काठमाडौं (हाम्रो खेलकुद)– पूर्वप्रधानमन्त्री गिरिजाप्रसाद कोइरालाको स्मृतिमा गठित गिरिजाप्रसाद स्मृति फाउन्डेसनले पुराना तेक्वान्दो खेलाडी सुदर्शन थापामगरलाई मानव अधिकार अवार्ड प्रदान गरेको छ ।
पूर्वराष्ट्रपति डा. रामवरण यादवले आइतबार राजधानीमा आयोजित कार्यक्रममा तेक्वान्दोका पाँचौं डान सुदर्शनलाई अवार्ड प्रदान गरे । सुदर्शन फाउन्डेसनको एसिया प्यासिफिक क्षेत्रका संयोजक पनि हुन् । उनी पछिल्ला केही वर्षदेखि मकाउमा खेलकुदका साथै विभिन्न ब्यवसायमा संलग्न रहँदै आएका छन् ।
सम्मानपछि सुदर्शनले नेपाली खेलकुद क्षेत्रमा पु¥याएको योगदानको कदर गर्दै अवार्ड प्राप्त गर्दा खुसी लागेको बताए । सुदर्शनसँगै फाउन्डेसनका अमेरिकाका संयोजक सोमनाथ घिमिरेलाई पनि सो अवार्ड प्रदान गरिएको थियो । फाउन्डेसनकी अध्यक्ष सुजाता कोइरालाको सभापतित्वमा भएको कार्यक्रममा समाजका विभिन्न क्षेत्रमा योगदान पु¥याउने महानुभावलाई पनि सम्मान गरिएको थियो ।
