default_image

6 years ago

May 8, 2018

एपिएफलाई बर्षको पहिलो भलिबल उपाधि

काठमाडौं (हाम्रो खेलकुद)– घरेलु महिला भलिबलमा अघिल्लो बर्षको सर्वाधिक सफल टोली नेपाल एपिएफ क्लबले उपाधिका साथ यो बर्षको सुरुवात गरेको छ । एपिएफले मंगलबार चौथो सस्करणको केएनपी राष्ट्रिय महिला भलिबल प्रतियोगिताको उपाधि जितेको छ । त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा अर्को विभागिय टोली नेपाल पुलिस क्लबलाई ३–० को सोझो सेटमा पराजित गर्दै एपीएफले […]

39 views

0 Bookmark

काठमाडौं (हाम्रो खेलकुद)– घरेलु महिला भलिबलमा अघिल्लो बर्षको सर्वाधिक सफल टोली नेपाल एपिएफ क्लबले उपाधिका साथ यो बर्षको सुरुवात गरेको छ । एपिएफले मंगलबार चौथो सस्करणको केएनपी राष्ट्रिय महिला भलिबल प्रतियोगिताको उपाधि जितेको छ ।


त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा अर्को विभागिय टोली नेपाल पुलिस क्लबलाई ३–० को सोझो सेटमा पराजित गर्दै एपीएफले बर्षको पहिलो उपाधि जितेको हो ।

एपिएफले गत बर्ष १० मध्ये ९ वटा प्रतियोगिताको उपाधि जितेको थियो । अघिल्लो बर्ष शिवम् न्यु डायमण्ड कप बाहेक सबै प्रतियोगिताको फाइनलमा एपीएफले न्यु डायमण्डलाई पराजित गरेको थियो । यसपटक भने न्यु डायमण्डले तेस्रो स्थानमा रहँदै प्रतियोगिताको अन्त्य गरेको थियो ।

यसपटक भने एपीएफले फाइनलमा नयाँ प्रतिद्वन्द्वी पाएको थियो । राष्ट्रिय टोलीका खेलाडीको बाहुल्यता रहेको एपिएफले पहिलो सेट सहजै २५–१२ ले आफ्नो पक्षमा पारेको थियो । दोस्रो सेट केही प्रतिस्पर्धात्मक भएपनि २५–१९ ले जित्दै खेल २–० ले अघि बढेको थियो ।

एक समय पुलिसले ७–१० को अग्रता बनाएको थियो । पुलिसका कामना विष्टले सर्भिसमा अंक गुमाउदा र एपएिफका रेश्मा भण्डारी सरस्वती चौधरीले स्पाइकबाट दुई अंक जोडेपछि खेल १०–१० को बराबरीमा पुगेको थियो । १२–१२ को अवस्थामा रहँदा पुलिसले लगातार अंक गुमाएको थियो । पुलिसले ७ अंक मात्र जोड्न सक्दा एपिएफले १३ अंक जोड्न सफल भएको थियो ।

तेस्रो सेटमा पनि पुलिसले सुरुवातमा राम्रो प्रदर्शन गर्नाका वावजुद २५–१७ ले खेल गुमाएपछि एपिएफ च्याम्पियन बनेको थियो ।

त्यसअघि तेस्रो स्थानको लागि भएको गत वर्षको उपविजेता शिवम् न्यु डायमण्ड एकेडेमीले पश्चिमाञ्चल क्षेत्रीय भलिबल संघमाथि ३–० को सहज जित निकाल्यो । एक पक्षीय खेलमा डायमण्डले पश्चिमाञ्चलमाथि २५–१४, २५–१६ र २५–१४ को सहज जित निकाल्यो ।

उपाधिसँगै एपीएफले १ लाख ५० हजार रुपैया प्राप्त गर्यो । उपविजेता बनेको पुलिसले १ लाख तथा तेस्रो भएको डायमण्डले ५० हजार रुपैया प्राप्त गर्यो ।

जितपछि एपीएफका प्रशिक्षक ज्ञानेन्द्र विष्टले भलिबललाई चाहिने सबै पक्ष (स्पाइक, ब्लक, रिसिभ र डिफेन्स) बलियो हुदा लगातार च्याम्पियन बन्न सफल भएको बताए ।

