3 years ago
November 30, 2020
काठमाडौं (हाम्रो खेलकुद)– ओलम्पियन तथा दक्षिण एसियाली खेलकुद (साग) का कीर्तिमानी पदक विजेता दीपक विष्ट कोरोना संक्रमणबाट मुक्त भएका छन् । आइतबार गरिएको आफ्नो दोस्रो पिसिआर टेष्टमा नेगेटिभ आएको विष्टले हाम्रो खेलकुदलाई जानकारी दिए । मंसिर ३ गते उनलाई कोरोना संक्रमणको पुष्टी भएको थियो । उनी पत्नी १३ औं सागकी दोहोरो स्वर्ण पदक विजेता आयशा […]
काठमाडौं (हाम्रो खेलकुद)– ओलम्पियन तथा दक्षिण एसियाली खेलकुद (साग) का कीर्तिमानी पदक विजेता दीपक विष्ट कोरोना संक्रमणबाट मुक्त भएका छन् ।
आइतबार गरिएको आफ्नो दोस्रो पिसिआर टेष्टमा नेगेटिभ आएको विष्टले हाम्रो खेलकुदलाई जानकारी दिए । मंसिर ३ गते उनलाई कोरोना संक्रमणको पुष्टी भएको थियो । उनी पत्नी १३ औं सागकी दोहोरो स्वर्ण पदक विजेता आयशा शाक्य भने गत साता नै कोरोना मुक्त भएकी थिइन् ।
त्यसअघि विष्टका आमा बाबु, भाई र बुहारीलाई पनि संक्रमण भएको थियो । उनीहरु सबै पहिले नै कोरोना मुक्त भइसकेका छन् । लक्षणसहितको कोरोना पछि विष्ट होम आइसोलेसनमा बसेका थिए । नियमित योगा, व्यायाम, पोष्टिक आहार, सकारात्मक सोच, सबैको शुभेच्छाले आफू कोरोना मुक्त हुन सफल भएको अनुभव गरेको विष्टले सुनाए ।
‘यस्तो समयमा शारीरिक रुपमा मात्र होइन मानसिक रुपमा पनि मान्छे कमजोर हुने रहेछ, उनले अनुभव सुनाए,’ तर, ‘हामीले जति सक्दो आफूलाई सकारात्मक राख्ने, घर भित्र हुँदा पनि व्यस्त रहने , पढ्ने, फिल्म हेर्ने, लगायत आफ्ना रुचीका काम गर्ने, नियमित व्यायम र खानपानमा ध्यान दिदा निको हुने रहेछ । यस्तो बेलामा परिवार, साथीभाई, शुभेच्छुकहरुको हौसलाले पनि मानसिक रुपमा बलियो बनाउन मद्दत गर्यो ।’
आयशा र दीपकको जोडीले कोरोना संक्रमणका कारण सरकारले चैत ११ मा लकडाउन गरेपछि आर्थिक संकटमा परेका भक्तपुरको ठिमीमा रहेका सडक बालबालिका, भक्तपुर क्यान्सर अस्पतालमा रहेका पीडित र उनीहरुका आफन्त गरि झन्डै २ सयलाई मानव सेवा आश्रमको भक्तपुर कौशलटारस्थित प्रदेश ३ को कार्यलयसँगको सहकार्यमा खाना खुवाएका थिए ।
त्यसअघि उनीहरुले कीर्तिपुरको नगाँउका ३५ दृष्टिविहिनलाई र अनाथ ५५ बालबालिकाले आश्रय लिइरहेका बानेश्वर संगम चोकस्थित नयाँ नेपाल समाज केन्द्रलाई खाद्यान्न सहयोग गरेका थिए ।
आठौं देखि ११ औं सागसम्म लगातार तेक्वान्दोमा स्वर्ण जित्ने र एसियाली खेलकुदमा दुई कास्य पदक जित्ने दीपक एक्लो नेपाली खेलाडी हुन् । उनले छनोट चरण पार्दै गर्दै २००८ को ओलम्पिक खेलेका थिए । दीपक अघि तेक्वान्दोकै संगिना वैद्यले छनोट चरण पार गरेर २००४ मा एथेन्स ओलम्पिक खेलेकी थिइन् । १३ औं सागमा संगिना र दीपक दुवै राष्ट्रिय तेक्वान्दो टोलीको प्रशिक्षण थिए ।
March 18, 2024
काठमाडौं (हाम्रो खेलकुद) – एपिएफ क्लबले जितबाट आठौं आरबीबी एनभिए महिला तथा पुरुष भलिबल च्याम्पियनसिपको पुरुषतर्फको यात्रा सुरु गरेको छ । त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा जारी प्रतियोगिताको सोमबार अन्तिम खेलमा एपिएफले जावलाखेल भलिबल क्लबलाई ३–० को सोझो सेटमा हराएको हो । एपिएफले २५–१८,२५–१७,२५–१४ को सहज जित निकालेको थियो । समूह बीमा एपिएफ […]
March 18, 2024
काठमाडौं (हाम्रो खेलकुद) – त्रिभुवन आर्मी क्लबले आठौं आरबीबी एनभिए महिला तथा पुरुष भलिबल च्याम्पियनसिपको पुरुषतर्फ लगातार दोस्रो जित निकालेको छ। त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा सोमबार भएको समूह चरणको खेलमा आर्मीले न्युटन क्लबलाई ३-० ले हराएको छ। आर्मी २५-१५, २५-१२, २५-२० ले विजयी भएको हो। आर्मीका दुर्गा महतो प्लेयर अफ दि म्याच बने […]
March 18, 2024
काठमाडौं (हाम्रो खेलकुद) – गण्डकी प्रदेशले आठौं आरबीबी एनभिए महिला तथा पुरुष भलिबल च्याम्पियनसिपको पुरुषतर्फ पहिलो जित दर्ता गरेको छ । पहिलो खेलमा विभागीय त्रिभुवन आर्मी क्लबसँग सोझो सेटमा पराजित भएको गण्डकीले मणि मुकुन्द भलिबल क्लब बुटवललाई ३–१ को सेटमा पराजित गर्दै पहिलो जित दर्ता गरेको हो । त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा […]