काठमाडौं(हाम्रो खेलकुद) – प्रथम स्कोडा अन्तर बैंक फुटसल २०१९ को उपाधि हिमालयन बैंकले जितेको छ । शनिवार काठमाडौंम सम्पन्न फाइनलमा हिमालयनले ग्लोबल आईएमीलाई ३-० गोल अन्तरले पराजित गर्दै उपाधि जित्न सफल भएको हो ।
त्यसअघि समेमिफाइनल खेलमा ग्लोबल आईएमीले मेघालाई ५-० को फराकिलो गोल अन्तरले पराजित गर्दै फाइनलमा पुगेको थियो । त्यस्तै हिमालयनले सिभिललाई ३-२ को कठिन जित निकाल्दै फाइनलमा पुगेको थियो ।
आजनै भएको क्वाटरफाइनल खेलमा मेघाले कुमारी बैंकमाथि ४-१ को सहज जित निकालेको थियो । त्यस्तै अर्को क्वाटरफाइनल खेलमा ग्लोबलले एनआईसी एसियालाई ५-४ गोल अन्तरले पराजित गर्दै सेमिफाइनलमा स्थान पक्का गरेको थियो ।
तेस्रो क्वाटर फाइनल खेलमा सिभिलले एनएमबीलाई ३-२ ले हराएको थियो । अन्तिम क्वाटरफाइनल खेलमा हिमालयनले प्रभुलाई ३-२ ले पराजित गर्दै सेमिफाइनमा सिभिलसँगको भेट पक्का गरेको थियो ।
