4 years ago
May 30, 2020
एजेन्सी – फुटबलका लियोनेल मेस्सी र क्रिस्टियानो रोनाल्डोलाई पछि पार्दै लन टेनिसका रोजर फेडेरर फोर्ब्सको सुचीमा सर्वाधिक आम्दानी गर्ने खेलाडी बनेका छन् । बार्सिलोनाका कप्तान मेस्सीले शीर्षस्थान गुमाएका हुन् । फोर्ब्स म्यागजिनको पछिल्लो अपडेटअनुसार लन टेनिसकै राफयल नाडाल पहिलोपटक यो सुचीमा अटाउँदा स्पेनकै आन्द्रेस इनिष्टा, डेभिड डे हेया र सर्जियो रामोस पनि शीर्ष १०० भित्र […]
एजेन्सी – फुटबलका लियोनेल मेस्सी र क्रिस्टियानो रोनाल्डोलाई पछि पार्दै लन टेनिसका रोजर फेडेरर फोर्ब्सको सुचीमा सर्वाधिक आम्दानी गर्ने खेलाडी बनेका छन् ।
बार्सिलोनाका कप्तान मेस्सीले शीर्षस्थान गुमाएका हुन् । फोर्ब्स म्यागजिनको पछिल्लो अपडेटअनुसार लन टेनिसकै राफयल नाडाल पहिलोपटक यो सुचीमा अटाउँदा स्पेनकै आन्द्रेस इनिष्टा, डेभिड डे हेया र सर्जियो रामोस पनि शीर्ष १०० भित्र अटाएका छन् ।
पछिल्लो तथ्यांक अनुसार सर्वाधिक आम्दानी गर्नेको सुचीमा शीर्षस्थानमा उक्लिएका स्वीस टेनिस स्टार फेडेररको आम्दानी १०६.३ मिलियन डलर छ । फेडेररले अधिकांश आम्दानी प्रायोजकबाट हात पारेका हुन् । उनीसँग १३ वटा विभिन्न ब्राण्डहरु प्रायोजकका रुपमा रहेका छन् । यस्तै फेडेरर सक्रिय खेलाडी हुँदै एकै वर्षमा १ सय मिलियन डलर प्रायोजकबाट कमाउने दोस्रो खेलाडी बनेका छन् । यसअघि गल्फका खेलाडी टाइगर उड्सले यो उपलब्धि हासिल गरेका थिए ।
दोस्रो स्थानमा रहेका पोर्चुगल तथा इटालियन फरवार्ड युभेन्टसका फरवार्ड रोनाल्डोको १०५ मिलियन डलर आम्दानी रहेको छ । कोरोनाका कारण युभेन्टसबाट आउने तीन दशमलव पाँच मिलियन डलर कटौती गर्न राजि भएका रोनाल्डोको प्रायोजक र इन्टाग्रामबाट नै राम्रो आम्दानी गर्छन ।
तेस्रो स्थानमा झरेको अर्जेन्टिना तथा क्याटलान क्लब बार्सिलोनाका कप्तान लियोनेल मेस्सीको १०४ मिलियन डलर रहेको छ । उनीसँग पनि विश्वविख्यात कम्पनीहरु प्रायोजकका रुपमा रहेका छन् । बार्सिलोनाका कप्तान मेस्सीले औसतमा एक साताको सबै कर कटाएर झन्डै दुई मिलियन डलर कमाउँछन ।
ब्राजिली फुटबलर नेयमार ९५.५ मिलियन डलरसहित चौथो स्थानमा रहेको छ । नेयमारसँग पनि विभिन्न प्रायोजक जोडिएका छन् । उनले इन्स्टाग्राम पोष्टबाट मात्र बर्षमा ३३ मिलियन पाउण्ड कमाउछन् । बास्केटबलका लेब्रन जेम्स ८८.२, बास्केटबलकै स्टेफन करीको ६३.९, बास्केटबलका केभिन डुरान्ट ६३.३, गल्फका टाइगर वुड्सको ६२.३, एनएफएलका कर्क कजीन्सको ६०.५ र एनएफएलकै कार्सन वेन्ट्ज ५९.१ मिलियन डलर आम्दानी गर्दै क्रमशः शीर्ष १० भित्र अटाएका छन् ।
