6 years ago
April 3, 2018
अर्जुन कार्की बागलुङ– नेपालको पुरुष भलिबलको चर्चा गर्दा गत वर्ष माल्दिभ्समा प्राप्त गरेको सफलताको छुट्दैन । कारण थियो नेपालले अन्तर्राष्ट्रिय भलिबलमा सहभागिता जनाउँन थालेको झन्डै ४ दशकपछि पहिलो पटक पदक त्यहि प्रतियोगितामा जितेको थियो । एभिसी सेन्ट्रेल जोन भलिबल च्याम्पियनसिपमा नेपाल कास्य पदक जित्दै फर्केको थियो । नेपालले पुरुष भलिबलमा प्राप्त गरेको त्यो अहिले सम्मकै […]
अर्जुन कार्की
बागलुङ– नेपालको पुरुष भलिबलको चर्चा गर्दा गत वर्ष माल्दिभ्समा प्राप्त गरेको सफलताको छुट्दैन । कारण थियो नेपालले अन्तर्राष्ट्रिय भलिबलमा सहभागिता जनाउँन थालेको झन्डै ४ दशकपछि पहिलो पटक पदक त्यहि प्रतियोगितामा जितेको थियो । एभिसी सेन्ट्रेल जोन भलिबल च्याम्पियनसिपमा नेपाल कास्य पदक जित्दै फर्केको थियो । नेपालले पुरुष भलिबलमा प्राप्त गरेको त्यो अहिले सम्मकै ठूलो सफल हो । त्यो टोलीका एक सदस्य थिए, त्रिभुवन आर्मी क्लबका दीलबहादुर सुनार । यति बेला भने चोट कारण उनी आराम गरिरहेका छन् । बागलुङको निसिखोला गाउँपालिका १ देविस्थानमा जन्मेका दीलले छाटो समयमा राष्ट्रिय टोली सम्मको यात्रा तय गरेका थिए । हालै संगितमा समेत प्रवेश गरेका उनी पहिलो प्राथमिकता भने भलिबललाई नै दिन्छन् । यति बेला गृह जिल्लामा रहका उनीसँग गरिएको कुराकानी :
भलिबलमा तपाईको प्रवेश कसरी भयो ?
– सानैबाट भलिबल खेल्थे गर्दथे । ५ कक्ष सम्म बुर्तिवाङको हिबल इन्टरनेशनल एकेडेमीमा पढे । ६ कक्षामा काठमाडौं पढ्न गए । स्कुलदेखि नै भलिबल खेल्ने भएपनि नेपाली सेनामा आबद्ध भए । क्लबबाट प्रदर्शन गरेको आधारमा राष्ट्रिय टोली सम्म पुग्न सफल भए ।
राष्ट्रिय टोली सम्म पुग्न कत्तिको कठिन छ ?
– यसमा अलि भाग्यशाली ठान्छु । महेन्द्र शेरचन, खगेन्द्र शेरचन दाईले सहयोग गर्नुभयो । काठमाडौंमा पढ्न गएर र त्यही स्कुलस्तरमा भलिबल खेल्दै गर्दा खेल राम्रो देखेर प्रिन्सिपल राम बहादुर केसी सरले भलिबलको प्रशिक्षणमा राख्दिनुभयो । त्यहाँ राम्रो भएपनि आर्मी गए आर्मीबाट खेलेपछि प्रशिक्षकको नजरमा परे ।
हरेकले तपाईले जस्तै अवसर त पाउँदैनन् नी ?
– हाम्रो क्षेत्रमा भलिबलको तालिमको वातावरण छैन । सर्पोट पनि हुँदैन । गाउँमा मात्र खेलेर मात्र प्रगती हुने होइन । माथिल्लो स्तरमा पुग्नको लागि यहाँबाट बाहिर निस्कनै पर्छ । बागलुङदेखि काठमाडौंसम्म पु¥याइदिने र त्यहाँ खेल्ने वातावरण मिल्यो भने मात्र अघि बढ्ने सम्भावना रहन्छ । हाम्रो क्षेत्रका भलिबल र यसका खेलाडी पछाडि नै छौं ।
भलिबल सहज वा कठिन कस्तो खेल हो ।
– सबै खेलको आ आफ्नै विशेषता छन् । भलिबल पनि सहज खेल होइन । एकदमै छिटो र हावाको भरमा एक सेकेण्डमा सोच्नुपर्ने खेल हो भलिबल । भलिबलमा टेक्निकनिक, सार्पनेश, क्विकनेस, पावर जम्प सबै आवश्यक पर्दछ ।
भलिबलमा तपाई सम्झना आइरहने क्षण ?
