3 years ago
October 4, 2021
विजय नेपाली, पोखरा घरेलु टोली स्पोट्र्स क्यासल राष्ट्रिय ए डिभिजन फुटसल लिगको शिर्ष स्थान टोली हो । अंक अग्रता निकै फराकिलो भएकाले क्यासलले लिगको आफ्नो अन्तिम खेल हार्दा पनि त्यसले खासै फरक पर्ने अवस्था थिएन । त्यस्तोमा क्यासलका अन्तिम खेल मंगलबार द राइजिङ क्लब धरानसंग थियो । राइजिङ तालिकाको तेस्रो स्थानको टोली हो । क्यासललाई […]
विजय नेपाली, पोखरा
घरेलु टोली स्पोट्र्स क्यासल राष्ट्रिय ए डिभिजन फुटसल लिगको शिर्ष स्थान टोली हो । अंक अग्रता निकै फराकिलो भएकाले क्यासलले लिगको आफ्नो अन्तिम खेल हार्दा पनि त्यसले खासै फरक पर्ने अवस्था थिएन ।
त्यस्तोमा क्यासलका अन्तिम खेल मंगलबार द राइजिङ क्लब धरानसंग थियो । राइजिङ तालिकाको तेस्रो स्थानको टोली हो । क्यासललाई जितेको खण्डमा धरान दोस्रो स्थानमा उक्लिन्थ्यो । क्यासलले यस अघि लिग चरणको खेलमा शंखमुलसंग बराबरी खेल्नु बाहेक अन्य टोलीसँग जित हासिल गरेको थियो । त्यस्तोमा क्यासल राइजिङसंग ६–४ ले पराजित भयो । खेलमा क्यासलको आक्रमक शैली देखिएन । लिगमा अब्बल कहलिएको क्यासलको खेल सोचे जस्तो थिए ।
राइजिङका मुख्य प्रशिक्षक युवेन्द्र गुरुङले क्यासललाई जित्न खेलाडीले खासै मिहेनत गर्न नपरेको बताए । उनले क्यासल तालिकाको शीर्ष स्थानमा रहेकाले हारेपनि कुनै असर नपर्ने भएको कारण खेल केहि सहज भएको बताए । ‘हामीले पनि धेरै दुख गर्न परेन । क्यासलले आफ्नो पहिलो सेटका मुख्य खेलाडीलाई जोगाउनमा लाग्यो । जसको फाइदा हामीलाई हुन पुग्यो ’ उनले भने,‘यो एडभान्टेज खेल थियो हाम्रो लागि । त्यहिको फाइदा उठायौँ ।’
तर, क्वालिफाइ खेलमा भने आजको जस्तो खेल नहुने उनले बताए । यदि हामी तालिकाको दोस्रो स्थानमा रह्यौ भने फाइनल प्रवेशका लागि क्यासलसंगै भिड्न पर्ने हुन्छ । तर, त्यो समयमा भने क्यासलको खेल निकै फरक हुनेछ ’उनले थपे।
उता क्यासलका प्रशिक्षक विष्णु गुरुङ पनि आफूहरुलाई हारेको खण्डमा फाइदा हुने स्विकारे । उनले फाइनल प्रवेशका लागि शंखमुलसंग भन्दा राइजिङसंग भिड्दा सजिलो हुने बताए । ‘हार व्यहोर्दा नरामाइलो त लाग्छ नै । मुख्यतयः मैले हाम्रा खेलाडी जोगाउने तरिकाले खेलाएको हुँ । हामी टपमा छौँ त्यसैले फाइनल प्रवेशको खेल हामीलाई गाह्रो हुनाले आज खेलाडी जोगाउनमा लागे ’ उनले भने ,‘अर्को हिसाबले हेर्दा हामीलाई शंखमुल भन्दा राइजिङनै सजिलो भने हो ।’
पोखरास्थित बहुउद्देश्यीय कभर्डबलमा सोमबार भएको खेलमा राइजिङको जितमा मिलन राईले दुई तथा सुदिप गुरुङ, रिवोस मास्के, विसन गुरुङ र विकु तामाङले समान एक गोल गरे । स्पोर्ट्स क्यासलका सुमित श्रेष्ठ, सुरेश बुढामगर, किशोर गुरुङ र दिपेश घलेले गोल गरेपनि हार टार्न सकेन ।
क्यासलको कुल ९ खेलबाट २२ अंक छ । क्यासलले ७ खेलमा जित १ खेलमा बराबरी र १ खेलमा हार व्यहोरेको थियो । राइजिङ क्लब तालिकाको दोस्रो स्थानमा उक्लिएको छ । राइजिङको कुल ९ खेलबाट १९ अंक छ । राइजिङले ६ खेलमा जित,१ खेल बराबरी र २ खेलमा हार व्यहोरेको छ ।
