default_image

2 years ago

December 5, 2021

‘क्यानलाई बदनाम गर्न सम्भव छैन’

काठमाडौं (हाम्रो खेलकुद) – नेपाल क्रिकेट संघ (क्यान) का अध्यक्ष चतुरबहादुर चन्दले खेलाडीको अनुशासनसँग संघले कुनै सम्झौता गर्न नसक्ने बताएका छन् । वाईवाई यू–१९ राष्ट्रिय क्रिकेट प्रतियोगिताको फाइनलपछि पुरस्कार समारोहमा बोल्दै चन्दले उक्त प्रतिक्रिया दिएका हुन् । ‘१३ दिनको प्रतियोगितामा राम्रो युवा खेलाडीहरु हामीले देखेका छौं । मलाई लाग्छ नेपाली क्रिकेटको भविष्य वहाँहरुको हातमा छ […]

126 views

0 Bookmark

काठमाडौं (हाम्रो खेलकुद) – नेपाल क्रिकेट संघ (क्यान) का अध्यक्ष चतुरबहादुर चन्दले खेलाडीको अनुशासनसँग संघले कुनै सम्झौता गर्न नसक्ने बताएका छन् । वाईवाई यू–१९ राष्ट्रिय क्रिकेट प्रतियोगिताको फाइनलपछि पुरस्कार समारोहमा बोल्दै चन्दले उक्त प्रतिक्रिया दिएका हुन् ।


‘१३ दिनको प्रतियोगितामा राम्रो युवा खेलाडीहरु हामीले देखेका छौं । मलाई लाग्छ नेपाली क्रिकेटको भविष्य वहाँहरुको हातमा छ र उज्ज्वल पनि । यो संघले आशा गरेको कुरा हो । वहाँहरुको मिहिनेत र खुसीले हामी एकदमै खुसी छौं । नेपाली टोलीको भविष्य पनि यहींबाट देखिने हो । तपाईंहरुको प्रदर्शन कसैले लुकाउन सक्दैन । उत्कृष्ट प्रदर्शनसँगै अनुशासन जरुरी छ । अनुशासनमा रहेर अगाडि बढ्न सक्नुभएन भने वहाँहरुको भविष्य उज्वल छैन’, चन्दले भने ।

‘पछिल्लो समय यताकता नेपाली क्रिकेटबाट सन्न्यास लिईसक्नु भएको केहि साथीहरु वा क्रिकेटमा निरन्तर खेलिरहनु भएका खेलाडी साथीहरुबाट जानेर होस् वा नजानेर क्रिकेट संघको बारे अनेकौं कुराहरु आइरहेको छरपष्ट छ । त्यसकारण म आग्रह गर्न चाहन्छु । निलम्बनबाट निकै संघर्ष गरेर हामीले संघलाई सही बाटोमा ल्याएका छौं । संघर्षको बाबजुद यो अवसर आएको हो । त्यसकारण अनुशासनसँग चतुरबहादुर चन्दको नेतृत्व क्रिकेट संघ सम्झौता गर्दैन’, चन्दले सांकेतिक जवाफ दिए ।

त्यसैमा उनले थपे, ‘यू-१९का भाइहरुलाई अनुशासन नतोड्नु होला । अन्य सार्वजनिक मञ्जबाट भन्दै गर्दा जतिराम्रो प्रदर्शन भएपनि अनुशासनसँग यो कार्यसमिति सम्झौता गर्दैन भन्ने फेरि दोहोर्याएँ । भविष्यमा यो कुरा निर्णयको रुपमा हेर्दै जानुहोला ।’

‘पुन म रोमान्चक फाइनलको दिन सबै खुसी हुन पर्यो । फेरि ६–७ वर्षपछि यू–१९ प्रतियोगिता सुरु र समापन भएको छ । नेपाल क्रिकेट निलम्बन गर्दै गर्दा कति वर्ष यू१६, यू१९ वा घरेलु प्रतियोगिताहरु जुन क्रिकेट संघले गर्नु पर्ने किन भएनन् । त्यसको मारमा युवा खेलाडी कति पर्नु भयो । निलम्बनको अवधिमा नेपाली क्रिकेटको टिम कसरी छानिन्थ्यो । कुन सिन्डिकेटको आधारमा खेलाडीले टिममा अवसर पाउथें । कुन खालको आर्थिक चलखेलमा आधारमा खेलाडीहरुलाई न्याय अन्याय गरिन्थ्यो । यो कुरा सबै मिडियाका साथीहरुलाई जानकार छ ।’

