पोखरा (हाम्रो खेलकुद) – राखेप च्याम्पियनसिपअन्तर्गत राष्ट्रिय भलिबल प्रतियोगितामा विभागिय टोली नेपाल एपिएफ क्बल र नेपाल पुलिस क्लबले दोहोरो जित हासिल गरेका छन् । २१ औं राष्ट्रिय महिला भलिबल समेत रहेको प्रतियोगितामा आज एपीएफले अर्को विभागिय टोली त्रिभुवन आर्मी क्लबलाई २५–९,२५–१९ र २५–७ ले हरायो ।
महिलातर्फ नै पुलिसले पुर्वाञ्चललाई २५–१७,२५–१५ र २५–१६ ले पराजित गर्यो । पुरुषको ३१ औं राष्ट्रिय प्रतियोगिताका रुपमा रहेको प्रतिस्पर्धामा एपीएफले मध्यापश्चिमाञ्चललाई २५–१०,२५–९ र २५–२० ले हरायो । त्यस्तै पुलिसले सुदूरपश्चिमाञ्चललाई २५–१७,२५–१९ र २५–१८ को सोझो सेटमा पराजित गर्यो ।
पोखरा रंगशालामा जारी प्रतियोगितामा आज पश्चिमाञ्चलले पनि दोहोरो जित हासिल गरेको छ । महिलातर्फ मध्यपश्चिमाञ्चललाई २५–७,२५–५ र २५–२३ ले हराएको पश्चिमाञ्चलले पुरुषतर्फ पुर्वाञ्चललाई २५–१८,२५–१८ र २७–२५ ले पराजित गर्यो । महिलातर्फको अर्को खेलमा मध्यामञ्चलले सुदूरपश्चिमाञ्चललाई २५–३,२५–५ र २५–११ ले पराजित गर्यो । पुरुषतर्फ आर्मीले मध्यमाञ्चललाई २५–८,२५–१० र २५–२० ले पाखा लगयो ।