default_image

2 years ago

December 24, 2021

विराटनगरमा जिल्ला स्तरीय ब्याडमिन्टन सुरु

विराटनगर (हाम्रो खेलकुद)– विराटनगरमा ‘प्रथम जिल्ला स्तरीय मकरजंग तुम्रोक स्मृती ब्याडमिन्टन’ प्रतियोगिता सुरु भएको छ । विराट ब्याडमिन्टन क्लबले आयोजना गरेको प्रतियोगिताअन्तर्गत शुक्रबार पहिलो चरणका खेलहरु सम्पन्न भएका छन् । प्रतियोगिताको भेट्रान्स डबल ४५ वर्षमाथिको खेलमा बेलबारीका विकास श्रेष्ठ र अर्जुन सुब्बाको जोडीले आयोजक क्लब विराटका जीवन बोगटी र धनकुमार श्रेष्ठको जोडीसँग तथा विराटका उत्तम […]

151 views

0 Bookmark

विराटनगर (हाम्रो खेलकुद)– विराटनगरमा ‘प्रथम जिल्ला स्तरीय मकरजंग तुम्रोक स्मृती ब्याडमिन्टन’ प्रतियोगिता सुरु भएको छ । विराट ब्याडमिन्टन क्लबले आयोजना गरेको प्रतियोगिताअन्तर्गत शुक्रबार पहिलो चरणका खेलहरु सम्पन्न भएका छन् ।

प्रतियोगिताको भेट्रान्स डबल ४५ वर्षमाथिको खेलमा बेलबारीका विकास श्रेष्ठ र अर्जुन सुब्बाको जोडीले आयोजक क्लब विराटका जीवन बोगटी र धनकुमार श्रेष्ठको जोडीसँग तथा विराटका उत्तम सिमखडा र मिलन नेम्वाङको जोडीले बेलबारीका अर्जुन कार्की र विष्णु आचार्यको जोडीसँग सेमिफाइनल खेल खेल्ने छ ।

त्यस्तै मेन्स डबलतर्फ बेलबारीका नवीन राई र हेम गुरुङको जोडीले राजधानी युवा क्लबका अजय चौधरी र शशी चौधरीको जोडीसँग तथा विराटका भोजबहादुर गुरुङ र उत्तम सिमखडाको जोडीले बेलबारीको ज्योती हाङ राई र लाक्पा शेर्पाको जोडीसँग सेमिफाइनल खेल खेल्ने छन् ।
क्लबकै आफ्नो कभर्ड हलमा पुस ९ र १० गते दुई दिने प्रतियोगिता आयोजना गरिएको हो । प्रतियोगितामा आयोजक विराट ब्याडमिन्टन क्लबसहित जिल्ला ९ वटा क्लबको सहभागिता रहेको छ । जसमा बेलबारी ब्याडमिन्टन क्लब, उर्लाबारी ब्याडमिन्टन क्लब, सशस्त्र प्रहरी बल टंकीसिनवारी, डिडिसी क्लब, विराटनगरको राजधानी युवा क्लब, विराटनगर ब्याडमिन्टन क्लब, अवेश स्पोर्टस सेन्टर र नेपाल राष्ट्र बैंकले भाग लिएका छन् । प्रतियोगितामा मेन्स डबल र भेट्रान्स ४५ वर्षमाथिको इभेन्ट्समा ६४ जना खेलाडीले प्रतिष्पर्धा गरेका छन् ।

प्रतियोगिताको उद्घाटन प्रदेश १ का आन्तरिक मामिला तथा कानुन मन्त्री केदार कार्कीले गरेका थिए । प्रतियोगिताको मेन्स डबलका विजेताले २५ हजार, उपविजेताले १५ र तेस्रो हुनेले ५ हजार रुपैयाँ तथा भेट्रान्स ४५ वर्षमाथिको विजेताले २० हजार, उपविजेताले१२ हजार र तेस्रो स्थान हुनेले नगद ४ हजार रुपैयाँ प्राप्त गर्नेछन् ।

खेलको मुख्य प्रायोजक रहेका अर्जुन तुम्रोक, दुर्गाप्रसाद तुम्रोक र ताराकुमार तुम्रोकले आफ्नो बुवाको स्मृतीमा प्रतियोगिता आयोजना गरेको क्लबका अध्यक्ष समशेर राईले जानकारी दिए । प्रतियोगिताअन्तर्गत शनिबार सेमिफाइनल र फाइनल चरणका खेल हुनेछन् ।

March 22, 2024

प्रदिप र अभिलाषालाई सहवीर स्मृति खुल्ला लन टेनिस उपाधि

काठमाडमौं (हाम्रो खेलकुद) – प्रदिप खड्का र अभिलाषा विष्ट ‘१२औं सहवीर स्मृति खुल्ला लन टेनिस प्रतियोगिता–२०८० को च्याम्पियन बनेका छन् । प्रदिप पुरुष एकलमा तथा अभिलाषा महिला एकलमा च्याम्पियन बनेकी हुन् । सशस्त्र प्रहरी बल (एपिएफ) को प्रधान कार्यालय हल्चोक स्वयम्भुमा शुक्रबार भएकोे पुरुष एकलको फाइनलमा प्रदिपले रितिक रानालाई ६–४, ३–६ र ६–० ले तथा […]

March 12, 2024

पिकलबल च्याम्पियनसिपमा नेपाल शीर्षस्थानमा

काठमाडौं (हाम्रो खेलकुद) – नेपाल अन्तर्राष्ट्रिय पिकलबल च्याम्पियनसिप २०२४ मा नेपालले सबैभन्दा बढी पदक जितेको छ । नेपाल सुपर लिग (एनएसएल) र पिकलबल संघ नेपाल (प्यान) ले ललितपुर टेनिस कोर्टमा संयुक्त रुपमा आयोजना गरेको राष्ट्रिय टेनिस प्रतियोगितामा नेपालले कुल ५३ पदकसहित प्रतियोगितामा शीर्ष स्थानमा रहेको हो । नेपालको पदक तालिकामा २० स्वर्ण, १३ रजत र […]

March 8, 2024

वडा नं. ९ ले जित्यो मध्यपुर थिमि वडा लिग, यमन सर्वोत्कृष्ट

भक्तपुर (हाम्रो खेलकुद)- वडा नं. ९ ले अपराजित रहँदैं मध्यपुर थिमि नगरपालिका वडा लिग फुटबल प्रतियोगिताको उपाधि रक्षा गरेको छ । पहिलो संस्करण पनि वडा नं ९ ले नै जितेको थियो। सातौं चरणमा नै उपाधि पक्का गरिसकेको वडा नं. ९ ले बिहीबार अन्तिम खेलका वडा नं. १ माथि २–१ ले जित निकालेको हो । वडा […]

Success

Thank you for your time.