काठमाडौं (हाम्रो खेलकुद) – नेपाली समुदायबीच आयोजना हुने चौथो समर कप फुटसल प्रतियोगिता अर्को महिना आयोजना हुने भएको छ ।
श्री गणेश खुकुरी एफसीको आयोजनामा जापानको फुकुवकामा फुटसल प्रतियोगिता साउन ८ गते हुने बताइएको छ । प्रतियोगिताको विजेताले ३ लाख र दोस्रो हुने टोलीले १ लाख ५० हजार जापानी यान प्राप्त गर्ने बताइएको छ ।
तेस्रो हुने टोलीले अर्को वर्ष हुने पाँचौं समर कपमा निशुल्क प्रवेश पाउनेछ । साउन ४ गते सम्म दर्ता गर्न सकिने च्याम्पियनसिपमा भाग लिन ३५ हजार जापानी यान बुझाउनुपर्ने आयोजक क्लबले जनाएको छ ।
