काठमाडौं (हाम्रो खेलकुद)– अंकुर बिद्याश्रम र रेडियन्ट पब्लिक स्कुल यू १२ अन्तरविद्यालय फुटसल प्रतियोगिताको उपाधिका लागि भिड्ने भएका छन् ।
एपेक्स लाइफ स्कुलले आयोजना गरेको प्रतियोगिताको बिहीबार भएको फाइनलमा अंकुरले आयोजक एपेक्सलाई ५–४ ले र रेडियन्टले किड्स लर्निङ स्कुललाई ३-२ ले हराएको थियो ।
प्रतियोगिताको फाइनल शुक्रबार हुने एपेक्स लाइफ स्कुलका संयोजक प्रकाश भट्टराईले जानकारी दिए । प्रतियोगितामा एपेक्स लाइफ स्कुल, युरो स्कूल, किड्स लर्निङ स्कुल, द एक्सलिएर स्कुल, रेडियन्ट पब्लिक स्कुल, अंकुर विद्याश्रम, शुभतारा स्कुल, जोसेफ हाई स्कुल, सिद्धार्थ बनस्थली स्कुल, पनिनि स्कुल, मेरिडियन इन्टरनेशनल स्कुल र प्रिमियर इन्टरनेशनल स्कुल लगायतका टिमहरुको सहभागिता रहेको थियो ।
