6 years ago
April 26, 2018
काठमाडौं (हाम्रो खेलकुद)– न्यु डायमण्ड एकेडेमीले नेपाली सेनाको सहायक सेनानी (सेकेण्ड लेफ्टिनेन्ट) पदमा उर्तिण भएकी आफ्ना मुख्य खेलाडी तथा सेटर कृपा अधिकारीलाई बिहिबार बधाई दिन र विदाई गर्न कार्यक्रमको आयोजना ग¥यो । कार्यक्रम सुरु हुनुअघि देखि नै आगन्तुकले कृपालाई बधाई दिइरहेका थिए । सबै हसिला देखिन्थे । कार्यक्रम सुरु भएको केहि समयमा कृपाको बोल्ने पालो […]
काठमाडौं (हाम्रो खेलकुद)– न्यु डायमण्ड एकेडेमीले नेपाली सेनाको सहायक सेनानी (सेकेण्ड लेफ्टिनेन्ट) पदमा उर्तिण भएकी आफ्ना मुख्य खेलाडी तथा सेटर कृपा अधिकारीलाई बिहिबार बधाई दिन र विदाई गर्न कार्यक्रमको आयोजना ग¥यो ।
कार्यक्रम सुरु हुनुअघि देखि नै आगन्तुकले कृपालाई बधाई दिइरहेका थिए । सबै हसिला देखिन्थे । कार्यक्रम सुरु भएको केहि समयमा कृपाको बोल्ने पालो आयो । सामान्य रुपमा सबैलाई धन्यवादसहित सम्बोधन गरेपनि त्यसपछि भने उनले आफुलाई सम्हाल्न सकिनन् । उनी पोखिइन् । उनका आँसु थामिएन । बोलिरहँदा उनका आँखाबाट आँसु नै रोकिएको थिइन् ।
हुँदा हुदा उनी केहि बोल्नै नक्सने अवस्थामा पुगिन् । बोल्दा–बोल्दै आँसुसँगै बोली नफुटेपछि उनका पूर्व प्रिन्सिपल तथा प्रशिक्षक कुमार राईको आँखा पनि रसाए । हजुरबा, हजुर आमा, बाबु, आमाले पनि कृपालाई नरुन सम्झाइरहेका थिए । तर पनि कृपाका आँसु थामिएनन् । अध्ययनसँगै भलिबलको ज्ञान सिकेको न्यु डायमण्ड एकेडेमीलाई उनी १२ वर्षपछि छाड्दै थिइन् ।
कृपाले सहायक सेनानी पदमा खुल्ला प्रतिस्पर्धाबाट लोक सेवाको परीक्षामार्फत गत बैशाख ९ गते नाम निकालेकी थिइन् । उनी बैशाख १९ गते सेनाको तालिममा सामेल हुन जाने तयारीमा छन् । तालिम २ वर्षसम्म भक्तपुरको खरीपाटीमा हुने उनले जानकारी दिइन् । बिस्तारै आफुलाई सम्हालेकी कृपाले नयाँ यात्राका लागि खुसीसँगै १२ वर्ष बिताएको न्यु डायमण्ड छाड्नुपर्दा दुःख लागेको बताइन् ।
‘मैले न्यु डायमण्डमै सबै कुरा सिके । छोडेर जानुपर्दा नरमाइलो त लाग्छ नै । आफ्नो भविष्य पनि हेर्नुपर्छ’ राष्ट्रिय महिला भलिबल टिमकी सेटर समेत रहेकी कृपाले भनिन्, ‘म जहाँ गएपनि न्यु डायमण्ड स्कुल र टिम सधै मेरो मन मुटुमा हुनेछ । न्यु डायमण्डलाई सधै सहयोग र सपोर्ट हुनेछ । कुमार राई सर पनि खुसी हुनुहुन्छ । म पनि खुसी छु ।’
सेनाको आन्तरिक नियम आफुले बुझ्ना बाँकी रहेको उल्लेख गर्दै कृपाले तत्काल त्रिभुवन आर्मी क्लबबाट खेल्ने योजना नबनाएको बताइन् ।एकेडेमीका प्रिन्सिपल तथा प्रशिक्षक राईले कृपालाई मौरीको रानोको संज्ञा दिदै थप सफलताको कामना गरे ।
‘हामीले रानो गुमाएका छौं टिमलाई ठुलो असर हुनेछ । अर्के खेलाडी तयार पार्न त्यत्तिकै चुनौती हुनेछ ।’ प्रशिक्षक राईले भने, ‘हाम्रो काँधमा फेरि ठुलो जिम्मेवारी आएको छ । हामी यसलाई फेस गर्र्दै जानेछौं । इज्जतका साथ आर्मीको सेकेण्ड लेफ्टिनेन्टमा नाम निकाल्न सफल भइन् । उनलाई थप सफलताको शुभकामना ।’ यस्तै टिमकी कप्तान ललितानाथले कृपाको अभाव टिममा खड्कने बताईन् ।
कक्षा २ देखि न्यु डायमण्डमा पढ्न सुरु गरेकी कृपाले कक्षा ५ मा पुगेपछि भलिबल खेल्न थालेकी थिइन् । स्कुल आउँदा सिनियर दिदीहरुले भलिबल खेलेको देखेर रहरमै भलिबल उफार्न सुरु गरेकी उनी अहिले नेपालको नम्बर १ सेटरको रुपमा उभिसकेकी छिन् । पढाईमा समेत अब्बल रहेकी कृपा कक्षा ५ को अन्तिम परीक्षामा दोस्रो भएपछि पढाई बिग्रिएको भन्दै बाबुआमाको दबाबमा उनले भलिबल त्यागिन् ।