‘निष्पक्ष र कुनैपनि उत्कृष्ट प्रदर्शनलाई एक रत्ति अन्याय हुन नदिने संयत्र क्यानले बनाएको छ । उत्कृष्ट प्रदर्शनको आधारमा खेलाडी छनोट गर्नेछ । कहि कतै प्रश्न उठ्ने बाटो हामी दिने छैनौं । तपाईंले गर्नु भएको राम्रो प्रदर्शन सधैं प्रशंसा गर्ने परिपाटी संघमा बन्नेछ । हामी त्यही अनुसार स्थान दिनेमा प्रतिबद्ध दिनेछौं’, चन्दले भने ।

‘जसरी त्यस्तो खालको प्रश्न उठाइएको छ त्यसमा नेपाल क्रिकेट संघको गम्भीर चासो छ । मलाई लाग्छ पहिला जसरी हाली मुहाली गरेकाहरुबाट भित्रीरुपमा बदनाम गर्ने प्रयास भई राखेको छ । त्यो कदापी सम्भव छैन । यो समिति निरन्तररुपमा सक्रिय भएर लागेको छ । क्षमता अनुसार लागेका छौं । युवा भाइहरुले यहि अनुसार बुझ्नु होला,’ चन्दले बताए ।

लुम्बिनीले आइतबार फाइनलमा सुदूरपश्चिम प्रदेशलाई १ सय १३ रनको फराकिलो अन्तरले हराउँदै उपाधि जितेको थियो । च्याम्पियन लुम्बिनीले २ लाख र उपविजेता सुदूरले १ लाख पुरस्कार पाएका छन् । ७ प्रदेशबीच लिगको ढाँचामा भएको प्रतियोगितामा लुम्बिनी शीर्ष र सुदूर दोस्रो स्थानमा रहँदै फाइनल खेलेका थिए ।

भिडियो हेर्नुहोस :

March 19, 2024

पहिलो कप्तान नेरीले क्रिकेटबाट सन्न्यास लिइन्

काठमाडौं (हाम्रो खेलकुद) – राष्ट्रिय महिला क्रिकेट टोलीकी पहिलो कप्तान नेरी थापाले अन्तर्राष्ट्रिय र घरेलु दुबै क्रिकेटबाट सन्न्यासको‌ घोषणा गरेकी छिन् । १७ वर्ष लामो क्रिकेट यात्रामा साथ दिने आफ्नो परिवारलाई विशेष धन्न्यावाद दिँदै नेरीले सोमबार सामाजिक सञ्जाल फेसबुक मार्फत सन्न्यास लिएको घोषणा गेकी हन्। ‘म आज राष्ट्रिय तथा अन्तर्राष्ट्रिय क्रिकेटबाट सन्न्यासको घोषणा गर्दैछु। क्रिकेट […]

March 18, 2024

कैलाली प्रिमियर लिग – शुक्लाफाँटाको जित

धनगढी (हाम्रो खेलकुद) – कैलाली प्रिमियर लिगमा शुक्लाफाँटा नगरपालिकाले विजयी सुरुवात गरेको छ । जिल्ला क्रिकेट संघ कैलालीको आयोजनामा सोमबार फाप्ला मैदानमा सुरु भएको कैलाली प्रिमियर लिगमा शुक्लाफाँटाले पर्शुराम नगरपालिकालाई ३५ रनले पराजित गरेको हो । टस जितेर पहिला ब्याटिङ गरेको शुक्लाफाँटाले निर्धारित २० ओभरमा ३ विकेट गुमाउँदै १ सय ८१ रन बनायो । टोलीका […]

March 15, 2024

जीतपुरसिमरा क्रिकेट कप सुरु हुँदै

सुनिल गाँउले, सिमरा प्रथम जीतपुरसिमरा क्रिकेट कप प्रतियोगिता शनिबारदेखि हुँदैछ । जीतपुरसिमरा उपमहानगरपालिका ४ स्थित सेज क्रिकेट मैदानमा सुरु हुने प्रतियोगिताको उद्घाटन खेलमा आयोजक जीतपुरसिमरा क्रिकेट क्लब र पर्सा क्रिकेट संघ भिड्दैछन् । राउण्ड रोबिनका आधारमा संचालन हुने प्रतियोगितामा ६ टोलीको सहभागिता रहेको छ । चैत १० गतेसम्म चल्ने प्रतियोगिताका ६ टोलीलाई दुई समूहमा विभाजन […]

Success

Thank you for your time.