default_image

2 years ago

January 18, 2022

पूर्व टोली आर्मीविरुद्ध लोकेशको छक्का वर्षात

काठमाडौं (हाम्रो खेलकुद) – युवा ब्याटर लोकेश बमले प्रधानमन्त्री कप टि२० राष्ट्रिय प्रतियोगिता दोस्रो सेमिफाइनल खेलमा नेपाल एपिएफ क्लबबाट आफ्नो पूर्व टोली त्रिभुवन आर्मी क्लबविरुद्ध १४ बलमै अर्धशतक पूरा गरेका छन् । लोकेशको विष्फोटक ब्याटिङको सहयोगमा एपिएफले आर्मीलाई २ सय ३१ रनको विशाल लक्ष्य दिएको छ । टियु क्रिकेट मैदानमा टस हारेर ब्याटिङको निम्तो पाएको […]

107 views

0 Bookmark

काठमाडौं (हाम्रो खेलकुद) – युवा ब्याटर लोकेश बमले प्रधानमन्त्री कप टि२० राष्ट्रिय प्रतियोगिता दोस्रो सेमिफाइनल खेलमा नेपाल एपिएफ क्लबबाट आफ्नो पूर्व टोली त्रिभुवन आर्मी क्लबविरुद्ध १४ बलमै अर्धशतक पूरा गरेका छन् । लोकेशको विष्फोटक ब्याटिङको सहयोगमा एपिएफले आर्मीलाई २ सय ३१ रनको विशाल लक्ष्य दिएको छ ।

टियु क्रिकेट मैदानमा टस हारेर ब्याटिङको निम्तो पाएको एपिएफले निर्धारित २० ओभरमा २ विकेट गुमाउँदै २ सय ३० रन बनाएको थियो । चौथो नम्बरमा ब्याटिङ गरेका लोकेश बमले मात्र १८ बलमा २ चौका र ९ छक्कासहित ६८ रनको अविजित विष्फोटक इनिङ खेले । नेपाली टि२० घरेलु क्रिकेट इतिहासकै सर्वाधिक छिटो अर्धशतक हो ।

ओडिआईमा भने पवन सरार्फको नाममा १३ बल मै अर्धशतक छ । पवनले गत वर्ष नेपाल पुलिस क्लबबाट लुम्बिनी प्रदेशविरुद्ध १३ बलमै अर्धशतक पूरा गरेका थिए । लोकेश १७ औं ओभरको तेस्रो बलमा शरद भेषावकर स्क्वायर लेगमा राजेश पुलामी मगरबाट क्याच आउट भएपछि लोकेश क्रिजमा आएका थिए । नेपाली क्रिकेटका एक उत्कृष्ट तीव्र गतिका बलर जितेन्द्र मुखियालाई पहिलो बलमै छक्काका साथ लोकेशले सुरुवात गरेका थिए ।

पाँचौं र छैटौं बलमा लोकेशले सानदार छक्का प्रहार गरेका थिए । १८ औं ओभरको दोस्रो बलमा हरि चौहानलाई चौका र पाँचौं बलमा छक्का प्रहार गर्दै विष्फोटक सुरुवात गरे । तेस्रो र चौथो बल लोकेशले डट खाए । अन्तिम बलमा एक रन लिँदै स्ट्राइक क्रिजमा राख्दा लोकेश ८ बलमा २९ रनमा थिए । १९ औं ओभरमा जितेन्द्र मुखियालाई लोकेशले दोस्रो, तेस्रो र चौथो बलमा सानदार छक्काका साथ खेललाई रोमान्चक बनाए ।

२० औं ओभरको पहिलो बलमा स्पिनर सुशान भारीलाई स्टेटमा चौका प्रहार गर्दै लोकेशले १४ बलमा अर्धशतक पूरा गरेका थिए । लगत्तै अर्को बलमा लोकेशले उत्कृष्ट छक्का प्रहार गरे । पाँचौं बलमा लोकेशले छक्का प्रहार गर्दै विष्फोटक अन्त्य गरेका थिए । आसिफ शेख ४३ बलमा १० चौका र ५ छक्कासहित ८४ रनमा आउट भए । प्रदीप ऐरी ५३ बलमा ७ चौका र १ छक्कासहित ५७ रनमा अविजित रहे ।

