6 months ago
January 14, 2024
काठमाडौं (हाम्रो खेलकुद) – त्रिभुवन आर्मी क्लबका यु १५ तर्फको पुरुष तर्फ सुविन श्रेष्ठ र महिला तर्फ रिहाना शेरचन योनेक्स सनराईज इनास सव जुनियर च्यालेन्ज २०८० को उपाधि जितेका छन् ।
आइतबार सुविनले फाइनलमा आर्मीकै सुदेश राजकोटीलाई २१—१५ र २१—१० ले हराए । रिहानाले मोहन भुगोल ब्याडमिन्टन फाउन्डेसनकी निभा राईलाई २१—१२ र २१—१० ले पराजित गरिन् । पुरुषतर्फ कैलालीका शिषिर राना र धन्यन्तरीका सत्यम कार्की तथा महिला तर्फ दीपक ब्याडमिन्टन एकेडेमीका अश्मिता खत्री र आइबिएससीका टिशा रानी शाक्य संयुक्त रुपमा तेस्रोमा रहे ।
नेपालमा योनेक्सको आधिकारीक विक्रेता इनास इन्टरप्राईजेजको आयोजनामा भएको प्रतियोगिताको यु १३ तर्फ पुरुषमा आर्मीका सुदेश राजकोटी र महिला तर्फ मोहन भुगोलकी निभा राईले उपाधि जितिन् ।
फाइनलमा सुदेशले स्पोर्टस् हवका सदीप राईलाई २१—१६ र २१—१३ ले तथा निभाले कास्कीकी रक्षा फागमीलाई २१—१९ र २१—१२ ले पराजित गरिन् । पुरुष तर्फ तनहँुका सफल भुजेल र एपिएफका आरुष सिमखडा तथा महिलामा आर्मीकी समृद्धि श्रेष्ठ र दीपक ब्याडमिन्टनकी अश्मिता खत्री तेस्रो स्थानमा रहे ।
यु ११ तर्फ पुरुषमा कास्कीका सक्षम गुरुङ्गले कपिलबस्तुका विराट बस्नेतलाई २३—२१ र २१—१० ले पराजित गर्दै उपाधि जिते । आर्मीका दीप थिङ्ग र महाबौद्ध क्लबका आरभ शाक्य तेस्रो भए । सबैतर्फका विजेता खेलाडीले ट्रफीसहित १० हजार र दोस्रो खेलाडीले ५ हजार र तेस्रो हुनेले २ हजार ५ सय रुपैयाँ प्राप्त गरे ।
बागमती प्रदेश खेलकुद बिकास परिषद्का सदस्य सचिव सूर्यलाल भण्डारी, राखेप पूर्व बोर्ड सदस्य सुभाष श्रेष्ठ, नेपाल ब्याडमिन्टन संघका कोषाध्यक्ष तिलक पाण्डे, एपिएफका एसपी. सुधिर सुवेदी, ब्याडमिन्टन प्रशिक्षक किरण थापा, बागमती प्रदेश ब्याडमिन्टन संघका संयोजक रुद्र थिङ्ग, समाजसेवी नारायण सापकोटा, लोकान्तर डट. कमका चिफ इडिटर बिमल गौतम लगायतले पुरस्कृत गरे ।
प्रतियोगिताको ब्राण्डिङ्ग र ब्यवस्थापन खेतान स्पोर्टस् फाउन्डेशनले गरको थियो । आयोजक ईनासका प्रोपाइटर राजु बास्तोलाले खेलाडीहरुलाई योनेक्सको उत्पादन ¥याकेट, ब्याग, टिसर्ट र खेल सामाग्री प्रदान गरेका थिए ।
July 26, 2024
काठमाडौं (हाम्रो खेलकुद)– विश्व खेलकुदको महाकुम्भका रुपमा स्थापित ओलम्पिकको ३३ औं ग्रिष्मकालिन ओलम्पिक ‘पेरिस ओलम्पिक) आज औपचारिक सुरुवात हुँदैछ । नेपाल समय अनुसार राति ११ः१५ बजे ओलम्पिकको उद्घाटन समारोह सुरु हुनेछ । विश्वका २ सय ६ देशका १० हजार भन्दा बढी खेलाडीको यसपटकको ओलम्पिकका सहभागिता रहनेछ । पेरिस सहरलाई उद्घाटन समारोहका लागि प्रयोग गरिने बताइएको […]
July 12, 2024
काठमाडौं (हाम्रो खेलकुद) – नेपाली ब्याडमिन्टनका उदियमान स्टार प्रिन्स दाहाल पेरिस ओलम्पिक २०२४ मा कठिन समूह मा परेका छन् । ब्याडमिन्टनको जुनियर विश्व वरीयताका पूर्व नम्बर एक भइसकेका प्रिन्स समूह ‘पी’ मा विश्व वरीयताको दोस्रो स्थानका डेनमार्कमा भिक्टर एक्सेलसनसँगै परेका छन् । विश्व ब्याडमिन्टन महासंघ (बिडब्लुएफ) को मुख्यालय मलेसियाको क्वालालम्पुरमा शुक्रबार भएको समुह विभाजनमा प्रिन्सको […]
June 22, 2024
काठमाडौं (हाम्रो खेलकुद) – दोस्रो वरीयताकी विपना ब्लोन र शीर्ष वरीयता प्राप्त अरहान्त केशर सिम्हाले प्रथम एनएसआरए प्रेसिडेन्ट कप खुल्ला राष्ट्रिय स्क्वास च्याम्पियनसिपको उपाधि जितेका छन् । नेपाल स्क्वास एन्ड र्याकेट्स संघको आयोजनामा सातदोबाटोस्थित नेपाल स्क्वास र्याकेट्स संघको आफ्नै भवनमा रहेको स्क्वास कोर्टमा शनिबार भएको पुरुष एकलको फाइनलमा अरहान्तले दोस्रो वरीयताका अमिर ब्लोनलाई ३–० को […]