default_image

4 weeks ago

May 25, 2024

पूर्वाधार र प्रतियोगितालाई प्राथमिकतामा राख्दै मन्त्रालयद्वारा बजेट प्रस्ताव

610 views

0 Bookmark

काठमाडौं (हाम्रो खेलकुद) – युवा तथा खेलकुद मन्त्रालयले आर्थिक वर्ष २०८१/८२ का लागि प्रदेश र स्थानीय तहलाई सशर्त अनुदान उपलब्ध गराउने बजेट तथा कार्यक्रम प्रस्ताव गरेको छ । यसमा मन्त्रालयले पूर्वाधार निर्माण तथा प्रतियोगिता आयोजनालाई प्राथमिकतामा राखेको छ ।

मन्त्रालयले मुलपानी क्रिकेट एकेडेमी तथा रंगशालाको लागि ५० करोड रुपैयाँ राखेको छ । त्यस्तै मोरङको बैजनाथपुर क्रिकेट मैदानका लागि १० करोड, पोखरा क्रिकेट रंगशालाका लागि १ करोड ५ लाख रुपैयाँ रहेको छ । टियु मैदानको फ्लड लाइट र स्कोर बोर्ड जडानका लागि २० करोड रुपैयाँ माग गरिएको छ ।

यसबाहेक पोखरा रंगशालाको स्तरोन्नतिका लागि १ करोड ५ लाख तथा दशरथ रंगशाला, सातदोबाटो र लैनचौरको कभर्ड हलका लागि १ करोड ५ लाख रुपैयाँ छुट्टयाएको छ ।

यसबाहेक प्रदेश सरकारबाट कार्यान्वयन हुने बजेटका लागि कर्णालीमा पातारासी हाइ अल्टिच्युडका लागि ४ करोड रुपैयाँ र दोलखाको सैलुंगमा ३ करोड रुपैयाँ रहेको छ ।

यस्तै मन्त्रालयलले मिसन २०२६ विशेष प्रशिक्षणका लागि २ करोड ५० लाख छुट्याएको छ । इन्डोर मार्सल आर्ट्स गेम्सको तयारीमा पनि २ करोड रुपैयाँ रहेको छ । यसबाहेक विभिन्न खेलका संघहरुको राष्ट्रिय प्रतियोगिता आयोजनाका लागि २०-२० लाख रुपैयाँ छुट्याइएको छ ।

मन्त्रालयले खेलाडी दुर्घटना विमामा ५० लाख रुपैयाँ तथा रग्बीको दुई अन्तर्राष्ट्रिय प्रतियोगिताका लागि ४० लाख रुपैयाँ राखेको छ । ओलम्पियन खेलाडी भत्तालाई ५० लाख र अन्तर्राष्ट्रिय पदक विजेता खेलाडीलाई १ करोड ७८ लाख राखिएको छ ।

एसियाली ई स्पोर्ट्स प्रतियोगिताका लागि ५० लाख तथा पेरिस ओलम्पिक सहभागिता व्यवस्थापनका लागि ९० लाख रुपैयाँ सुचिकृत गरिएको छ ।

May 2, 2024

इटहरीमा ओलम्पियन र खेलाडीको पैदल यात्रा

हिमाल खरेल,इटहरीतेस्रो ओलम्पियन्स रियुनियन (पुनर्मिलन) तथा सेलिब्रेटी खेलाडी भेट कार्यक्रमअन्तर्गत सुनसरीको इटहरीमा वाकाथन (पैदल यात्रा) सँगै स्वागत कार्यक्रम सम्पन्न भएको छ । कोशी प्रदेशको खेलकुदसँगै आन्तरिक पर्यटन प्रवर्धनका लागि ओलम्पिकमा सहभागिता जनाएका खेलाडी तथा खेलकुदका चर्चित अनुहारलाई पुनर्मिलन गराउने कार्यक्रमको सुरुवात कोशी प्रदेशका उद्योग, कृषि तथा सहकारीमन्त्री रामकुमार मन्त्री खत्रीले गरेका थिए । आज बिहीबार […]

May 1, 2024

देशभरका ओलम्पियन कोशी प्रदेशमा जुट्दै

हिमाल खरेल,मोरङ ओलम्पियन रियुनियन (पुनर्मिलन) तथा सेलिब्रेटी खेलाडी भेटमा सहभागी हुन ओलम्पिक खेलाडीहरू मोरङको विराटचोक आइपुगेका छन् । कोशी प्रदेशका विभिन्न सहरमा हुने चार दिने ओलम्पियन पुनर्मिलन कार्यक्रममा सहभागी जनाउन अस्ट्रिया, मलेसियाका साथै नेपालका खेलाडीहरु ओलम्पियन कार्यक्रमस्थल आइपुगेका हुन् । विराटनगर विमानस्थलमा बुधबार दिउँसो कोशी प्रदेश खेलकुद विकास बोर्डकी उपाध्यक्ष बिन्दिया कार्कीले ८ जना ओलम्पियनलाई […]

April 11, 2024

धावक गोपीलाई केएल दुगडले १ लाख दिने

काठमाडौं (हाम्रो खेलकुद)– लन्डन म्याराथनमा भाग लिने तयारीमा रहेका धावक गोपीचन्द्र पार्कीलाई केएल दुगडले १ लाख रुपैयाँ उपलब्ध गराउने भएको छ । गापीको विदाईमा बिहीबार नेपाल ओलम्पिक कमिटी (एनओसी) मा राखिएको विदाईमा केएल दुगडका प्रबन्ध निर्देशक कुमुद दुगडले उनको तयारीका लागि १ लाख रुपैयाँ दिने घोषणा गरेका हुन् । प्रबन्ध निर्देशक दुगड, एनओसीका जीवनराम श्रेष्ठ, […]

Success

Thank you for your time.