7 years ago
August 11, 2018
काठमाडौं (हाम्रो खेलकुद)– राष्ट्रिय खेल भलिबलको लेभल–टु कोचिङ कोर्स काठमाडौंमा सम्पन्न भएको छ । नेपालमै पहिलोपटक सञ्चालन भएको पाँच दिने लेभल–टु कोचिङ कोर्समा १७ प्रशिक्षार्थी प्रशिक्षकले सहभागिता जनाएका थिए । जसमा नेपालका १४ जना, भारतका दुई जना र सिरियाबाट एक प्रशिक्षार्थीले ले भल–टु कोर्समा सहभागिता जनाएका थिए ।
उनीहरुलाई अन्तर्राष्ट्रिय भलिबल महासंघ (एफआईभी)का कोर्स डाइरेक्टर डच नागरिक लास डे डी जोङ र प्रशिक्षक दामिर कोलोले प्रशिक्षण दिएका थिए । १४ जना प्रशिक्षार्थी प्रशिक्षकले लेभल–टु कोर्स उत्तीर्ण गरेसँगै नेपालमा लेभल टु–कोर्स पुरा गर्ने प्रशिक्षकको सङ्ख्या २२ पुगेको छ । यसअघि ८ जनाले मात्रै लेभल टु कोर्स उत्तीर्ण गरेका थिए ।
लेभल–टु कोर्स पूरा गर्ने प्रशिक्षकहरुमा कपिलकिशोर श्रेष्ठ, जगदीश भट्ट, सुदेशकुमार रिमाल, कुमार राई, केशवलाल श्रेष्ठ, अञ्जु श्रेष्ठ, विजय बादे र प्रचण्डबहादुर सिंह रहेका छन् । प्रशिक्षक केशवकुमार श्रेष्ठको भने २०७२ को विनाशकारी भूकम्पमा परी निधन भएको थियो । स्तरीय प्रशिक्षक उत्पादन गर्न फेडेरेसन अफ इन्टरनेशनल भलिबल एफआईभीको सहकार्यमा नेपालमै पहिलोपटक लेभल–टु कोर्स आयोजना गरिएको नेपाल भलिबल संघले जानकारी गराए ।
लेभल–टु कोचिङ कोर्स पुरा गर्ने प्रशिक्षकहरु
१. डम्वर बहादुर नेपाली
२.टेकराज राजभण्डारी
३. बिकास गुरुङ
४.सन्तोष श्रेष्ठ
५.अनन्त श्रेष्ठ
६.रुपलाल तामाङ
७.अञ्चल धिमाल
८.रुपेश विष्ट
९.नीता शाह
१०.कोपिला उप्रेती
११. इन्दिरा निरौला
१२.वीरेन्द्र चौधरी
१३. चन्द्र बन्दना राई
१४. भरत यादव
December 5, 2025
काठमाडौं (हाम्रो खेलकुद)- राष्ट्रिय खेलकुद परिषद्ले सन्चालन गरेको मिसन २०२६ मा रहेका त्रिभुवन आर्मी क्लबकी गीता कठायत र नेपाल पुलिस क्लबका अभिषेक बरालले १३औं कोरियन एम्बेस्डर अन्तर्राष्ट्रिय तेक्वान्दो प्रतियोगितामा स्वर्ण पदक जितेका छन् । सातदोबाटोस्थित नेपाल तेक्वान्दो संघको हलमा शुक्रवार भएको सिनियर महिलाको ५३ केजीमुनिको तौल समूहमा गीताले पहिलो स्थान प्राप्त गरेकी हुन्। गीताले फाइनलमा […]
December 5, 2025
हिमाल खरेल,बिर्तामोड नेपाल पुलिस क्लब झापाको अर्जुनधारामा जारी अर्जुनधारा खुला महिला भलिबल प्रतियोगितामा सेमिफाइनलमा प्रवेश गरेको छ । आज भएको समूह चरणको आफ्नो अन्तिम खेलमा कोशी प्रदेश भलिबल संघलाई ३-० को सोझो सेटमा पराजित गर्दै पुलिस अन्तिम चारमा पुगेको हो । पुलिस समूह विजेता भएको छ । पुलिस १६–२५, १७–२५ र ११–२५ को सोझो सेटमा […]
December 5, 2025
हिमाल खरेल, बिर्तामोड त्रिभुवन आर्मी क्लब झापाको अर्जुनधारामा जारी अर्जुनधारा खुला महिला भलिबल प्रतियोगितामा सेमिफाइनलमा प्रवेश गरेको छ । आज भएको समूह चरणको आफ्नो अन्तिम खेलमा एभरेस्ट लुम्बिनी क्लबलाई ३-० को सोझो सेटमा पराजित गर्दै आर्मी अन्तिम चारमा पुगेको हो । आर्मी समूह उपविजेता भएको छ । आर्मीले २१–२५, १८–२५ र १०–२५ को सोझो सेटमा […]
