काठमाडौं (हाम्रो खेलकुद)– यसै साता जर्मनीको लिपिजमा सुरु हुने विश्व फेन्सिङ च्याम्पियनसिपमा नेपाली खेलाडी प्रतिस्पर्धा गर्ने भएकी छिन् । फेन्सिङ खेलाडी रमा सिंहले भाग लिने नेपाल फेन्सिङले जनाएको छ ।
मंगलबारदेखि साउन ११ गतेसम्म चल्ने प्रतियोगितामा उनले फोयल इभेन्टमा प्रतिस्पर्धा गर्ने संघले जनाएको छ ।राष्ट्रिय खेलकुद परिषदका सदस्य सचिव केशब कुमार विष्ट र कीर्तिपुर नगरपालिका मेयर एवंम् नेपाल जुडो संघका उपाध्यक्ष रमेश मर्हजनले खेलाडी र अफिसियललाई बिदाई गरे ।
संघकी सचिव हेल्गा रायमाझी राणा अफिसियलका रुपमा च्याम्पियनसिपमा भाग लिनेछन् । टोलीसँगै संघका अध्यक्ष सुनिल श्रेष्ठ पनि सोमबार त्यसतर्फ जानेछन् ।
