काठमाडौ (हाम्रो खेलकुद)– पाकिस्तानको फैसलावादमा आयोजना हुने आइएचएफ ट्रफीमा भाग लिन नेपाली टोली बुधबार त्यसतर्फ प्रस्थान गरेको छ । अन्तर्राष्ट्रिय ह्याण्डवल महासंघको पुरुष युवा लक्षित कार्यक्रम अन्र्तगत यही मार्च १० देखि १५ गतेसम्म हुने प्रतियोगितामा नेपालीको दुई टोली यू १९ र यू २१ ले प्रतिस्पर्धा गर्नेछ ।
नेपाली टोलीलाई आज नेपाल ओलोम्पिक कमिटी (एनओसी) ले विदाई गरेको छ । प्रतिनिधि सभाका तथा एनओसीका अध्यक्ष जिवनराम श्रेष्ठले विदाई गरे । नेपाली टोलीको नेतृत्व नेपाल ह्याण्डबल संघका अध्यक्ष एवम एनओसीका सदस्य तेज बहादुर गुरुङले गरेका छन् ।
नेपाली टोलीमा खेलाडी, प्रशिक्षक र टिमको व्यवस्थापक गरि ४१ जना छन् । प्रतियोगितामा पाकिस्तान, नेपाल, भारत, बंगलादेश, श्रीलंका, मालदिभ्स, ओमन, अफगानिस्तान, भुटानको सहभागिता रहनेछ ह्यान्डबल संघले जनाएको छ । नेपाली टोली एक साता पाकिस्तानमा रहने संघका सचिव केशव पाठकले जानकारी दिए ।