– खेल जीवनमा सबै भन्दा खुसी माल्दिभ्समा कास्य पदक जित्दा नै हो ।
राष्ट्रिय टोलीमा पर्नका लागि नयाँ खेलाडीलाई कस्तो सल्लाह दिनुहुन्छ ?
– आफ्नो पोजिसनमा उत्कृष्टमध्ये पनि उत्कृष्टले राष्ट्रिय टोलीमा अवसर पाउने हो । तपाईको मेहनत र क्षमताका आधारमा टोलीमा पर्ने हो ।
नेपालको भलिबलले अझै प्रगति गर्न कस्तो वातारण हुनुपर्दछ ?
– अहिले जस्तो छ यो भन्दा प्रगति गर्ने हो भने प्रशिक्षण, डाइटलगायतका अन्य वातावरण राम्रो हुनु पर्दछ । अर्को खेल्नका लागि उपयुक्त कोर्टको पनि त्यत्तिकै जरुरी छ ।
बागलुङमा जन्मिएको मान्छे, सफल खेलाडी बन्नुभएको छ, आफ्नो ठाउँलाई कसरी सम्झनुहुन्छ ?
– मान्छे जहाँ पुगोस् आफु जन्मेको ठाँउ बिर्सन सक्दैन । मेरो लागि पनि यहाँका हरेक क्षत्र त्यत्तिकै प्रिय छन् । जतिले मलाई सहयोग गर्न सहयोग र उप्रेरित गर्नुभएको छ सबैप्रति आभारी छु ।
चोटका कारण बाहिर बस्नुपर्दा कस्तो महसुस हुने रहेछ ?
– दुःख लाग्छ । तर खेलाडीलाई चोट लाग्नु स्वभाविक हो । अझै ३ महिना आराम गर्नुपर्छ । त्यसपछि फेरि मेहनत गरेर राष्ट्रिय टोलीमा फर्कन्छु भन्नेमा आशावादी छु ।
भलिबलको राष्ट्रिय खेलाडी हुँदा हुँदै संगित क्षेत्रमा प्रवेश गर्नुभएको छ । तपाईका लागि कुन बढी प्रिय लाग्छ ?
– मलाई गित संगित मनपर्छ । तर, त्यो भन्दा बढी भलिब मनपर्छ ।
बागलुङको भलिबलको विकासका लागि तपाईको सुझाव के हुन्छ ?
– हरेक जिल्लाले नियमित प्रशिक्षणको व्यवस्था गर्न सकेको खण्डमा स्थानिय स्तरबाट खेलाडी उत्पादन गर्ने वातावरण बन्थ्यो ।
April 26, 2024
काठमाडौं (हाम्रो खेलकुद)- निरज तामाङले कोर्स रेकर्ड बराबरी गर्दै समग्रमा ८-अन्डर २ सय ६४ को स्कोरमा भुवन नगरकोटीलाई एक स्ट्रोकले हराउँदै शुक्रबार सूर्य नेपाल काठमाडौं ओपनको उपाधि जितेका छन्। उनको यो करियरको पहिलो प्रमुख उपाधि हो। सूर्य नेपाल काठमाडौं ओपनको अन्तिम दिन धरानका प्रो निरजले ८-अन्डर ६० को सानदार नतिजामा शिवराम श्रेष्ठको कोर्स रेकर्ड बराबरी […]
April 26, 2024
ललितपुर (हाम्रो खेलकुद)- नेपाल लोकतान्त्रिक खेलकुद संघ स्थापना दिवसको उपलक्ष्यमा नवौं गणेशमान सिंह स्मृति राष्ट्रिय रेटिङ चेस प्रतियोगिता शुक्रबार सुरु भएको छ। नेपाली काँग्रेस पार्टी कार्यालय सानेपामा प्रारम्भ भएको प्रतियोगितामा देशभरका १ सय १२ खेलाडीको सहभागिता छ। पहिलो पुरस्कार यामाहा सलुटो मोटरसाइकल सहित कुल ६ लाख ३७ हजार ४ सय रुपैयाँ पुरस्कार रहेको प्रतियोगितामा कपिलवस्तु जिल्लाका […]
April 26, 2024
काठमाडौं (हाम्रो खेलकुद) – नेपाल एपिएफ क्लब र नेपाल पुलिस क्लब सातौँ केएनपी नेरोलेक राष्ट्रिय महिला भलिबल प्रतियोगिताको उपाधिका लागि भिड्ने भएका छन्। शुक्रबार त्रिपेरेश्वरस्थित राष्ट्रिय खेलकुद कभर्डहलमा भएको दोस्रो खेलमा साविक विजेता चन्द्रागिरी नगरपालिका न्यु डायमण्ड महिला भलिबल क्लबलाई ३–२ को सेटमा पराजित गर्दै एपीएफले फाइनलमा स्थान पक्का गरेको हो। साविक उपविजेता समेत रहेको […]