6 years ago
May 4, 2018
काठमाडौं (हाम्रो खेलकुद) – चौथो केएनपी राष्ट्रिय महिला भलिबल प्रतियोगिताको उद्घाटन खेलमा नेपाल पुलिस क्लबले शिवम् न्यु डायमण्डलाई ३-१ ले पराजित गर्यो। तस्बिर : विवेक सुवेदी / हाम्रो खेलकुद त्रिपुरेश्वोर स्थित राष्ट्रिय खेलकुद परिषद्को कभर्डहलमा भएको खेलमा पुलिसले पहिलो सेट २५-१२ ले हात पारेको थियो। दोस्रो सेट न्यु डायमण्डले २५-१६ ले जित्दै बराबरी गरेपनि पछिल्लो दुई सेटमा डायमण्ड पराजित […]
काठमाडौं (हाम्रो खेलकुद) – चौथो केएनपी राष्ट्रिय महिला भलिबल प्रतियोगिताको उद्घाटन खेलमा नेपाल पुलिस क्लबले शिवम् न्यु डायमण्डलाई ३-१ ले पराजित गर्यो।
तस्बिर : विवेक सुवेदी / हाम्रो खेलकुद
त्रिपुरेश्वोर स्थित राष्ट्रिय खेलकुद परिषद्को कभर्डहलमा भएको खेलमा पुलिसले पहिलो सेट २५-१२ ले हात पारेको थियो। दोस्रो सेट न्यु डायमण्डले २५-१६ ले जित्दै बराबरी गरेपनि पछिल्लो दुई सेटमा डायमण्ड पराजित भयो ।
तेस्रो सेटको अधिकांश समय अग्रतामा बसेको डायमण्ड २६-२४ ले पराजित भयो भने चौथो सेट पुलिसले २५-१९ ले कब्जा गर्यो। अघिल्लो संस्करणको उपविजेता न्यु डायमण्डले सेटर कृपा अधिकारीको कमी महसुस गर्यो। कृपाले नेपाली सेनाको सहायक सेनानी (सेकेण्ड लेफ्टिनेन्ट) पदमा उर्तिण भएपछि क्लब छाडेकी थिइन।
साविक विजेता एपिएफको विजयी सुरुआत
प्रतियोगिताको साविक विजेता नेपाल एपिएफले दोस्रो खेलमा जावलाखेल भलिबल प्रशिक्षण केन्द्रलाई सहजै पराजित गर्दै विजयी सुरुआत गर्यो। पहिलो सेट २५-३ ले जितेको एपिएफले पछिल्लो दुई सेट २६-६ र २५-७ ले जित्यो।
आजबाट सुरु भएको प्रतियोगिताको फाइनल बैशाख २५ गते हुनेछ। शेरबहादुर खड्का स्मृति प्रतिष्ठानले आयोजना गरेको प्रतियोगितामा तीन विभागीय टोलीसहित न्यु डायमण्ड एकेडेमी, पश्चिमाञ्चल भलिबल टोली र जावलाखेल भलिबल प्रशिक्षण केन्द्रको सहभागिता रहेको छ।
प्रतियोगिताको विजेताले १ लाख ५० हजार, उपविजेताले १ लाख र तेस्रो हुने टोलीले ५० हजार पुरस्कार पाउनेछन्। त्यस्तै उत्कृष्ट खेलाडीले १० हजार र विधागततर्फ उत्कृष्ट ७ जनाले जनही ५ हजार पुरस्कार पाउनेछन्। प्रतियोगिताको वजेट १८ लाख रहेको छ।
भोलीको खेल
नेपाल एपिएफ विरुद्ध पश्चिमाञ्चल – ११ बजे
नेपाल आर्मी विरुद्ध नेपाल पुलिस – १:३० बजे
April 25, 2024
विराटनगर (हाम्रो खेलकुद) – घरेलु टोली पेमा युवा क्लब विराटनगर चौंथो संस्करणको मिल्स गोल्डकप फुटबल प्रतियोगिताको फाइनलमा पुगेको छ । विराटनगर जुटमिलको खेलमैदानमा बिहीबार भएको दोस्रो सेमिफाइनलमा कोशी प्रदेश प्रहरी कार्यालय रानी विराटनगरलाई ३–१ गोलले हराउँदै पेमा अन्तिम दुईमा पुगेको हो । पेमाले शनिबार हुने फाइनलमा सशस्त्र प्रहरी बल (एपीएफ) पकली, सुनसरीसँग प्रतिस्पर्धा गर्नेछ । […]
April 25, 2024
काठमाडौं (हाम्रो खेलकुद)- भुवन नगरकोटी समग्रमा ७-अन्डर १ सय ९७ सहित ६ स्ट्रोकको अग्रता सहित सूर्य नेपाल काठमाडौं ओपनको तेस्रो दिन शीर्षस्थानमा रहेका छन्। आज भुवनले ५-अन्डर ६३ को उत्कृष्ट प्रदर्शन गर्दा दिनेश प्रजापतिलाई ६ स्ट्रोकले पछि पार्दै एकल अग्रता सहित उपाधि जित्ने संभावनालाई बलियो बनाएका छन्। भुवनले उत्कृष्ट दिनको सुरूवात सानदार गरे। पहिलो, दोस्रो, […]
April 25, 2024
काठमाडौं (हाम्रो खेलकुद) – पुछारमा रहेको कोशी प्रदेशलाई ५ विकेटले सहजै हराउँदै कर्णाली प्रदेशले वीर गणेशमान सिंह राष्ट्रिय टी-ट्वान्टी च्याम्पिनसिपको फाइनलमा पुग्ने संभावनालाई कायमै राखेको छ। लगातारको छैटौं हारमा कोशी अंक विहिन हुँदै प्रतियोगिताबाट बाहिरिएको छ। ९४ रनको सहज विजय लक्ष्य कर्णाली प्रदेशले मात्र ६. ३ बलमा ५ विकेट गुमाउँदै पुरा गर्यो। ओपनर विपिन रावल […]