कान्तिपुर टेलिभिजनमा दिल भुसन पाठकसङ कार्यक्रम ‘टफा टक’ मा बोल्दै गौरिकाले आफुले आफ्नो खेल अवधी भरी नेपालको लागी खेल्ने प्रतिबद्धता जनाएकी छिन ।
पाठकको ‘के तपाइ कुनै समयमा बेलायतको लागी खेल्नु हुन्छ ? ‘ भन्ने प्रश्नमा उनले आफु नेपाली भएको ले सधै नेपालको लागी खेल्ने भनेकी छिन ।
“म बेलायतमा बस्छु भनेर म अङ्रेजी हुदिन । म नेपाली हु र सदैब नेपाललाई प्रतिनिधित्व गर्नेछु । मेरो मनमा राष्ट्रियता परिवर्तन गर्ने कुनै कुरा छैन ।” , गौरिकाले उत्तर दिइन ।
त्यस्तै गौरिकाकि आमा गरिमा राणाले करिब ५ बर्ष देखी बेलायती पास्पोर्ट लिने अवसर मिले पनि आफुहरु सँग नेपाली राहदानी रहेको बताएकी छिन ।
यस रियो ओलम्पिकको कान्छी सहभागी भएर राष्ट्रिय तथा अन्तर्राष्ट्रिय मिडियामा लोकप्रियता कमाएकी गौरिका हाल नेपालमा छुट्टी मनाउदै छिन ।
