4 years ago
June 24, 2020
काठमाडौं (हाम्रो खेलकुद) – नेपाल स्पेन कोस्टाब्लान्का समाजले एपिएफ क्लबका पूर्व खेलाडी तथा महिला टिमका प्रशिक्षक नर कुमार राईको छोरीको उपचारका आर्थिक सहयोग गरेको छ । कोस्टाब्लान्का समाजका अगुवा तथा एथलेटिक्सका पुर्व राष्ट्रिय खेलाडी अक्कल बहादुर बोहोराको पहलमा संकलन भएको ४० हजार रुपैयाँ नेपाल खेलकुद पत्रकार मञ्च मार्फत बुधवार हस्तान्तरण गरिएको हो । मञ्चका अध्यक्ष […]
काठमाडौं (हाम्रो खेलकुद) – नेपाल स्पेन कोस्टाब्लान्का समाजले एपिएफ क्लबका पूर्व खेलाडी तथा महिला टिमका प्रशिक्षक नर कुमार राईको छोरीको उपचारका आर्थिक सहयोग गरेको छ ।
कोस्टाब्लान्का समाजका अगुवा तथा एथलेटिक्सका पुर्व राष्ट्रिय खेलाडी अक्कल बहादुर बोहोराको पहलमा संकलन भएको ४० हजार रुपैयाँ नेपाल खेलकुद पत्रकार मञ्च मार्फत बुधवार हस्तान्तरण गरिएको हो । मञ्चका अध्यक्ष देबेन्द्र सुवेदीले प्रशिक्षक राईलाई बुधबार रकम हस्तान्तर गरे ।
राईकी ११ वर्षिया छोरी कसुमी ब्लड क्यान्सर बाट पीडित छन् । उनको हाल महाराजगञ्जस्थित कान्ति बाल अस्पतालमा उचार भइरहेको छ।एपिएफका पूर्व धावक बोहोराले यसअघि पनि समस्यामा परेका नेपालीहरुलाई आर्थिक सहयोग उपलब्ध गराउँदै आएका छन् ।
राईलाई सहयोग गर्नेमा कोस्टाब्लान्का समाजका सदस्यहरु बोहोरा अलावा बद्रि कोइराला, सुरज बानियाँ, सुवास सापकोटा, बिपिन बुढाथोकी, शिव नेपाल, दिनेश सापकोटा, नवराज दुवाडी, सन्तोष अर्याल, एकबहादुर भट्ट, प्रकाश तिवारी छन् ।
प्रशिक्षक राईले सहयोग गर्ने नेपाल स्पेन कोस्टाब्लान्का समाजलाई धन्यवाद दिए । छोरीको उपचार १४ लाख रुपैंया खर्च भइसकेको जानकारी दिदै राईले पुर्ण रुपमा ठिक गर्न अझै रकम अभाव भएको बताए । उनले आर्थिक अवस्था कमजोर रहेको कारण छोरीको उपचारमा सहयोग गर्न सबैलाई अपिल पनि गरेका छन् ।
राई २०६२ साल देखी २०६८ सालसम्म एपिएफबाट खेलेका थिए । खेलाडी जीवनमा सक्रिय रहँदा नै उनले २०६४ सालबाट एपिएफको महिला टिमको प्रशिक्षकको भूमिका निर्वाह गरेका थिए । २०७३ साल खेल जीवनबाट विश्राम लिदा सम्म उनले महिला फुटबलको जिम्मेवारी सम्हाले ।
अहिले महिला राष्ट्रिय टोलीका चर्चित खेलाडी सावित्रा भण्डारी, अनिता बस्नेत, रेणुका नगरकोटी, मनमाया लिम्बू, अनिता केसी, मञ्जली योञ्जन, एञ्जिला तुम्बापो उनकै प्रशिक्षणमा हुन् । एपिएफ छाडेपछि राई वैदेशिक रोजगारीका लागि बहराईन गएका थिए । राई त्यहि रहँदा छोरीलाई क्यान्सर भएपछि उनी स्वेदश फर्केका थिए ।
April 10, 2024
सुनिल गाउँले, सिमरा विभागीय टोली त्रिभुवन आर्मी क्लब विरुद्ध संघर्षपूर्ण जित निकाल्दै मच्छिन्द्र क्लब जगदम्बा स्टिल १४ औं जीतपुरसिमरा गोल्डकपको सेमिफाइनलमा प्रवेश गरेको छ । सिमरा रंगशालामा मंगलबार राति भएको प्रतिष्पर्धात्मक खेलमा मच्छिन्द्रले आर्मी १–० लाई हराउँदै अन्तिम चारको यात्रा तय गरेको हो । ६९ औं मिनटमा सौरभ लिम्बुले गरेको मच्छिन्द्रला लागि निर्णायक बनेको थियो […]
March 22, 2024
काठमाडमौं (हाम्रो खेलकुद) – प्रदिप खड्का र अभिलाषा विष्ट ‘१२औं सहवीर स्मृति खुल्ला लन टेनिस प्रतियोगिता–२०८० को च्याम्पियन बनेका छन् । प्रदिप पुरुष एकलमा तथा अभिलाषा महिला एकलमा च्याम्पियन बनेकी हुन् । सशस्त्र प्रहरी बल (एपिएफ) को प्रधान कार्यालय हल्चोक स्वयम्भुमा शुक्रबार भएकोे पुरुष एकलको फाइनलमा प्रदिपले रितिक रानालाई ६–४, ३–६ र ६–० ले तथा […]
March 12, 2024
काठमाडौं (हाम्रो खेलकुद) – नेपाल अन्तर्राष्ट्रिय पिकलबल च्याम्पियनसिप २०२४ मा नेपालले सबैभन्दा बढी पदक जितेको छ । नेपाल सुपर लिग (एनएसएल) र पिकलबल संघ नेपाल (प्यान) ले ललितपुर टेनिस कोर्टमा संयुक्त रुपमा आयोजना गरेको राष्ट्रिय टेनिस प्रतियोगितामा नेपालले कुल ५३ पदकसहित प्रतियोगितामा शीर्ष स्थानमा रहेको हो । नेपालको पदक तालिकामा २० स्वर्ण, १३ रजत र […]