । उनी मे १७ मा अस्पताल भर्ना भएका थिए । मौरिजियो बुफालिनी अस्पतालले प्रेस विज्ञप्तीमार्फत उनको निधनको खबर सार्वजनिक गरेको हो ।
३५ वर्षीय हेडेन अमेरिकी नागरिक हुन् । उनले २००६ मा मोटो जीपी च्याम्पियनसिप जितेका थिए ।
