default_image

5 months ago

January 18, 2024

पुलिसका पूर्ण र गौरवको जोडी सेमिफाइनलमा

275 views

0 Bookmark

काठमाडौं (हाम्रो खेलकुद) – नेपाल पुलिस क्लबका पूर्ण थापा र गौरव दाहालको जोडी राजधानीमा जारी प्रथम मुख्य मन्त्री कप खुल्ला राष्ट्रिय ब्याडमिन्टन च्याम्पियनसिपको पुरुष युगलको सेमिफाइनल पुगेको छ ।

पूर्ण र गौरवको जोडीले सूर्य दर्शनका दीपक राना र महेश खड्काको जोडीलाई २१–१९ र २२–२० ले पराजित हराएको थियो । एपिएफका देवराज राना र क्षितिज खनालको जोडी पनि अन्तिम चारमा पुगेको छ । देवराज र क्षितिजको जोडीले नखिपोटका विवेक चौधरी र निखिल भट्टको जोडीलाई २१–९ र २१–१० ले पराजित गर्यो ।

एपिएफका सुजन थापा र राजु थापाको जोडीले आफ्नै क्लबका अमन महर्जन र रोशन साउदको जोडीलाई २१–१४, १९–२१ र २१–१२ ले पराजित हराउँदै अन्तिम चारमा पुग्यो । पुलिगका दीपक थापा र सुनिल जोशीको जोडीले देवीनगरका बविश थापा र गोलु ऐरको जोडीलाई २१–१६ र २१–९ ले हराउँदै सेमिफाइनलमा पुग्यो ।

बसुन्धरास्थित फिटनेस पार्क ब्याडमिन्टन एकेडेमीको आयोजनामा भएको प्रतियोगिताको पुरुष एकल तर्फ एपिएफका अमन महर्जनले एपिएफकै सुजन थापालाई २१–१९, १६–२१ र २१–१४ ले हराउँदै आफ्नै क्लबका देवराज राना संगको भेट पक्का गरे । देवराजले एपिएफकै अनिल मल्ललाई २२–२०, र २१–१५ ले पराजित गर्दै सेमिफाइनल पुगेका हुन् ।

अर्को खेलमा नखिपोटका विवेक चौधरीले एपिएफका रोशन साउदलाई २१–१८ र २१–१७ ले तथा एपिएफका क्षितिज खनालले एपिएफकै अरुण अधिकारीलाई १९–२१, २१–१४ २१–९ ले पराजित गर्दै सेमिफाइनल भेट पक्का गरेका छन् ।

महिला एकल तर्फ एपिएफकी शोभा गौचन र रिना तामाङ, कस्तुरी कलेजकी सिमा राजवंशी तथा पुलिसकी निता लम्साल सेमिफाइनलमा पुगे । शोभाले पुलिसकी सुष्मा श्रेष्ठलाई २१–११ र २१–१९, सिमाले देवीनगरकी प्रिया गौडलाई २१–८, २१–३ र निताले एपिएफकी एन्जिला वाङ्गलाई २१–४, २१–३ ले पराजित हराएकी हुन् । रिनाले सर्लाहीकी निकिता लामाबाट वाकओभर पाइन् ।

ब्वाईज यु – १३ तर्फको खेलमा तनहुँका सफल भुजेलले स्पोर्टस् हबका सदीप राईलाई २१–१३, २१–१६, कैलालीका रियाँश चौधरीले धन्यन्तरीका सत्यम कार्कीलाई २३–२१, १३–२१, २३–२१, एपिएफका आयुष सिमखडाले दीपक ब्याडमिन्टन एकेडेमीका डियोन भण्डारीलाई १३–२१, २१–१७, २१–५ र कैलालीका आदित्य चौधरीले धन्यन्तरीका सुहम कार्कीलाई २१–१५, २१–१९ ले पराजित गर्दै अन्तिम ४ मा स्थान पक्का गरे ।

सोही समूहको गल्र्स तर्फको खेलमा मोहन भुगोल ब्याडमिन्टन फाउन्डेसनका निभा राई, ग्यालेक्सी पब्लिक स्कुलकी अक्षरा यादव, सिन्धुपाल्चोककी आश्ना श्रेष्ठ र दीपक एकेडेमीकी अश्मिता कार्कीले अन्तिम आठमा स्थान बनाए ।

निभाले एपिएफकी आश्रुती कार्कीलाई २१–४, २१–५, अक्षराले दीपक ब्याडमिन्टनकी उपासना बोहरालाई २१–५, २१–१८, आश्नाले एपिएफकी एन्जिाला वाङ्गलाई २१–१०, २१–६ र अश्मिताले ग्यालेक्सीकी सुजाता पोखरेललाई २१–६, २१–५ ले पराजित गरेका हुन् ।

