काठमाडौं(हाम्रो खेलकुद) – अमन कार्कीले प्रथम अल नेपाल खुला स्नुकर प्रतियोगिताको उपाधि जितेका छन् । ‘बेस्ट अफ थर्टिन’ को फाइनलमा अमनले सोनाम लामालाई ७–३ को फ्रेममा पराजित गर्दै उपाधि जितेका हुन् ।
पोट ब्ल्याक स्नुकर क्लबको आयोजनामा भएको सर्वाधिक पुरस्कार राशिको प्रतियोगितामा दीपक थापा मगर र दिपजल ढुंगानाले तेश्रो स्थानमा चित्त बुझाए । अमन ‘हायेस्ट ब्रेकर’ पनि बने । उनले ७२ अंकको ‘हायेस्ट ब्रेक’ गरे ।
जितसँगै अमनले नगद १ लाख रुपैया प्राप्त गरे । दोस्रो भएको सोनामले ५० हजार रुपैयामा चित्त बुझाए भने सेमिफाइनलमा पराजित भएका दीपक थापामगर र दिपजल ढुंगानाले समान १५ हजार प्राप्त गरे । हाइयेष्ट ब्रेकर बनेका विजेता अमनले थप १० हजार रुपैया प्राप्त गरे ।
पुस १५ गतेबाट शुरु भएको प्रतियोगितामा पुस २९ गतेसम्म चल्ने प्रतियोगितामा १ सय १५ पुरुष खेलाडीको सहभागिता रहेको आयोजकले जनाएको छ ।
