2 years ago
February 10, 2022
सुबास हुमागाईं, काठमाडौं नेपाली राष्ट्रिय क्रिकेट टोली आइसीसी टि२० विश्वकप छनोटको तयारीका लागि ओमानमा छ । विहीबार प्रशिक्षण सुरु गर्ने क्रममा नेपाली टोलीले प्रयोग गर्ने प्रशिक्षण जर्सीमा नयाँ लोगो देखियो । एकातर्फ क्यानको लोगो र अर्को तर्फ प्रायोजक केल्मीको लोगोसँगै नयाँ ध्यान खिच्ने लोगो थियो । लोगोमा एकातर्फ क्रिकेट ब्याट बोकेर प्याड अप गरेको गैंडाको […]
सुबास हुमागाईं, काठमाडौं
नेपाली राष्ट्रिय क्रिकेट टोली आइसीसी टि२० विश्वकप छनोटको तयारीका लागि ओमानमा छ । विहीबार प्रशिक्षण सुरु गर्ने क्रममा नेपाली टोलीले प्रयोग गर्ने प्रशिक्षण जर्सीमा नयाँ लोगो देखियो । एकातर्फ क्यानको लोगो र अर्को तर्फ प्रायोजक केल्मीको लोगोसँगै नयाँ ध्यान खिच्ने लोगो थियो ।
लोगोमा एकातर्फ क्रिकेट ब्याट बोकेर प्याड अप गरेको गैंडाको आकृति छ भने अर्कोतर्फ अंग्रेजीमा राइनोज शब्दको हरेक अक्षरलाई प्रयोग गरेर टोलीको मन्त्रलाई प्रष्ट्याउन खोजिएको छ । राइनोज शब्दको आरलाई रेस्पेक्ट अर्थात् सम्मान, एचलाई अनेस्टि अर्थात् इमान्दारी, आईलाई इन्टेग्रिटी अर्थात् अखण्डता, एनलाई नेस्नलिटी अर्थात राष्ट्रियता, ओलाई वन टिम अर्थात् एक टिम र एसलाई सक्सेस अर्थात् सफलता भन्दै व्याख्या गरिएको छ ।
राष्ट्रिय टोलीका व्यवस्थापक सुमनराज कार्कीले टोलीले टोलीमा सबै खेलाडी र अफिसियलमाझ छलफल गरेर नै यो कदम अघि सारेको जानकारी दिए । ‘हामीले यसलाई टोलीको मन्त्र नै बनाएको छौं । सबैले छलफल गरेर उचित शब्द रोज्यौं र यसको अर्थले हाम्रो टिमको चिनारी दिने गरि खोजेका हौं । खेलाडी र अफिसियल सबै मिलेर एकवद्ध भएर बढेका छौं । हामीले हरेक प्रशिक्षण जर्सीमा यो लोगो प्रयोग गरेका छौं,’ व्यवस्थापक कार्कीले जानकारी दिए ।
नेपाली टोलीले विश्वकप छनोटअघि हुने चार देश सम्मिलित सिरिजबाट केल्मीको लोगो अंकित जर्सी पनि प्रयोग गर्नेछ । यसअघि ओमानमा सम्पन्न सिरिजमा क्यान र केल्मीबीच सम्झौता हस्ताक्षर भएपनि प्रशिक्षण किट मात्र उपलब्ध भएको थियो । यसपटक भने केल्मीकै लोगो अंकित जर्सी टोलीले प्रयोग गर्नेछ । जर्सीको डिजाइन भने हाललाई क्यानले केहि समयअघि खुला प्रतियोगिता मार्फत पुरस्कृत गरेको डिजाइन नै छ ।
May 3, 2024
एजेन्सी – सनराईजर्स हैदराबादले राजस्थान रोयल्स माथि रोमाञ्चक जित जीत दर्ता गरेको छ । अन्तिम बलसम्म पुगेको खेलमा राजस्थानलाई हैदराबादले १ रनले पराजित गरेको हो । २०२ रनको लक्ष्य पछ्याएको हैदराबादलाई अन्तिम दुई ओभरमा जितका लागि २० रनको आवश्यकता रहेको थियो । १९औं ओभरमा कप्तान प्याट कमिन्सले ७ रन मात्र दिए । अन्तिम ओभरमा १३ […]
May 2, 2024
काठमाडौं (हाम्रो खेलकुद) – महिला राष्ट्रिय लिगको छनोट प्रतियोगिता अन्तर्गत घरेलु टोली कर्णाली आफ्नो अन्तिम खेलमा गण्डकी प्रदेशलाई पराजित गर्दै राष्ट्रिय लिगमा छनोट भएको छ । विहीबार विहान सुर्खेतको कर्णाली प्रदेश रंगशालामा गण्डकीमाथि २-० को जित दर्ता गर्दै कर्णालीले अंक तालिकाको तेस्रो स्थान पक्का गर्यो । वर्षा ओली र संजिता बम्जनले १-१ गोल गर्दै टोलीको […]
May 2, 2024
काठमाडौं (हाम्रो खेलकुद) – वेस्ट इन्डिज ‘ए’ ले एक खेल बाँकी छँदै नेपाल विरुद्धको टि-२० सिरिज उपाधि जितेको छ । बिहिवार भएको चौथो खेलमा पनि जित दर्ता गर्दै पाहुना टोलीले एक खेल अगावै ३-१ ले सिरिज जितेको हो । पहिलो खेलमा हार बेहोरेको वेस्ट इन्डिज ‘ए’ ले लगातार तेस्रो जित दर्ता गर्ने क्रममा नेपाललाई २८ […]