7 years ago
May 29, 2017
काठमाडौँ (हाम्रो खेलकुद) – जर्मनीको डस्सलडर्फ सहरमा आजबाट सुरु भएको विश्व टेबल टेनिस च्याम्पियनसिपमा नेपालका ४ खेलाडीको सहभागिता रहेको छ। नेपालका ४ जना खेलाडीले नै आज आफ्नो खेल खेल्दैछन्। सिङ्गलतर्फ नेपालका शीर्ष वरियताका खेलाडी शिवसुन्दर गोठे छनोट चरणको समूह ५५मा पुएर्टो रिकोका ड्यानीएल गोन्जालेज, बुल्गेरियाका टेओदोर एलेक्जान्ड्रोभ र आइभोरी कोष्टका यान इम्यानुएल कोउआड्जोसँग रहेका छन्। […]
काठमाडौँ (हाम्रो खेलकुद) – जर्मनीको डस्सलडर्फ सहरमा आजबाट सुरु भएको विश्व टेबल टेनिस च्याम्पियनसिपमा नेपालका ४ खेलाडीको सहभागिता रहेको छ। नेपालका ४ जना खेलाडीले नै आज आफ्नो खेल खेल्दैछन्।
सिङ्गलतर्फ नेपालका शीर्ष वरियताका खेलाडी शिवसुन्दर गोठे छनोट चरणको समूह ५५मा पुएर्टो रिकोका ड्यानीएल गोन्जालेज, बुल्गेरियाका टेओदोर एलेक्जान्ड्रोभ र आइभोरी कोष्टका यान इम्यानुएल कोउआड्जोसँग रहेका छन्।
यसैगरी राष्ट्रिय छनोटमा पहिलो स्थानमा रहँदै प्रतियोगिताको लागि छनोट भएका अमर मल्ल समूह ४३मा स्लोभाकियाका स्यामुएल नोभोटा र स्कटल्याण्डका क्रेज होवीसनसँग परेका छन्।
महिलातर्फको सिङ्गल्समा भने शिर्ष वरियताकि नविता श्रेष्ठ समूह २०मा स्विट्जरल्यान्डकि राहेल आस्वान्डेन र सिंगापुरकु वानलिङ झाङसँग रहेकी छिन्। यसैगरी अर्की प्रतिस्पर्धी स्वेच्छा नेम्वाङ्ग समूह २१मा इटालीकि डेबोरा भिभारेल्ली र फिनल्याण्डकि अन्निका लण्डस्टर्मसँग परेकी छिन्।
सिङ्गल्स अन्तर्गत समूह चरणमा सबै खेलाडीले एकआपसमा खेल्नेछन् र समूहको शीर्षस्थानमा रहने खेलाडीले अर्को चरणमा प्रवेश पाउनेछन्।
पहिलो दिनको खेलमा नेपालले मिक्स डबल्समा २ खेल खेल्दैछ। शिवसुन्दर गोठे र स्वेच्छा नेम्वाङ्गको जोडीले ट्रीनिडाड एण्ड टोबेगोका डेकस्टर सेन्ट लुइस र रेहान चुङको जोडीसँग खेल्दैछन्। अमर मल्ल र नविता श्रेष्ठको जोडीले भने बंगलादेशको महबुब बिल्लाह र मौमिता अलामको जोडीको सामना गर्दैछ। मिक्स डबल्सको खेलहरु५ सेटको हुनेछन् र यी सिधै नकाउट आधारमा हुनेछन्। यी दुवै खेल नेपाली समयानुसार दिउँसो २:१५ बजे हुनेछ।
महिला डबल्समा भने नेपालले पहिलो चरणमा बाइ पाएको छ। नेपालकी स्वेच्छा नेम्वाङ्ग र नविता श्रेष्ठले पहिलो चरणको खेल नखेल्दै बाइ पाएपछि दोश्रो चरणमा प्रवेश गरेका छन्।