करिब ३ महिना जति भलिबल छाडेर अध्ययनमा केन्द्रित उनलाई भलिबलको नसाले भने छाडेन । प्रशिक्षक राईले कृपाको बाबुआमलाई पढाईसँगै खेल्दा केही नबिग्रने भन्दै सम्झाएपछि कृपा फेरि भलिबल कोर्टमै फर्किइन् । त्यसपछि उनले पढाईं र खेलमा कहिल्यै पछि पर्नुपरे । न्यु डायमण्डमा भलिबल शुरु भएको २/३ वर्षपछि डायमण्डमा आएकी कृपालाई अवसरले पर्खिरहेको जस्तो पनि देखियो ।
त्यतिबेलाका सेटर बीना मोक्तानले टिम छाडेपछि उनी नै टिमको नम्वर १ सेटर बनिन् । उनले १२ वर्षसम्म न्यु डामण्डमा रहँदा डायमण्डलाई सबै खाले घरेलु प्रतियोगिताको उपाधि जिताईसकेका छन् । यतिमात्र हैन घरेलु भलिबलमा विभागिय टोलीको दबदबा रहेको बेला तीनलाई टक्कर दिने टोलीको रुपमा डायमण्डलाई स्थापित गर्न पनि कृपाको महत्वपूर्ण भूमिका छ ।
गोरखा देउराली स्थायी घर भएपनि पुरानो नैकाप काठमाडौंमा बसोबास गर्दै आएकी कृपाले सन् २०१५ मा भएको माल्दिभ्सविरुद्धको मैत्रीपूर्ण खेलबाट राष्ट्रिय महिला भलिबल टिममा डेब्यु गरेकी थिईन् । त्यसयता कृपाले १२ औं दक्षिण एयिाली खेलकुद (साग) र २०१७ मा भएको विश्व महिला भलिबल छनोट खेलमा नेपालको प्रतिनिधित्व गरेकी थिईन् ।
राष्ट्रिय टिममा डेब्यु गरेको वर्षमै नेपालमा भएको दक्षिण एसियाली आमन्त्रण महिला भलिबल च्याम्पियनसिपमा भने एसइइ (तत्कालिन एसएलसी) परीक्षाको तयारी गनुपरेका कारण गुमाएकी थिइन् । १८ वर्षीय कृपाले मध्यबानेश्वरमा रहेको स्कुल अफ इनभारोमेनट साइन्स कलेजमा बीएससी अध्ययनरत छिन् ।
सहायक सेनानी पदमा नाम निकालेकी सेटर कृपालाई नेपाली राष्ट्रिय टिमको कप्तान बिनिता बुढाथोकीको विकल्पको रुपमा हेरिएको थियो । तर, कृपा दुई वर्षसम्म कहाँ हुनेछिन् त्यो भेने हेर्न बाँकी नै छ । सोही अवसरमा न्यु डायमण्डमा कृपाले लगाउने २ नम्वर जर्सी रिया कुँवरलाई हस्तान्तरण गरिएको थियो ।
April 23, 2024
काठमाडौं (हाम्रो खेलकुद)– शेरबहादुर खड्का स्मृति प्रतिष्ठानको आयोजना बुधबार सुरु हुने केएनपी नेरोलेक राष्ट्रिय महिला भलिबल प्रतियोगितामा ४ टोलीको मात्र सहभागिता रहने भएको छ । आयोजकले मंगलबार राखेको टेक्निकल मिटिङले प्रतियोगिता भाग लिन नसक्ने जानकारी दिएको प्रतिष्ठानका अध्यक्ष रन्जन खड्काले जानकारी दिए । अब प्रतियोगिता राउन्ड रोविनका आधारमा हुने भएको छ । सहभागी टोलीका प्रतिनिधिको […]
April 23, 2024
काठमाडौं (हाम्रो खेलकुद) : इभन-पार ६८ को स्कोरमा भुवन नगरकोटी सूर्य नेपाल काठमाडौं ओपनको पहिलो दिन मंगलबार एक स्ट्रोकको अग्रता सहित शीर्षस्थानमा रहेका छन्। उनले रवि खड्का, भुवन कुमार रोक्का र निरज तामाङलाई एक स्ट्रोकले पछि पारेका हुन्। रवि, भुवन र निरजले भने पहिलो दिनको खेल १-ओभर ६९ मा सकाउँदै संयुक्तरुपमा दोस्रो स्थान बाँडे। २-ओभर […]
April 22, 2024
काठमाडौं (हाम्रो खेलकुद) – सूर्य नेपाल गल्फ टुर २०२३–२४ अन्तर्गतको सातौं प्रतियोगिताका रुपमा रहेको सूर्य नेपाल काठमाडौं ओपन मंगलबार सुरु हुने भएको छ । रोयल नेपाल गल्फ क्लबमा ७२ होलको ४ दिने प्रतियोगिता शुक्रबारसम्म चल्ने सोमबार आयोजित पत्रकार सम्मेलनमा जानकारी दिइयो । उपाधिको लागि ३२ प्रोफेसनल र ८ एमेच्योर गरी कुल ४० गल्फरहरूले दाबेदारी प्रस्तुत […]