3 years ago
September 26, 2021
विजय नेपाली, पोखराराष्ट्रिय ए डिभिजन फुटसल लिगमा रेफ्रीको निर्णय प्रति क्लबको असन्तुष्टिबारे लिग कमिटिले छलफल गरेको छ । लिगमा सहभागी सबै टोलीका प्रतिनिधिको हस्ताक्षर सहितको विज्ञप्ती प्राप्त भएपछि शुक्रबार राती नै उक्त विषयप्रति अफिसियलसंग छलफल भएको बताइएको छ । आइतबार बिहान लिग कमिटी, अफिसिल र सहभागी १० टोलीका मुख्य प्रशिक्षकबीच भएको छलफलले नियम अनुसार खेलाउने […]
विजय नेपाली, पोखरा
राष्ट्रिय ए डिभिजन फुटसल लिगमा रेफ्रीको निर्णय प्रति क्लबको असन्तुष्टिबारे लिग कमिटिले छलफल गरेको छ । लिगमा सहभागी सबै टोलीका प्रतिनिधिको हस्ताक्षर सहितको विज्ञप्ती प्राप्त भएपछि शुक्रबार राती नै उक्त विषयप्रति अफिसियलसंग छलफल भएको बताइएको छ ।
आइतबार बिहान लिग कमिटी, अफिसिल र सहभागी १० टोलीका मुख्य प्रशिक्षकबीच भएको छलफलले नियम अनुसार खेलाउने र अब आउने दिनमा गम्भिर कमजोरी भए कारवाही गर्ने गरी सहमति भएको छ । शुक्रबारसम्म अफिसियलको टिम फुटसल कोर्टको उत्तरतर्फ बस्ने गरेपनि शनिवारदेखि भने दक्षिण तर्फ बसेका छन् ।
लिगको सुरु खेलदेखि नै क्लबहरु रेफ्रीप्रति रुष्ट रहँदै आएका थिए । सुरुवाती खेलहरुमा फुटसलको नियम र कोर्ट नै नयाँ भएकाले क्लबहरुले समेत केही बोलेनन् । तर, लिग सुरु भई थुप्रै खेल खेलाउँदा समेत अपरिपक्व निर्णय लिने गरेको क्लबहरुको आरोप रहेको छ । रेफ्रीको गलत निर्णयकै कारण आफ्ना खेलाडी घाइते हुदाँ समेत उल्टै बाहिरीन परेको क्लबहरुको गुनासो छ । पहिलो पटक म्याटमा खेलाइएका कारण खेलाडी घाइते हुनेको संख्या बढिरहेको छ ।
विवाद समाधानका लागि ज्ञापनपत्र प्राप्त हुनासाथ एन्फा फुटसल विभाग प्रमुख विनोद गुरुङले खेल सकिए लगतै पहिलो चरणको छलफल सुरु गरेको बताए । ‘हामी पहिलो चरणको छलफलमा बसिसकेका छौँ । फुटबलबाट आएका रेफ्रीहरु हुन् । उनीहरुले फुटसल सम्बन्धि तालिम लिइसकेका छन् । नयाँ र पहिलो पटक भएकाले केहि कमजोरी भएकै हो’ उनले भने,‘यो सुधार हुँदै गइरहेको छ । पहिला सुरुवातीका खेलमा भन्दा हामी फरक देख्न पाउँछौँ ।’ गुरुङले क्लबहरुको गुनासोको मध्यनजर गर्दै दर्शकको दबाब भएको भन्दै अफिसियलको स्थान तथा खेलाडी बस्ने स्थान समेत परिवर्तन गरको सुनाए ।
खेल फुटबल जस्तो भएको बताउँदै यसलाई फुटसलकै नियम र वास्तविक फुटसल बनाउन समय लाग्ने बताए । उनले आफुहरुले फुटसलकै खेलाडी उत्पादन गर्न लागिपरेको सुनाए । उनले फुटबलका खेलाडीले नै फुटसल खेलिरहेपनि अब भने विशुद्ध फुटसल खेलाडी नै उत्पादन गर्ने लक्ष्य रहेको बताए । अब फुटसलले पनि आफ्नै खेलाडी र अफिसियल उत्पादन गर्ने उनको भनाइ छ ।
