रौतहट (हाम्रो खेलुकद)– श्री हिमालीबास फुटसल युवा क्लबले आयोजना गरेको प्रथम गाउँ स्तरीय फुटसल प्रतियोगिताको उपाधि युथ स्टार हिमालीबास युवा क्लब निलोले जितेको छ।
रौतहटको फतुवा विजयपुर ( ११ स्थित मैदानमा भएको फाइनलमा हिमालीबास फुटसल युवा क्लब रातोलाईलाई ३–२ ले पराजित गर्दै युथ स्टार हिमालीबास निलोले उपाधि जितेको हो।
विजेता टोलीका लागि दिवस श्रेष्ठले २ र विवस श्रेष्ठले १ गोल गरे । हिमालीबास रातोका लागि मादुले र सरोज भुजेलले समान १ गोल गरे । विजेता टोलीका दिवस श्रेष्ठ ‘म्यान अफ द म्याच’ घोषित भए । ८ गोल गरेका दिवस नै प्रतियोगिताको उच्च गोलकर्ता बने र उनले १५ हजार रुपैयाँ प्राप्त गरे ।
उपाधि विजेता टोलीले उपाधिसहित १२ हजार रुपैयाँ प्राप्त गर्यो । विजेता टोलीलाई प्रतियोगिताका मुख्य अतिथि पवन तिमल्सिना, सभापति डा. अर्जुन श्रेष्ठले संयुक्त रुपमा पुस्तकृत गरे । ३ दिन सम्म चलेको प्रतियोगितामा ४ टोलीको सहभागिता रहेको कार्यक्रम सन्चालक समेत रहेका समाजसेवी एन के शरदले जानकारी दिए ।
