2 months ago
March 8, 2024
भक्तपुर (हाम्रो खेलकुद)- वडा नं. ९ ले अपराजित रहँदैं मध्यपुर थिमि नगरपालिका वडा लिग फुटबल प्रतियोगिताको उपाधि रक्षा गरेको छ । पहिलो संस्करण पनि वडा नं ९ ले नै जितेको थियो। सातौं चरणमा नै उपाधि पक्का गरिसकेको वडा नं. ९ ले बिहीबार अन्तिम खेलका वडा नं. १ माथि २–१ ले जित निकालेको हो । वडा […]
भक्तपुर (हाम्रो खेलकुद)- वडा नं. ९ ले अपराजित रहँदैं मध्यपुर थिमि नगरपालिका वडा लिग फुटबल प्रतियोगिताको उपाधि रक्षा गरेको छ । पहिलो संस्करण पनि वडा नं ९ ले नै जितेको थियो।
सातौं चरणमा नै उपाधि पक्का गरिसकेको वडा नं. ९ ले बिहीबार अन्तिम खेलका वडा नं. १ माथि २–१ ले जित निकालेको हो ।
वडा नं. ९ को जितमा यमन राजबहाक र सुनिल चक्रधरले गोल गरे । वडा नं. १ का लागि सविन डंगोलले गोल गरे ।
मध्यपुर थिमि नगरपालिकाको प्रायोजनमा मध्यपुर युथ एशोसियसनले सानो थिमिस्थित मैदानमा आयोजना गरेको लिगमा वडा नं. ९ ले लिगका सबै ८ खेल जितेर २४ अंक बटुलेको थियो। टोलीले २ लाख ५० हजार रुपैयाँ र ट्रफी प्राप्त गर्यो।
१९ अंकसहित दोस्रो स्थानमा रहेको वडा नं. ५ ले १ लाख २५ हजार , १४ अंकसहित तेस्रो भएको वडा नं. ३ ले ६० हजार रुपैयाँ प्राप्त गर्यो ।
वडा नं. ६ चौथो , वडा नं. २ पाँचौं, वडा नं. १ छैटौं, वडा नं. ८ सातौं, वडा नं. ४ आठौं र वडा नं. ७ अंक तालिकाको पुछारमा रहयो ।
वडा नं. ९ का यमन राजबहाक प्रतियोगिताको सर्वोत्कृष्ट खेलाडी घोषित भए र उनले २० हजार रुपैयाँ प्राप्त गरे।
८ गोलसहित सर्वाधिक गोलकर्ता समेत रहेका यमनले त्यसवापत १० हजार रुपैयाँ पाए ।
वडा नं ३ का अम्बर श्रेष्ठ उत्कृष्ट गोलकिपर, वडा नं ५ का सुदर्शन श्रेष्ठ उत्कृष्ट डिफेन्डर, वडा नं ३ का विक्रम के.सी उत्कृष्ट मिडफिल्डर, वडा नं ९ का तुल्सी भुजु ‘राजा’ उत्कृष्ट प्रशिक्षक घोषित भए । उत्कृष्ट सबैले समा १० हजार रुपैयाँ प्राप्त गरे । प्रतियोगिताको अनुशासित टोली घोषित हुँदैं वडा नं ७ ले २५ हजार रुपैयाँ प्राप्त गर्यो।
प्रतियोगिताका विजयी टोली र खेलाडीहरुलाई मध्यपुर थिमि नगरपालिकाका नगरप्रमुख सुरेन्द्र श्रेष्ठ, उपप्रमुख विजयकृष्ण श्रेष्ठ, पूर्व नगरप्रमुखहरु मदनकृष्ण श्रेष्ठ, मदनसुन्दर श्रेष्ठ, पूर्वउपप्रमुखहरु अञ्जनादेवी मधिकर्मी र मुरारीप्रसाद आचार्य, वडाअध्यक्षहरु, मध्यपुर युथ एशोसियसनका अध्यक्ष उपेन्द्रमान सिंह, उपाध्यक्ष अष्ट कवेले पुरस्कृत गरे ।
सो अवसरमा मध्यपुर थिमि नगरपालिकाका प्रमुख सुरेन्द्र श्रेष्ठले प्रतियोगिता मध्यपुर थिमिमा राष्ट्रिय फुटबल खेलाडी उत्पादन गर्ने उद्देश्यले आयोजना गरेको र प्रतियोगिताबाट उत्कृष्ट खेलाडी छनोट गरी नगरपालिकाको टोली तयार गरिने बताए ।
उपप्रमुख विजयकृष्ण श्रेष्ठले लिगका खेलहरु गतवर्षको तुलनामा स्तरिय भएको बताउँदैं आगामी वर्ष थप परिस्कृत गर्दै प्रतियोगिता सञ्चालन गर्ने बताए ।
सो अवसरमा नगरपालिका र आयोजक एशोसियसनले संयुक्तरुपमा मध्यपुर थिमिका प्रत्येक वडाका समान जना भेट्रान फुटबल खेलाडीहरु तथा नेपाली महिला राष्ट्रिय फुटबल टोलीका पहिलो कप्तान रमा सिंह र महिला रेफ्री एवम् पूर्व खेलाडी विना श्रेष्ठलाई पनि दोसल्ला ओढाई सम्मान गरिएको थियो ।
April 10, 2024
सुनिल गाउँले, सिमरा विभागीय टोली त्रिभुवन आर्मी क्लब विरुद्ध संघर्षपूर्ण जित निकाल्दै मच्छिन्द्र क्लब जगदम्बा स्टिल १४ औं जीतपुरसिमरा गोल्डकपको सेमिफाइनलमा प्रवेश गरेको छ । सिमरा रंगशालामा मंगलबार राति भएको प्रतिष्पर्धात्मक खेलमा मच्छिन्द्रले आर्मी १–० लाई हराउँदै अन्तिम चारको यात्रा तय गरेको हो । ६९ औं मिनटमा सौरभ लिम्बुले गरेको मच्छिन्द्रला लागि निर्णायक बनेको थियो […]
March 22, 2024
काठमाडमौं (हाम्रो खेलकुद) – प्रदिप खड्का र अभिलाषा विष्ट ‘१२औं सहवीर स्मृति खुल्ला लन टेनिस प्रतियोगिता–२०८० को च्याम्पियन बनेका छन् । प्रदिप पुरुष एकलमा तथा अभिलाषा महिला एकलमा च्याम्पियन बनेकी हुन् । सशस्त्र प्रहरी बल (एपिएफ) को प्रधान कार्यालय हल्चोक स्वयम्भुमा शुक्रबार भएकोे पुरुष एकलको फाइनलमा प्रदिपले रितिक रानालाई ६–४, ३–६ र ६–० ले तथा […]
March 12, 2024
काठमाडौं (हाम्रो खेलकुद) – नेपाल अन्तर्राष्ट्रिय पिकलबल च्याम्पियनसिप २०२४ मा नेपालले सबैभन्दा बढी पदक जितेको छ । नेपाल सुपर लिग (एनएसएल) र पिकलबल संघ नेपाल (प्यान) ले ललितपुर टेनिस कोर्टमा संयुक्त रुपमा आयोजना गरेको राष्ट्रिय टेनिस प्रतियोगितामा नेपालले कुल ५३ पदकसहित प्रतियोगितामा शीर्ष स्थानमा रहेको हो । नेपालको पदक तालिकामा २० स्वर्ण, १३ रजत र […]