लोकेशले गतवर्ष प्रधानमन्त्री कप एकदिवसिय क्रिकेट प्रतियोगिता र काठमाडौं मेयर्स कप प्रतियोगिता त्रिभुवन आर्मी क्लबबाट खेलेका थिए । तर फागुनमा मेयर्सकप खेलेपछि लोकेशले आर्मी छाडेका थिए । लोकेश यसै प्रतियोगिता मार्फत एपिएफबाट खेलेका हुन् । लोकेशले आफ्नो पूर्व टोली आर्मीविरुद्ध छक्काको वर्षा गराउँदा एपिएफले विशाल योगफल बनाएको हो ।

नेपालका लागि यू-१९ टोलीबाट खेलि सकेका लोकेश पछिल्लो समय सिनियर टोलीमा पर्दै आएपनि अन्तिम टोलीमा स्थान बनाउन सकेका छैनन् । जारी प्रतियोगितामा लोकेशको यो दोस्रो अर्धशतक हो । लोकेशले बागमती प्रदेशविरुद्ध २४ बलमा १० चौका र १ छक्कासहित ५० रनको इनिङ खेलेका थिए । लोकेश विष्फोटक ब्याटिङको लागि नै चिनिन्छन् ।

लोकेश बारे थप जानकारीको लागि : लोकेशले प्रधानमन्त्री कप एपिएफबाट खेल्ने

यो त सुरुवात हो..

March 29, 2024

कमल प्लेइङ-११ मा खेल्दै, पवन बेन्चमा

काठमाडौं (हाम्रो खेलकुद) – तीव्र गतिका बलर कमलसिंह ऐरीले नेपाल ‘ए’ बाट आयरल्यान्ड वल्भ्सविरुद्ध शुक्रबार हुने टि२० खेलमार्फत पुनरागमन गर्ने भएका छन् । नेपाल ‘ए’ को कप्तान विनोद भण्डारीले टस जितेर पहिलो फिल्डीङ गर्ने निर्णय लिएका हुन् । आयरल्यान्ड वल्भ्सले सुरुवाती इनिङमा ब्याटिङ गर्दैछ । कमलले लामो समय चोटका कारण बाहिर रहेर आज पुनरागमन गर्दैछन् […]

March 29, 2024

नेपाल ‘ए’ ले टस जित्यो

काठमाडौं (हाम्रो खेलकुद) – नेपाल ‘ए’ क्रिकेट टोलीले आयरल्यान्ड वल्भ्सविरुद्ध पहिलो टि२० खेलमा टस जितेको छ । नेपाल ‘ए’ को कप्तान विनोद भण्डारीले टस जितेर पहिलो फिल्डीङ गर्ने निर्णय लिएका हुन् । आयरल्यान्ड वल्भ्सले पहिलो ब्याटिङ गर्दैछ । नेपालको टोली : विनोद भण्डारी (कप्तान), लोकेश बम, देव खनाल, किरण ठगुन्ना, आरिफ शेख, अर्जुन घर्ती, बसिर […]

March 29, 2024

नेपाल ‘ए’ र आयरल्यान्ड वल्भ्स खेल्दै

काठमाडौं (हाम्रो खेलकुद) – नेपाल ‘ए’ र आयरल्यान्ड वल्भ्सले टि२० सिरिजको पहिलो खेलमा शुक्रबार खेल्दैछन् । खेल नेपाली समय अनुसार दिउँसो १ बजे टियु अन्तर्राष्ट्रिय क्रिकेट मैदानमा हुनेछ । लगातार वर्षाका कारण मैदान भिजेपछि विहीबार हुने भनिएको पहिलो खेल रद्द भएको थियो । क्यानले खेल तालिका परिवर्तन गर्दै शुक्रबारदेखि टि२० सिरिज सुरु हुने जानकारी दिएको […]

Success

Thank you for your time.