6 years ago
May 22, 2018
काठमाडौं (हाम्रो खेलकुद) – शिवम् न्यु डायमण्ड एकेडेमी प्रथम चन्द्रागिरी उपमेयर कप विद्यालय खुल्ला छात्रा भलिबल प्रतियोगिताको च्याम्पियन बनेको छ । नैकापस्थित न्यु डायमण्ड एकेडेमीको कोर्टमा मंगलबार भएको प्रतिस्पर्धात्मक खेलमा डायमण्डले पारामाउन्ट स्कुलमाथि ३–२ को सेटमा जत निकाल्दै च्याम्पियन बनेको हो । डायमण्ड पहिलो सेटमा २०–२५ ले पछि परेको थियो । तर, त्यसपछिको बाँकी दुई […]
काठमाडौं (हाम्रो खेलकुद) – शिवम् न्यु डायमण्ड एकेडेमी प्रथम चन्द्रागिरी उपमेयर कप विद्यालय खुल्ला छात्रा भलिबल प्रतियोगिताको च्याम्पियन बनेको छ ।
नैकापस्थित न्यु डायमण्ड एकेडेमीको कोर्टमा मंगलबार भएको प्रतिस्पर्धात्मक खेलमा डायमण्डले पारामाउन्ट स्कुलमाथि ३–२ को सेटमा जत निकाल्दै च्याम्पियन बनेको हो ।
डायमण्ड पहिलो सेटमा २०–२५ ले पछि परेको थियो । तर, त्यसपछिको बाँकी दुई सेट लगातार आफ्नो पक्षमा पार्दै डायमण्ड उपाधिको बाटोमा पुगेको थियो । डायमण्डले २५–१९ र २५–२३ ले आफ्नो पक्षमा पारेको थियो । चौथो सेटमा पनि डायमण्डले अग्रता बनाएर पनि २८–२६ ले पछि परेको थियो । निर्णायक सेट डायमण्डले १५–१० ले आफ्नो पक्षमा पार्न सफल भयो ।
उपाधिसँगै डायमण्डले ४५ हजार रुपैया प्राप्त गर्न सफल भयो । उपविजेता बनेको पारामाउन्टले २५ हजार रुपैया प्राप्त गर्यो । तेस्रो भएको विजेश्वरी ज्ञान मन्दिरले १५ हजार र चौथो भएको थ्री स्टार एकेडेमीले १० हजार रुपैया प्राप्त गर्न सफल भयो । न्यु डायमण्डकी वालमिका आचार्य प्रतियोगिताको सर्वाेत्कृष्ट खेलाडी घोषित भए । उनले १ हजार ५ सय रुपैया प्राप्त गरिन् । डायमण्डकी अनिशा सुनुवार उत्कृष्ट सेटर र रस्मिता दुरा उत्कृष्ट सर्भर घोषित भए । पारामाउन्टका सृष्टि खड्गी उत्कृष्ट स्पाइकर र सम्पदा श्रेष्ठ उत्कृष्ट डिफेन्स घोषित भईन् । न्यु डायमण्डका प्रशिक्षक कुमार राई उत्कृष्ट प्रशिक्षक चुनिए । उनीहरुले समान १ हजार रुपैया पाए । पारामाउन्टकी सृष्टि खड्गीले उत्कृष्ट प्रदर्शन गरेको भन्दै नेपाल भलिबल संघका उपाध्यक्ष निरोज मास्केले प्रोत्साहन स्वरुप थप २ हजार प्रदान गरेकी थिईन् ।
विजयी टिम तथा खेलाडीहरुलाई नेपाल भलिबल संघका अध्यक्ष मनोरन्जन रमण शर्मा, महासचिव जितेन्द्र बहादुर चन्द, मदन भण्डारी स्पोर्टस् एकेडेमीका अध्यक्ष विनोद श्रेष्ठलगायतले पुरस्कृत गरिन् । मदन भण्डारी स्पोर्टस् एकेडेमीको चन्द्रागिरी नगर कमिटिको आयोजनामा भएको प्रतियोगिता बैशाख ५ गतेबाट शुरु भएको थियो । १० टिम सहभागी प्रतियोगिता लिग कम नकआउटको आधारमा भएको थियो ।
यसैबीच नेपाल भलिबल संघले भलिबल नेपालको राष्ट्रिय खेल भएको एक वर्ष पुरा भएको अवसरमा भलिबल दिवस मनाएको छ । न्यु डायमण्ड एकेडेमीको प्राङ्गणबाट संघका अध्यक्ष मनोरन्जन रमण शर्माले बेलुन उडाएर भलिबल नेपालको राष्ट्रिय खेल भएको खुशीयाली मनाएका थिए ।
April 25, 2024
काठमाडौं (हाम्रो खेलकुद )- नेपाल पुलिस क्लबले काठमाडौमा जारी केएनपी नेरोलेक सातौ राष्ट्रिय महिला भलिबल प्रतियोगितामा पहिलो जित दर्ता गरेको छ। त्रिपुरेश्वरस्थित राष्ट्रिय खेलकुद परिषद्को कर्भडहलमा बिहीबारको दोस्रो खेलमा चन्द्रागिरी नगरपालिका न्यु डायमण्ड महिला भलिबल टोलीलाई ३-१ को सेटमा हराउँदै फाइनल पुग्ने सम्भावना जिवित राखेको छ। पुलिस क्लबले न्यु डायमण्डलाई १८–२५,२५–२२, २५–२२ र २५–१८ ले […]
April 25, 2024
काठमाडौं (हाम्रो खेलकुद) – साविक उपविजेता विभागीय नेपाल एपिएफ क्लबले सातौं केएनपी नेरोलेक राष्ट्रिय महिला भलिबल प्रतियोगितामा अर्काे विभागीय टोली त्रिभुवन आर्मी क्लबमाथि रोमाञ्चक जित निकाल्दै फाइनल पुग्ने सम्भावना बलियो बनाएको छ । एपिएफले आर्मीलाई ३–२ को सेटमा पराजित गर्दै फाइनल पुग्ने सम्भावना बलियो बनाएको हो । सुरुवाती दुई सेट जितेको एपिएफले त्यसपछि लगातार दुई […]
April 25, 2024
काठमाडौं (हाम्रो खेलकुद) – सातौं केएनपी नेरोलेक महिला भलिबल प्रतियोगिताको दोस्रो दिन बुधबार पनि दुई खेल हुँदैछन् ।त्रिपुरेश्वरस्थित राष्ट्रिय खेलकुद परिषद्को कभर्ड हलमा दिउँसो १ः०० बजे सुरु हुने खेलमा दुई विभागिय टोली साविक उपविजेता नेपाल एपिएफ क्लब र त्रिभुवन आर्मी क्लबबीच हुनेछ । एपिएफल लगातार दोस्रो खेल जित्ने योजनामा हुनेछ भने आर्मी फाइनल प्रवेशको सम्भावनालाई […]