काठमाडौं, माघ १८ । कान्तिपुर हिरो हाफ म्याराथनको कोर्स रेकर्ड ब्रेक गर्ने पुरुष तथा महिला खेलाडीले नगद ५० हजारसहित एक–एक थान हिरो डास स्कुटर पाउने भएका छन् ।
सोमबार पत्रकार सम्मेलन गर्दै आयोजकले छैटौ संस्करणमा रेकर्ड ब्रेक गर्ने खेलाडीलाई नगद भन्दा स्कुटर दिने निर्णय गरेको जानकारी गरायो । यसअघि कोर्स रेकर्ड ब्रेक गर्ने खेलाडीले ५० हजारसहित नगद २५ हजार बोनस प्राप्त गरेको थियो । दुई वर्षअघिको संस्करणमा अनिस थापामगरले आर्मीका कल्याण बाँनियाको तथा आर्मीकी विश्वरुपा बुढाले एपिएफीकी कान्छीमाया कोजुको रेकर्ड ब्रेक गरेका थिए । पुरुषमा कोर्स रेकर्ड अनिश थापामगरको नाममा १ घण्टा ७ मिनेट ४७ सेकेण्ड तथा महिलामा आर्मीकी विश्वरुपा बुढाको नाममा १ घण्टा २३ मिनेट १८ सेकेण्डको नाममा छ ।
कान्तिपुर पब्लिकेसनको २३औं वार्षिकोत्सवको अवसर पारेर फागनु ७ गते हुन लागेको हाफ म्यारथन २१.१ किलोमिटर, कर्पाेरेट÷मिडिया अन्र्तगत ५ किलोमिटर तथा ह्वील चियर अन्र्तगत ३ किलोमिटर हुनेछ । हाफ म्याराथनका पुरुष÷महिला विजेताले समान ५०–५० हजार तथा उपविजेता हुनेले ३०–३० हजार रुपैया प्राप्त गर्नेछन् । यस्तै तेस्रो, चौथो, पाँचौ तथा छैटौ हुनेले क्रमश २० हजार, १० हजार, पाँच हजार र तीन हवार प्राप्त गर्नेछन् । यस्तै कर्पाेरेट÷ मिडिया र ह्वील चेयरका पुरुष÷महिला विजेताले समान १०–१० शजार तथा उपविजेताले पाँच–पाँच हजार तथा तेस्रो हुनेले तीन हजार रुपैंया प्राप्त गर्नेछन् ।
नेपाल एथलेटिक्स संघका मुख्य प्रशिक्षक सुशिल नरसिंह राणाले १२औं सागका कारण मुख्य खेलाडीहरुले प्रतियोगितामा भाग लिने सम्भावना न्यून रहेको बताए । प्रतियोगिताका लागि नेपाल एमेच्योर एथलेटिक्स संघको प्राविधिक सहयोग रहनेछ ।
