5 years ago
September 30, 2019
काठमाडौं (हाम्रो खेलकुद) – यसवर्षको (१०औं संस्करण) लिगलिगे दौड यही बिहीबार आयोजना हुने भएको छ । ऐतिहासिक लिगलिगे राजा छान्ने दौड प्रतियोगिता यही बिहीबार अर्थात भदौं १६ गते हुने आयोजक लिगलिग कोट विकास अभियानले जानकारी गराएको छ ।
यसपटकको दौड जित्ने धावकलाई एकरात लिग लिग कोटको राजको रुपमा राखिने र एक वर्षभर लिग लिग कोटको सद्भावना दुतको रुपमा राखिने लिग लिग कोट बिकास अभियानका अध्यक्ष पूर्ण बहादुर रानाले हाम्रो खेलकुदलाई जानकारी गराए ।
लिगलिगे दौड १३.८ किमिको हुनेछ । दौड पालुङटार नगरपालिकास्थित चेपेघाटबाट सुरु भएर दौड लिगलिगकोट दरबारमा आएर टुंगिने छ । प्रतियोगिताको विजेताले ६० हजार १ सय नगदसहित लिगलिगे राजा घोषित गरिनेछ । विजेताले श्रीपेच समेत प्राप्त गर्नेछ । पाँच वर्षको अन्तरमा तीनपटक विजेता बनेपछि भारतीय सेनाका अनिष थापामगरले श्रीपेच कब्जा गरेका थिए । अनिषले २०७१, २०७३ र गतवर्ष लिगलिगे दौडको विजेता बनेका थिए ।
प्रतियोगितामा दोस्रोले ३५ हजार १ सय, तेस्रोले २५ हजार १ सय, चौथोले १५ हजार १ सय र पाँचौले १० हजार १ सय नगद पुरस्कार पाउनेछन् । त्यस्तै छैटौंले ७ हजार १ सय, सातौंले ५ हजार १ सय, आठौंले ४ हजार १ सय र नवौले ३ हजार १ सय र १०औंले २ हजार रुपैया नगद पुरस्कार पाउने आयोजकले जनाएको छ । लिगलिगे दौड अन्तर्गत नै ५ किमिको समावेशी महिलातर्फको विजेताले २० हजार ५, दोस्रोले १२ हजार ५ र तेस्रोले ७ हजार ५ नगद पुरस्कार पाउनेछन् । भेट्रान्सतर्फ वजेताले २० हजार ५, दोस्रोले १२ हजार ५ र तेस्रोले ७ हजार ५ नगद पुरस्कार पाउनेछन् ।
स्थानीय लिगलिग बासीको लागि हुने १३.५ किमीको दौडमा पहिलोले २० हजार ५, दोस्रोले १२ हजार ५, तेस्रोले ७ हजार ५ र सान्त्वनाले ३ हजार ५ नगद पुरस्कार पाउनेछन् । विद्यालय छात्र र छात्राको ३ किमीको दौडमा पहिलोले ५ हजार १ सय, दोस्रोले ३ हजार १ सय र तेस्रोले २ हजार १ सय पाउनेछन् । लिग लिग कोट बिकास अभियानको मुख्य आयोजनामा हुने दौडलाई पालुङटार नगरपालिका र नेपाली सेनाको रणसिंह दल गणले साथ रहेको प्रतियोगिताको अनुमानित बजेट करिव २९ लाख रहने आयोजकले अनुमान गरेको छ ।
लिगलिगे दौड वि.स. १६०४ को विजया दशामीको दिनदेखि शुरु भएको मानिएको छ । त्यतिबेला दलसुर घलेमगरले दौड जितेका थिए । त्ययता दलसुरले लगातार दौड जित्दै १६०४ देखि १६१५ सम्म राजा बनेका थिए । बिसं १९१६ सालमा द्रब्यशाह राजा बनेपछि हुन छाडेको लिगलिगे दौड पछिल्लो ९ वर्षयता हुँदै आएको छ । लिग लिग कोट बिकास अभियान विगत ९ वर्षदेखि हरेक वर्ष विजया दशामीको अवसरमा यौ दौडको आयोजना गर्दै आएको छ ।
लिगलिगे दौडका अहिलेसम्मको विजेताहरु
भुमिराज राई (नेपाल पुलिस, २०६७)
हरि कुमार रिमाल (त्रिभुवन आर्मी, २०६८)
समिर तामाङ (त्रिभुवन आर्मी, २०६९)
कृष्ण बहादुर बस्नेत (त्रिभुवन आर्मी, २०७०)
अनिष थापामगर (भारतीय सेना, २०७१)
हरि कुमार रिमाल (त्रिभुवन आर्मी, २०७२)
अनिष थापामगर (भारतीय सेना, २०७३)
खगेन्द्र बहादुर भाट (भारतीय सेना, २०७४)
अनिष थापामगर (भारतीय सेना, २०७५)
May 17, 2024
काठमाडौं (हाम्रो खेलकुद)- तेह्रौं सागकी स्वर्ण पदक विजेता सन्तोषी श्रेष्ठले पेरिस ओलम्पिक २०२४ खेल्ने निश्चित भएको छ। सन्तोषीले पेरिस ओलम्पिकको म्याराथनमा प्रतिस्पर्धा गर्ने भएकी हुन्। युनिभर्सियालिटी कोटामा उनले ओलम्पिक खेल्ने भएकी हुन् । नेपाल ओलम्पिक कमिटी (एनओसी ) र नेपाल एथलेटिक्स संघबाट युनिभर्सियालिटीका लागि सन्तोषीको सिफारिस गरेको थियो। सन्तोषीको नाम ओलम्पिकमा खेल्ने पक्का भएको जानकारी […]
May 16, 2024
सुमन अधिकारी,बुटवल त्रिभुवन आर्मी क्लबका राजन रोक्काले दोस्रो राष्ट्रिय हाफ म्याराथनको उपाधि जितेका छन् । राजनलेले निर्धारित २१ किलोमिटर दुरी १ घण्टा ९ मिनेट २४ सेकेन्डमा पूरा गर्दै उपाधि जितेका हुन् । नेकपा एमालेका तत्कालिन महासचिव मदन भण्डारीको ३१ औं स्मृति दिवसको अवसरमा मदन भण्डारी स्पोर्ट्स एकेडेमीले बिहीबार बुटवलमा आयोजना गरेको दोस्रो राष्ट्रिय हाफ म्याराथनको […]
May 15, 2024
सुमन अधिकारी,बुटवल मदन भण्डारीको ३१ औं स्मृति दिवसको अवसरमा हुने (जेठ ३ गते ) दोस्रो राष्ट्रिय खुल्ला हाफ म्याराथन तथा रोड रेस प्रतियोगिताको तयारी पूरा भएको छ । आयोजक मदन भण्डारी स्पोर्टस एकेडेमीले मंगलबार बुटवलमा पत्रकार सम्मेलन गर्दै प्रतियोगिताको तयारी पूरा भएको जनाएको हो । प्रतियोगितामा खुल्ला हाफ म्याराथनसहित ५ वटा इभेन्ट समावेश गरिएको छ […]