‘एउटै सेट टिम हुदा हामीले सहज नतिजा आफ्नो पक्षमा पार्न सफल भयौं । विपक्षी टिममा नयाँ र पुराना खेलाडीको तालमेल नमिल्दाको फाइदा हामीलसे लियौं ’ प्रशिक्षक विष्टले भने, ‘फाइनलमा नयाँ प्रतिद्धन्द्धीको रुपमा पुलिसलाई पाएपनि उनीहरुको कमजोरीलाई केलाएर खेल्दा सहज जित हात पार्न सफल भयौं । दोस्रो सेटमा रिसिभ र ब्लकमा तालमेल नमिल्दा अंक गुमाएपनि त्यसलाई सुधार गर्दै खेल्दा जित सहज भयो ।’

पराजित टिमका प्रशिक्षक रुपेश विष्टले रिसिभमा समस्या र घाइते खेलाडीलाई रिस्क लिएर खेलाउदा नै नजिता आफ्नो पक्षमा पार्न नसकिएको बताए । उनले भने ‘मुख्य खेलाडी कामना विष्ट फिट नहुदै हामीले रिस्क लिएर खेलायौं । उनले आफ्नो तर्फबाट सक्ने खेले । तर, प्राय नयाँ खेलाडीहरु रहेकाले तालमेल मिलाउन केही गाह्रो भयो ।’

विजेता, उपविजेता र तेस्रो टोलीका खेलाडीलाई राखेपका सदस्यसचिव केशव कुमार विष्ट, नेपाल भलिबल संघका अध्यक्ष मनोरन्जन रमण शर्मा, महासचिव जितेन्द्र बहादुर चन्द, कन्सई नेरोलिक पेन्टस् (केएनपी) का प्रतिनिधि र शिवम् सिमेन्टका प्रतिनिधिहरु पुरस्कृत गरे । बैशाख २१ गतेबाट शुरु भएको प्रतियोगितामा विभिन्न ६ टोलीले लिग कम नकआउटको आधारमा प्रतिस्पर्धा गरेका थिए ।

March 28, 2024

सुष्मा सेमिफाइनलमा

काठमाडौं (हाम्रो खेलकुद)- लुम्बिनी प्रदेशकी सुष्मा तामाङ र कर्णाली प्रदेशकी अस्मिता दुवाल छैटौं वीर गणेशमान सिंह राष्ट्रिय बक्सिङ प्रतियोगितामा सेमिफाइनलमा प्रवेश गरेका छन् । त्रिपुरेश्वरस्थित राष्ट्रिय खेलकुद परिषद्को कभर्डहलमा जारी प्रतियोगितामा बिहिबार महिला ५० केजीमा सुष्माले मधेश प्रदेशकी मनीषा राई तथा अस्मिताले एपीएफकी सन्जुमाया थिङलाई पराजित गर्दै अन्तिम चारको यात्रा तय गरे । महिला ५४ […]

March 28, 2024

भलिबल संघ र केल्मीबीचको सम्झौता नविकरण

काठमाडौं (हाम्रो खेलकुद)– अन्तर्राष्ट्रिय खेल पोशाक तथा सामग्री निमार्ण कम्पनी केल्मी स्पोर्टस प्रोडक्ट कम्पनीले राष्ट्रिय खेल भलिबललाई आफ्नो प्रायोजनमा निरन्तरता दिएको छ । केल्मीको नेपालका लागि आधिकारिक विक्रेता कामारु ट्रेडिङ प्राली र नेपाल भलिबल संंघबीच बिहीबार ३ वर्षका लागि सम्झौता नविकरण भएको हो । कामारुका निर्देशक प्रदीप न्यौपाने र संघका अध्यक्ष जीतेन्द्रबहादुर चन्दले सम्झौता पत्रमा […]

March 28, 2024

राष्ट्रपतिलाई निमन्त्रणा

काठमाडौं (हाम्रो खेलकुद) – राष्ट्रिय खेलकुद परिषद् (राखेप) ले १४ औं केन्द्रस्तरीय राष्ट्रपति रनिङ सिल्ड खेलकुद प्रतियोगिताको उद्घाटन समारोहको प्रमुख अतिथिका लागि राष्ट्रपति रामचन्द्र पौडेललाई बिहीबार निमन्त्रणा गरेको छ । राखेपको आयोजनामा १४ औं केन्द्रस्तरीय राष्ट्रपति रनिङ सिल्ड खेलकुद प्रतियोगिता वैशाख ४ देखि ६ गते काठमाडौंमा हुँदैछ । सदस्य सचिव टंकलाल घिसिङले शितल निवासमा राष्ट्रपति […]

Success

Thank you for your time.