5 years ago
September 7, 2019
एजेन्सी – दोस्रो वरीयताका स्पेनिस राफयल नाडाल युएस ओपन टेनिसको फाइनलमा प्रवेश गरेका छन् । न्ययोर्कस्थित फ्लुसिङ मिडोजमा शनिबार बिहान भएको खेलमा नाडालले इटालीका २४औं वरीयताका माटियो बेरेटिनीलाई ३–० को सोझो सेटमा पराजित गर्दै पाँचौपटक युएस ओपन टेनिसको फाइनलमा प्रवेश गरेका हुन् ।
शुरुको सेटमा निकै कडा प्रतिस्पर्धा गर्नु परेपनि नाडालले त्यसपछिको दुवै सेटमा खासै मिहनेत गर्नुपरेन । पहिलो सेटमा नाडाल ७–६ (८–६) ले विजयी हुन सफल भएको थियो । दोस्रो सेट ६–४ ले आफ्नो पक्षमा पार्दा तेस्रो सेटमा नाडाल ६–१ ले विजयी हुन सफल भयो ।
१८ पटककोे ग्रान्डस्लाम विजेता नाडालले अब उपाधिका लागि पाँचौ वरीयताका रसियाका ड्यानियल मेडेलेभसँग खेल्नेछ । २३ वर्षीय मेडेलेभले बुल्गेरियाका ७८औ वरीयताका ग्रिगर दिमित्रोभलाई ७–६, ६–४ र ६–३ को सोझो सेटमा जित निकाल्दै पहिलोपटक ग्रान्डस्लामको फाइनलमा स्थान बनाएको हो ।
जितसँगै नाडालले शुरुको सेटमा आफ्नै गल्तीमा केही कठिन भएपनि जितमा खुशी रहेको बताए । उनले मेडेलेभसँगको फाइनल उत्कृष्ट हुने आफ्नो उत्कृष्ट दिने बताएका छन् ।
महिलातर्फ अमेरिकी सेरेना विलियम्स र क्यानडाकी वियान्का एन्डे«स्कुबीच प्रतिस्पर्धा हुनेछ । सेरेनाले युक्रेनी स्भेटोलिनालाई ६–३ र ६–१ को सोझो सेटमा तथा वियान्काले बेलिन्डा बेन्सिसलाई ७–६ र र ७–५ ले पराजित गर्दै फाइनलमा स्थान बनाएका थिए ।
April 10, 2024
सुनिल गाउँले, सिमरा विभागीय टोली त्रिभुवन आर्मी क्लब विरुद्ध संघर्षपूर्ण जित निकाल्दै मच्छिन्द्र क्लब जगदम्बा स्टिल १४ औं जीतपुरसिमरा गोल्डकपको सेमिफाइनलमा प्रवेश गरेको छ । सिमरा रंगशालामा मंगलबार राति भएको प्रतिष्पर्धात्मक खेलमा मच्छिन्द्रले आर्मी १–० लाई हराउँदै अन्तिम चारको यात्रा तय गरेको हो । ६९ औं मिनटमा सौरभ लिम्बुले गरेको मच्छिन्द्रला लागि निर्णायक बनेको थियो […]
March 22, 2024
काठमाडमौं (हाम्रो खेलकुद) – प्रदिप खड्का र अभिलाषा विष्ट ‘१२औं सहवीर स्मृति खुल्ला लन टेनिस प्रतियोगिता–२०८० को च्याम्पियन बनेका छन् । प्रदिप पुरुष एकलमा तथा अभिलाषा महिला एकलमा च्याम्पियन बनेकी हुन् । सशस्त्र प्रहरी बल (एपिएफ) को प्रधान कार्यालय हल्चोक स्वयम्भुमा शुक्रबार भएकोे पुरुष एकलको फाइनलमा प्रदिपले रितिक रानालाई ६–४, ३–६ र ६–० ले तथा […]
March 12, 2024
काठमाडौं (हाम्रो खेलकुद) – नेपाल अन्तर्राष्ट्रिय पिकलबल च्याम्पियनसिप २०२४ मा नेपालले सबैभन्दा बढी पदक जितेको छ । नेपाल सुपर लिग (एनएसएल) र पिकलबल संघ नेपाल (प्यान) ले ललितपुर टेनिस कोर्टमा संयुक्त रुपमा आयोजना गरेको राष्ट्रिय टेनिस प्रतियोगितामा नेपालले कुल ५३ पदकसहित प्रतियोगितामा शीर्ष स्थानमा रहेको हो । नेपालको पदक तालिकामा २० स्वर्ण, १३ रजत र […]