पुरुषतर्फको डबल्समा भने नेपालका शिवसुन्दर गोठे र अमर मल्लले फिलिपिन्सका जाफेथ अदासा र शेर्विन रेमताको जोडीसँग खेल्दैछ। यो खेल नेपाली समयानुसार आज मध्यरातको १२:१५ बजे सुरु हुनेछ।
पुरुष सिङ्गल्समा नेपालका अमर मल्लले आज स्कटल्याण्डका क्रेज होवीसनसँग नेपाली समयानुसार साँझ ४ बजे खेल्दैछन् भने रातको ९ बजे उनले स्लोभाकियाका स्यामुएल नोभोटासँग खेल्नेछन्।
अर्का खेलाडी शिवसुन्दर गोठेले बुल्गेरियाका टेओदोर एलेक्जान्ड्रोभ र पुएर्टो रिकोका ड्यानीएल गोन्जालेजसँग खेल्नेछन्। उनको पहिलो खेल ४ बजे र दोश्रो खेल रातको ९ बजे हुनेछ।
महिलातर्फ भने नविता श्रेष्ठले सिंगापुरकि वानलिङ झाङसँग साँझ ५:३० बजे र स्विट्जरल्यान्डकि राहेल आस्वान्डेन सँग रातको १०:३० बजे खेल्नेछिन्।
यसैगरी अर्की प्रतिस्पर्धी स्वेच्छा नेम्वाङ्गले फिनल्याण्डकि अन्निका लण्डस्टर्मसँग साँझ ५:३० बजे र इटालीकि डेबोरा भिभारेल्लीसँग रातको १०:३० बजे खेल्नेछिन्।
April 10, 2024
सुनिल गाउँले, सिमरा विभागीय टोली त्रिभुवन आर्मी क्लब विरुद्ध संघर्षपूर्ण जित निकाल्दै मच्छिन्द्र क्लब जगदम्बा स्टिल १४ औं जीतपुरसिमरा गोल्डकपको सेमिफाइनलमा प्रवेश गरेको छ । सिमरा रंगशालामा मंगलबार राति भएको प्रतिष्पर्धात्मक खेलमा मच्छिन्द्रले आर्मी १–० लाई हराउँदै अन्तिम चारको यात्रा तय गरेको हो । ६९ औं मिनटमा सौरभ लिम्बुले गरेको मच्छिन्द्रला लागि निर्णायक बनेको थियो […]
March 22, 2024
काठमाडमौं (हाम्रो खेलकुद) – प्रदिप खड्का र अभिलाषा विष्ट ‘१२औं सहवीर स्मृति खुल्ला लन टेनिस प्रतियोगिता–२०८० को च्याम्पियन बनेका छन् । प्रदिप पुरुष एकलमा तथा अभिलाषा महिला एकलमा च्याम्पियन बनेकी हुन् । सशस्त्र प्रहरी बल (एपिएफ) को प्रधान कार्यालय हल्चोक स्वयम्भुमा शुक्रबार भएकोे पुरुष एकलको फाइनलमा प्रदिपले रितिक रानालाई ६–४, ३–६ र ६–० ले तथा […]
March 12, 2024
काठमाडौं (हाम्रो खेलकुद) – नेपाल अन्तर्राष्ट्रिय पिकलबल च्याम्पियनसिप २०२४ मा नेपालले सबैभन्दा बढी पदक जितेको छ । नेपाल सुपर लिग (एनएसएल) र पिकलबल संघ नेपाल (प्यान) ले ललितपुर टेनिस कोर्टमा संयुक्त रुपमा आयोजना गरेको राष्ट्रिय टेनिस प्रतियोगितामा नेपालले कुल ५३ पदकसहित प्रतियोगितामा शीर्ष स्थानमा रहेको हो । नेपालको पदक तालिकामा २० स्वर्ण, १३ रजत र […]