काठमाडौं (हाम्रो खेलकुद)– काठमाडौंका सांसद राजेन्द्रकुमार (राजन) केसी युवा तथा खेलकुद मन्त्री नियुक्त भएका छन् । प्रधानमन्त्री शेरबहादुर देउवाले दोस्रो पटक आफ्नो मन्त्री मण्डल विस्तार गर्दा केसीले खेलकुद मन्त्रालयको जिम्मेवारी पाएका हुन् ।
तस्बिर-मन्त्री केसीको फेसबुकबाट
२०७० को दोस्रो संविधान सभामा काठमाडौं १० नम्बर क्षेत्रबाट नेकपा माओवादीका अध्यक्ष समेत रहेको पूर्व प्रधानमन्त्री पुष्पकमल दाहाल प्रचण्डलाई हराएपछि नेपाली कांग्रेसका केसी चर्चामा आएका थिए ।
सपथपछि मन्त्री केसीले आजै सिंहदबारस्थित मन्त्रालयमा गइ पदभार ग्रहण गरे । उनलाई मन्त्रालयका सचिव महेशप्रसाद दाहाललगायतले स्वागत गरेका थिए । युवा तथा खेलकुद मन्त्री राष्ट्रिय खेलकुद परिषद् (राखेप)को अध्यक्ष रहने व्यवस्था छ ।
