काठमाडौं (हाम्रो खेलकुद)– शेरबहादुर खड्का स्मृति प्रतिस्ठानको आयोजनामा मंगलबार सुरु हुने केएनपी राष्ट्रिय महिला भलिबल प्रतियोगिता प्रथम पुरस्कार प्रायोजन गरेको क्वायरटुफ म्याटे«सले थप पुरस्कार प्रायोजनको व्यवस्था मिलाएको छ ।
स्ट्याटस ट्रेडिङका कार्यकारी निर्देशक सुरेन्द्र सारडा (दायाँ) प्रतिष्ठानका अध्यक्ष रन्जन खड्कालाई चेक हस्तान्तरण गदै ।
यसअघि नै घोषणा गरिसकेको प्रथम पुरस्कार रकम १ लाख ५० हजार रुपैयाँको चेक हस्तान्तरणका लागि आइतबार क्वायरटुफ म्याट्र«सले थप प्रायोजनको घोषणा गरेको हो ।
शान्तिनगर स्थित स्ट्याटस ट्रेडिङको कार्यलयमा कार्यकारी निर्देशक सुरेन्द्र सारडाले प्रतिष्ठानका अध्यक्ष रन्जन खड्कालाई चेक हस्तान्तरण गरे । सारडाकै सहायक कम्पनी जेम प्लोरिङले सर्वोकृष्ट खेलाडिको १५ हजार तथा अन्य ८ बिधागत पुरस्कार २४ हजार रुपैयाँ पनि प्रायोजन गर्ने भएको छ ।
त्रिपुरेश्वरस्थित राष्ट्रिय खेलकुद परिषद (राखेप) कभर्ड हलमा मंगलबार सुरु हुने प्रतियोगितालाई केएनपी जापानले मुख्य तथा शिवम् सिमेन्टले सह प्रायोजन गरेको छ । त्यस्तै प्रतियोगिताको बिशेष सहयोगको रुपमा राखेप,नेपाल भलिबल संघ,प्रतिष्ठित रेमिटेन्स कम्पनी आइएमइ रेमिट,डल्फीन चियर,एयर एसिया,मेरिडिन पोली क्लिनिक रहेका छन् ।
६ टोलीको सहभागितामा ४ दिन चल्ने प्रतियोगिताको विजेता टोलीले उपाधिसहित १ लाख ५० हजार, दोश्रोले १ लाख र तेस्रो हुने टोलीले ५० हजार रुपैयाँ प्राप्त गर्नेछ ।
