सातौं राष्ट्रिय खेलकुद
दिपेन्द्र पोखरेल
विराटनगर – एपिएफका गोपीचन्द्र कार्कीले पूर्वाञ्चलमा जारी सातौं राष्ट्रिय खेलकुदको तेस्रो दिन आइतबार थलेटिक्सको ५ हजार मिटर दौडमा पुरुषतर्फ स्वर्ण पदक जितेका छन् । इटहरी रंगशालामा गोपीचन्द्रले १५ मिनेट २६.१० सेकेन्डमा दौड पुरा गर्दै स्वर्ण जितेका पदक जितेका हुन् ।
एपिएफका गोपीचन्द्र पार्की – फाइल फोटो
गोपीले त्रिभुवन आर्र्मीका हरिकुमार रिमालाई पछि पार्दै पहिलो स्थान प्राप्त गरेका थिए । फागुनमा भारतमा सम्पन्न १२ औ दक्षिण एसियाली खेलकुद (साग) मा कास्य पदक जितेका हरिले राष्ट्रिय खेलकुदमा रजत पदकमा चित्त बुझाउनुपर्यो । हरिले १५ मिनेट २६.६० सेकेन्डमा दुरी पुरा गरेका थिए ।
भूमिराज राईले १५ मिनेट ३०.४० सेकेन्डमा पुरा गर्दै कास्य पदक जिते । महिलातर्फको ५ हजार मिटर दौड एपिएफकी कान्छीमाया कोजुले जितेकी छिन् ।
