8 years ago
October 28, 2017
काठमाडौं (हाम्रो खेलकुद) – नेपाली सेनाका वसन्त थारु र नेपाल एपिएफकी सोनी गुरुङ एनएसए सातौं राष्ट्रिय ट्रायथलन च्याम्पियनसिप २०७४ मा स्वर्ण पदक प्राप्त गर्न सफल भएका छन् ।
ट्राईयाथलनको पुरुष स्प्रिन्टतर्फ ७५० मिटर पौडी, २० किमिबाईक र ५ किमि दौड सेनाका थारुले १ घन्टा, ६ मिनेट १९ सेकेन्डमा पुरा गर्दै स्वर्ण हात पारेका हुन् । दोश्रो स्थानमा रहेका दिपेश चौधरीले उक्त दूरी १ घन्टा, ७ मिनेट ५० सेकेन्डमा र तेश्रो स्थामा रहेका रुद्र कटुवालले १ घन्टा, ८ मिनेट १५ सेकेन्डमा पुरा गरे । दुवै सेनाकै खेलाडी हुन् ।
यस्तै महिलातर्फ सोनीले उक्त दुरी १ घन्टा २२ मिनेट २४ सेकेन्डमा पुरा गर्दै स्वर्ण हात पार्दा सेनाकी याम कुमारी भुजेलले १ घन्टा २६ मिनेट ५५ सेकेन्डमा पार गर्दै रजत पाईन् ।
नेपाल ट्रायथलन संघको आयोजनामा पोखरा लेकसाईडमा भएको च्याम्पियनसिपको ५ किमि दौड, २० किमि बाईक र २.५ किमि दौडको दुवाथलनमा पुरुष तर्फ सेनाका मान बहादुर थापाले स्वर्ण पाए । उनले उक्त दूरी ५७ मिनट ३६ सेकेन्डमा पुरा गरे । ५९ मिनट २० सेकेन्डका साथ एपिएफका किरण मल्लले रजत र १ घन्टा ३३ सेकेन्डका साथ काठमाण्डौका लक्ष्मण मल्लले कास्य पाए । महिलातर्फ प्युठानकी हुमी बुढामगरले उक्त दुरी १ घन्टा १० मिनट ५५ सेकेन्डमा पुरा गर्दै स्वर्ण पाईन् । १ घन्टा १४ मिनट १२ सेकेन्डका साथ सेनाकी मञ्जु खड्काले रजत र १ घन्टा २१ मिनट ४१ सेकेन्डका साथ झापाकी शान्तिकला राईले कास्य पाईन् ।
प्रतियोगितामा नेपाली सेना, नेपाल एपिएफ, कास्की, धनुषा, उदयपुर, बाँके, काठमाण्डौ, मोरङ, प्युठान, ललितपुर र झापाका गरि ट्रायथलनतर्फ ९ पुरुष र २ महिला तथा दुवाथलन तर्फ २१ पुरुष र ७ महिलाले प्रतिस्पर्धा गरेका थिए ।
December 5, 2025
काठमाडौं (हाम्रो खेलकुद)- राष्ट्रिय खेलकुद परिषद्ले सन्चालन गरेको मिसन २०२६ मा रहेका त्रिभुवन आर्मी क्लबकी गीता कठायत र नेपाल पुलिस क्लबका अभिषेक बरालले १३औं कोरियन एम्बेस्डर अन्तर्राष्ट्रिय तेक्वान्दो प्रतियोगितामा स्वर्ण पदक जितेका छन् । सातदोबाटोस्थित नेपाल तेक्वान्दो संघको हलमा शुक्रवार भएको सिनियर महिलाको ५३ केजीमुनिको तौल समूहमा गीताले पहिलो स्थान प्राप्त गरेकी हुन्। गीताले फाइनलमा […]
December 5, 2025
हिमाल खरेल,बिर्तामोड नेपाल पुलिस क्लब झापाको अर्जुनधारामा जारी अर्जुनधारा खुला महिला भलिबल प्रतियोगितामा सेमिफाइनलमा प्रवेश गरेको छ । आज भएको समूह चरणको आफ्नो अन्तिम खेलमा कोशी प्रदेश भलिबल संघलाई ३-० को सोझो सेटमा पराजित गर्दै पुलिस अन्तिम चारमा पुगेको हो । पुलिस समूह विजेता भएको छ । पुलिस १६–२५, १७–२५ र ११–२५ को सोझो सेटमा […]
December 5, 2025
हिमाल खरेल, बिर्तामोड त्रिभुवन आर्मी क्लब झापाको अर्जुनधारामा जारी अर्जुनधारा खुला महिला भलिबल प्रतियोगितामा सेमिफाइनलमा प्रवेश गरेको छ । आज भएको समूह चरणको आफ्नो अन्तिम खेलमा एभरेस्ट लुम्बिनी क्लबलाई ३-० को सोझो सेटमा पराजित गर्दै आर्मी अन्तिम चारमा पुगेको हो । आर्मी समूह उपविजेता भएको छ । आर्मीले २१–२५, १८–२५ र १०–२५ को सोझो सेटमा […]