बक्सिङका टाइसन फ्युरी ५७ मिलियन डलर आम्दानी गर्दै ११औं स्थानमा रहँदा फर्मुला वानका लेविस ह्यामिल्टन ५४ मिलियन डलरसहित १३औं स्थानमा रहेका छन् । टेनिसका नोभाक जोकोभिच ४४.६ मिलियन डलरसहित २३औं तथा पहिलोपटक फोर्ब्सको सुचीमा अटाएका स्पेनका टेनिस स्टार राफयल नाडाल ४० मिलियन डलरसहित २७औं स्थानमा रहेका छन् ।
जापानी टेनिस स्टार नाओमी ओसाका ३७.४ मिलियन डलरसहित सुचीमा २९औं स्थानमा रहँदा अमेरिकी टेनिस स्टार सेरेना विलियम्स ३६ मिलियन आम्दानीसहित ३३औं स्थानमा रहेकी छिन् । ओसाकाले एकै वर्षमा सर्वाधिक कमाउने महिला खेलाडीको कीर्तिमान पनि कायम गरेकी छिन् ।
फुटबलका मोहम्मद सलाह ३५.१ मिलियन डलर आम्दानीसहित ३४औं स्थानमा छन् । फुटबलका फ्रेन्च स्टार केलियन एमबाप्पे ३३.८ मिलियन डलरसहित ३६औं स्थानमा छन् ।
जापानको जे लिग खेलिरहेका स्पेनिस फुटबलका लेजेन्ड आन्द्रेस इनिष्टा २९.६ मिलियन डलरसहित फोर्ब्सको सुचीमा ४६औं स्थानमा छन् । इनिष्टा हाल छन् । २८.७ मिलियन डलरसहित फुटबलका मेसुट ओजिल ४९औं स्थानमा, फुटबलकै पउल पोग्वा २८.५ मिलियन डलरसहित ५१औं स्थानमा रहेका छन् । ब्राजिली ओस्कार २७.५ मिलियन डलरसहित ५६औं स्थानमा छन् ।
स्पेनी टोलीमा २५.७ मिलियन डलरसहित डे हेया ६७औं स्थानमा रहँदा २१.८ मिलियन डलरसहित रामोस शीर्ष १०० मा अटाएका छन् । यस्तै भारतीय क्रिकेट टोलीका कप्तान विराट कोहली पनि शीर्ष १ सय खेलाडीको सुचिमा पर्ने एकमात्र क्रिकेटर बनेका छन् ।
April 10, 2024
सुनिल गाउँले, सिमरा विभागीय टोली त्रिभुवन आर्मी क्लब विरुद्ध संघर्षपूर्ण जित निकाल्दै मच्छिन्द्र क्लब जगदम्बा स्टिल १४ औं जीतपुरसिमरा गोल्डकपको सेमिफाइनलमा प्रवेश गरेको छ । सिमरा रंगशालामा मंगलबार राति भएको प्रतिष्पर्धात्मक खेलमा मच्छिन्द्रले आर्मी १–० लाई हराउँदै अन्तिम चारको यात्रा तय गरेको हो । ६९ औं मिनटमा सौरभ लिम्बुले गरेको मच्छिन्द्रला लागि निर्णायक बनेको थियो […]
March 22, 2024
काठमाडमौं (हाम्रो खेलकुद) – प्रदिप खड्का र अभिलाषा विष्ट ‘१२औं सहवीर स्मृति खुल्ला लन टेनिस प्रतियोगिता–२०८० को च्याम्पियन बनेका छन् । प्रदिप पुरुष एकलमा तथा अभिलाषा महिला एकलमा च्याम्पियन बनेकी हुन् । सशस्त्र प्रहरी बल (एपिएफ) को प्रधान कार्यालय हल्चोक स्वयम्भुमा शुक्रबार भएकोे पुरुष एकलको फाइनलमा प्रदिपले रितिक रानालाई ६–४, ३–६ र ६–० ले तथा […]
March 12, 2024
काठमाडौं (हाम्रो खेलकुद) – नेपाल अन्तर्राष्ट्रिय पिकलबल च्याम्पियनसिप २०२४ मा नेपालले सबैभन्दा बढी पदक जितेको छ । नेपाल सुपर लिग (एनएसएल) र पिकलबल संघ नेपाल (प्यान) ले ललितपुर टेनिस कोर्टमा संयुक्त रुपमा आयोजना गरेको राष्ट्रिय टेनिस प्रतियोगितामा नेपालले कुल ५३ पदकसहित प्रतियोगितामा शीर्ष स्थानमा रहेको हो । नेपालको पदक तालिकामा २० स्वर्ण, १३ रजत र […]