हेटौंडा (हाम्रो खेलकुद) – नेपाल खेलकुद पत्रकार मञ्च मकवानपुर समन्वय शाखाको अध्यक्षमा राजन दाहाल सर्वसम्मत चयन भएका छन् । हेटौंडामा भएको खेल पत्रकारिता तालिका दौरान बिहीबार भएको भेलालले दाहालको अध्यक्षतामा ११ सदस्यीय कार्यसमिति सर्वसम्मचले चयन गरेको हो ।
कार्यसमिति उपाध्यक्षमा सुुवास विडारी, सचिव गणेशदर्पण अधिकारी, कोषाध्यक्ष पुष्पराज अधिकारी र सहसचिवमा सुदिप सिवाकोटी चुनिए ।
सदस्यमा धर्मेन्द्र दाहाल, विश्वराम अधिकारी, नविन तिमल्सिना, किरण पौडेल , प्रमोद अर्याल, अमृत चिमोरिया छन् ।
कार्यक्रममा नेपाल पत्रकार महासंघका केन्द्रीय सदस्य पवन आचार्य, खेलकुद पत्रकार मञ्चका केन्द्रीय महासचिव प्रकाश तिमल्सिना, नेपाल पत्रकार महासंघ मकवानपुरका अध्यक्ष हरि हुमागाईं, सुमन भोम्जन स्मृति खेलकुद प्रतिष्ठानका अध्यक्ष भेष खड्गी, उपाध्यक्ष विशाल घोष र महासचिव सविन न्यौपाने लगायतको उपस्थिति थियो ।