ब्वाईज यु –१९ तर्फ एपिएफका रोशन साउदले देवीनगरका सक्षम ढकाललाई २१–१३, २१–१५ ले हराउँदै सेमिफाइनलमा युनिटीका सुनिल कार्की संगको भेट पक्का गरे । सुनिलले सुर्यदर्शनका अमन डङ्गोललाई २१–१७, २१–१३ ले पराजित गरे ।

अर्को खेलमा एपिएफका अनिल मल्लले एपिएफकै प्रारम्भ सिमखडालाई २१–६, २१–५ र एपिएफका अरुण अधिकारीले स्पोर्टस् हबका अनुज तामाङ्गलाई १५–२१, २१–१३, २२–२० ले पराजित गर्दै एकअर्कासँगको सेमिफाइनल भेट पक्का गरे ।

यसै विधाको गल्र्स तर्फ एपिएफकी रिना तामाङ्गले ग्यालेक्सीकी अक्षरा यादवलाई २१–६, २१–४ हराइन् भने मोहन भुगोल ब्याडमिन्टन फाउन्डेशनकी निभा राईले दीपक ब्याडमिन्टनकी उपासना बोहराबाट वाकओभर पाइन् ।

इमाडोलकी टिसा रानी शाक्यले ग्यालेक्सीकी सुजाता पोखरेललाई २१–२, २१–७ र दीपक ब्याडमिन्टनकी अश्मिता खत्रीले कास्कीकी आयुष्मा नेपाललाई २१–९, २३–२१ ले पराजित गर्दै सेमिफाइनलको भेट पक्का गरेका छन् ।

May 15, 2024

स्यान्टु ओलम्पिकमा छनोट हुने तेस्रो‌ नेपाली

काठमाडौं (हाम्रो खेलकुद)- स्यान्टु श्रेष्ठ ओलम्पिकमा छनोट हुने तेस्रो नेपाली खेलाडी बनेका छन्। पेरिस २०२४ ओलम्पिकको दक्षिण एसियाली टेबलटेनिस छनोट अन्तर्गत पुरूषतर्फ बुधबार भएको फाइनलमा स्यान्टुले अर्का नेपाली संयोग कपालीलाई ४-३ सेटले हराउँदै स्यान्टुले ओलम्पिक यात्रा गरेका हुन्। लैनचौरस्थित टेबलटेनिस प्रशिक्षण केन्द्रमा स्यान्टु ११-७,८-११,११-७,११-६,८-११,८-११, ११-९ ले विजयी‌ भएका हुन्। स्यान्टु टेबलटेनिसबाट ओलम्पिकमा‌ छनोट हुने पहिलो […]

April 10, 2024

आर्मीलाई हराउँदै मच्छिन्द्र सिमरा गोल्डकपको सेमिफाइनलमा

सुनिल गाउँले, सिमरा विभागीय टोली त्रिभुवन आर्मी क्लब विरुद्ध संघर्षपूर्ण जित निकाल्दै मच्छिन्द्र क्लब जगदम्बा स्टिल १४ औं जीतपुरसिमरा गोल्डकपको सेमिफाइनलमा प्रवेश गरेको छ । सिमरा रंगशालामा मंगलबार राति भएको प्रतिष्पर्धात्मक खेलमा मच्छिन्द्रले आर्मी १–० लाई हराउँदै अन्तिम चारको यात्रा तय गरेको हो । ६९ औं मिनटमा सौरभ लिम्बुले गरेको मच्छिन्द्रला लागि निर्णायक बनेको थियो […]

March 22, 2024

प्रदिप र अभिलाषालाई सहवीर स्मृति खुल्ला लन टेनिस उपाधि

काठमाडमौं (हाम्रो खेलकुद) – प्रदिप खड्का र अभिलाषा विष्ट ‘१२औं सहवीर स्मृति खुल्ला लन टेनिस प्रतियोगिता–२०८० को च्याम्पियन बनेका छन् । प्रदिप पुरुष एकलमा तथा अभिलाषा महिला एकलमा च्याम्पियन बनेकी हुन् । सशस्त्र प्रहरी बल (एपिएफ) को प्रधान कार्यालय हल्चोक स्वयम्भुमा शुक्रबार भएकोे पुरुष एकलको फाइनलमा प्रदिपले रितिक रानालाई ६–४, ३–६ र ६–० ले तथा […]

Success

Thank you for your time.