क्लबहरु लिगबाट भने खुसी रहेका छन् । फुटसलको महत्वलाई बुझेर एन्फाले लिग गर्नु सुखद भएको नेपाल फुटसल व्यवसायी संघका अध्यक्ष तथा ढुकु फुटसल हबका प्रशिक्षक राज महर्जनले बताए । उनले आयोजक प्रति कुनै गुनासो नरहेको तर, रेफ्रीप्रति भने असन्तुष्टि रहेको बताए ।
द राइजिङ क्लब धरानका प्रशिक्षक युवेन्द्र गुरुङले रेफ्रीको निर्णयका कारण खेलबाट आफुहरु जान चाहेको बताए सुरु खेल देखि नै जित हात पारेपनि रेफ्रीको निर्णयप्रति असन्तष्टि रहँदै आएका थिए । उनले लिगको सम्मानकै कारण विना विवादित रेफ्रीको निर्णय सच्याउनुपर्नेमा जोड दिए ।
शंखमुलको जित
लिग अन्तर्गत आइतबार २ खेल सम्पन्न भएको छ । आइतबार भएको पहिलो खेलमा घरेलु टोली सविन मेमोरियलले द राइजिङ क्लब धरानसंग अंक बाडेको छ । खेल ५–५ बराबरीमा टुंगिएको थियो । ५ खेलबाट दुवै टोलीले समान १० अंक जोडेका छन् । गोलअन्तरमा सविन मेमोरियल तस्रो र राइजिङ चौथोमा छ ।
दोस्रो खेलमा भने शंखमुल फुटसलले ढुकु फुटसल हबलाई ६–२ ले हराएको छ । जितसंगै शंखमुल लिग तालिकाको शिर्ष स्थानमा उक्लिएको छ । शंखमुलको कुल ५ खेलबाट ११ अंक छ ।
April 25, 2024
काठमाडौं (हाम्रो खेलकुद)- भुवन नगरकोटी समग्रमा ७-अन्डर १ सय ९७ सहित ६ स्ट्रोकको अग्रता सहित सूर्य नेपाल काठमाडौं ओपनको तेस्रो दिन शीर्षस्थानमा रहेका छन्। आज भुवनले ५-अन्डर ६३ को उत्कृष्ट प्रदर्शन गर्दा दिनेश प्रजापतिलाई ६ स्ट्रोकले पछि पार्दै एकल अग्रता सहित उपाधि जित्ने संभावनालाई बलियो बनाएका छन्। भुवनले उत्कृष्ट दिनको सुरूवात सानदार गरे। पहिलो, दोस्रो, […]
April 25, 2024
काठमाडौं (हाम्रो खेलकुद) – साविक उपविजेता विभागीय नेपाल एपिएफ क्लबले सातौं केएनपी नेरोलेक राष्ट्रिय महिला भलिबल प्रतियोगितामा अर्काे विभागीय टोली त्रिभुवन आर्मी क्लबमाथि रोमाञ्चक जित निकाल्दै फाइनल पुग्ने सम्भावना बलियो बनाएको छ । एपिएफले आर्मीलाई ३–२ को सेटमा पराजित गर्दै फाइनल पुग्ने सम्भावना बलियो बनाएको हो । सुरुवाती दुई सेट जितेको एपिएफले त्यसपछि लगातार दुई […]
April 25, 2024
काठमाडौं (हाम्रो खेलकुद) – सातौं केएनपी नेरोलेक महिला भलिबल प्रतियोगिताको दोस्रो दिन बुधबार पनि दुई खेल हुँदैछन् ।त्रिपुरेश्वरस्थित राष्ट्रिय खेलकुद परिषद्को कभर्ड हलमा दिउँसो १ः०० बजे सुरु हुने खेलमा दुई विभागिय टोली साविक उपविजेता नेपाल एपिएफ क्लब र त्रिभुवन आर्मी क्लबबीच हुनेछ । एपिएफल लगातार दोस्रो खेल जित्ने योजनामा हुनेछ भने आर्मी फाइनल प्रवेशको सम्भावनालाई […]