दोस्रो स्थानमै रहनका लागि भने टोलले सविन मेमोरियल र शंखमुलबीचको नतिजा कुर्नुपर्नेछ । उक्त खेलमा शंखमुलले जितेको खण्डमा दोस्रो स्थानमै उक्लिने छ । सविनले जितेको खण्डमा भने प्लेअफमा पुग्ने सम्भावना रहने छ । शंखमुललाई जितेपनि फुटसल ५ धरान र प्रभातफेरी युथ क्लबबिचको नतिजा पर्खिनुपर्ने हुन्छ । उक्त खेलमा फुटसल ५ धरानले जितको खण्डमा शंखमुलाई जितेपनि प्लेअफमा पुग्न भने सक्दैन । फुटसल ५ धरानको ८ खेलबाट १४ अंक रहेको छ । सविनको ८ खेलबाट १३ अंक सहित तालिकाको पाँचौ स्थानमा रहेको छ ।
क्यासलले हार व्यहोर्दा सविनलाई पनि घाटा परेको छ । राइजिङलाई क्यासलले हराएको खण्डमा सविनले शंखमुललाई जितेको खण्डमा सविनको प्लेअफको सम्भावना थियो । उक्त सम्भावना भने क्यासलले तोडिदिएको छ । तर क्यासलको रणनीतिमा पनि फुटसल ५ धरान र प्रभातफेरीको खेलले निर्धारण गर्ने देखिएको छ । फुटसल ५ धरानले जितेको खण्डमा सविन मेमोरियल प्लेअफमा पुग्ने सम्भावना न्युन रहने छ । जुन कुरा क्यासलले चाहदैन् ।
सोमबार नै भएको मछिन्द्र स्काइ गोल्स र लुम्बिनीबिचको प्रतिष्ठाको खेलमा मछिन्द्रले बाजि मारेको छ । मछिन्द्रले लुम्बिनी माथि प्रतिष्ठाको खेलमा ५–४ ले हराउँदै तालिकाको छैटौं स्थानमा रहँदै लिगबाट विदा भएको छ । स्काई गोल्सका मनोज राई, सविन केसी, सुभेत लामा र दिपेश सेन ठकुरीले समान एक गोल गर्दा एक गोल उपहार पाएको थियो ।
लुम्विनीका सुजन थापाले दुई तथा देवाशेष शर्मा र रुपेश बराइलीले गोल फर्काए । जितसँगै मछिन्द्रको ९ खेलबाट १३ अंक जोड्दै लिगमा छैटौं स्थानमा रहेर लिगको अन्त्य ग¥यो । लुम्विनी र झरना स्पोर्ट्स क्लबले रेलिगेसन टार्न सकेनन् । लुम्बिनी भने यस अघि नै रेलिगेसनमा परिसकेको थियो । दुबै टिमलाई एन्फा फुटसल संयोजक रत्नकुमार श्रेष्ठ तथा फुटसल विभाग प्रमुख विनोद गुरुङले खादा लगाई बिदाई गरेका थिए ।
लिगमा मंगलबार लिग चरणका अन्तिम तीन खेलमा प्रतिस्पर्धा हुनेछ । फुटसल फाइभ र प्रभातफेरी, ढुकु र झरना तथा सविन मेमोरियल र शंखमुलबीच प्रतिस्पर्धा हुनेछ । लिगको विजेताले १० लाख तथा उपविजेताले ५ लाख रुपैयाँ पाउनेछ । लिगको विंगर (एएलए–पिभोट), डिफेन्डर (फिक्सो), उदियमान खेलाडी, गोलरक्षक र प्रशिक्षकले समान २५ हजार पाउनेछन् ।
April 18, 2024
काठमाडौं (हाम्रो खेलकुद)– सुदूरपश्चिम प्रदेशले पहिलो पटक केन्द्रीयस्तरीय राष्ट्रपति रनिङ सिल्डमा बिहीबार टिम च्याम्पियन बनेको छ । १४ औं संस्करणमा १९ स्वर्ण, १२ रजत र १८ कांस्य पदकका साथ सुदूरपश्चिम च्याम्पियन बनेको हो । बागमती प्रदेश १७ स्वर्ण, १३ रजत र १५ कांस्य पदकका साथ दोश्रो भयो । तेश्रो स्थानको कर्णाली प्रदेशले १० स्वर्ण, ५ […]
April 18, 2024
काठमाडौं (हााम्रो खेलकुद)– १४ औं केन्द्रीयस्तरीय राष्ट्रपति रनिङ सिल्डको अन्तिम दिन बिहीबार एथलेटिक्समा ३ नयाँ जुनियर राष्ट्रिय कीर्तिमान कायम भएको छ । राष्ट्रिय खेलकुद परिषद् (राखेप) द्वारा आयोजित प्रतियोगितामा अन्तर्गत त्रिपुरेश्वरस्थित दशरथ रंगशालामा सुदूरपश्चिम प्रदेशका आशिष महरले छात्र ट्रिपल जम्पमा १४.१९ मिटर जम्प गर्दै ३६ वर्षअघिको जुनियर राष्ट्रिय कीर्तिमान भंग गर्दै स्वर्ण पदक जितेको छन् […]
April 18, 2024
दिल तामाङ नेपाली भलिबल वर्ष २०८० मा चलायमान रह्यो । घरेलु भलिबल व्यस्त रहँदा अन्तर्राष्ट्रिय सहभागिताले पनि निरन्तरता पायो । भलिबल नेपालको राष्ट्रिय खेल घोषणा भएको ६ वर्ष भन्दा बढी भइसकेको छ । तर, अपेक्षा अनुसार सरकारले भलिबलमा लगानी भने गरेको छैन । यद्यपि घरेलु भलिबल व्यस्त रह्यो । पुरुषको १५ र महिलाको ९ वटा […]