काठमाडौं (हाम्रो खेलकुद)-– एक्टिभ स्पोर्टस् कम्प्लेक्सको आयोजनामा पहिलो स्कोडा अन्तर बैंक फुटसल प्रतियोगिता हुने भएको छ । जुनदेखि सञ्चालनमा आएको एक्टिभमा फिटनेस सेन्टर, स्विमिङ पुल र दुई वटा फुटसल पिच रहेका छन् ।

फुटसल विकासका लागि दीर्घकालिन योजनाका साथ काम गर्ने लक्ष्यसहित सुरुवातमा यो प्रतियोगिता गर्न लागेको एक्टिभले जनाएको छ । दुई साताको शनिबार (साउन ११ र १८ गते) हुने प्रतियोगितामा पहिलो शनिबार समूह चरण र दोस्रो शनिबार नकआउट चरणका खेल खेलाइने बताइएको छ ।

प्रतियोगितामा सहभागि टोली चार समूहमा विभाजन गरिएको छ । समूह ‘ए’मा नबिल , ग्लोबल आइएमइ, नबिल, कुमारी र लक्ष्मी बैंक र समूह ‘बी’मा सिद्धार्थ, सिटिजन, मेघा, माछापुच्छ«े, एनआइसी एसिया बैंक रहेको छ ।

एसीसी, राबीबी, सिभिल, प्रभु र सेन्चुरी समूह ‘सी’मा तथा हिमालय, एनएमबी, सनराइज, नेपाल बंगलादेश र बिओके समूह ‘डी’मा छन् । राउन्ड रोविनपछि समूहका शीर्ष २ टोली क्वार्टरफाइनलमा प्रवेश गर्नेछन् ।

साउन १८ हुने फाइनलको विजेताले उपाधि १ लाख, दोस्रो हुने टोलीले ५० हजार रुपैयाँ प्राप्त गर्नेछन् । प्रतियोगिताका उत्कृष्ट खेलाडी र उच्च गोलकर्ताले कम्लेम्समा रहेको स्विमिङ पुलमा एक वर्ष सम्म निशुल्क पौडी खेल्न पाउनेछन् ।