एजेन्सी – अष्ट्रेलियाले आइतबार इंग्ल्यान्डलाई ७१ रनले हराउँदै सातौं पटक आइसिसी एकदिवसिय महिला विश्वकपको उपाधि जित्यो । अष्ट्रेलिया ओपनर तथा विकेटकिपर एलिसा हेली प्लेयर अफ द सिरिज र फाइनल दुबै चुनिन् ।

हेलीले फाइनलमा इंग्ल्यान्डविरुद्ध १ सय ३८ बलमा २६ चौका सहितसहित १ सय ७० रनको विश्व कीर्तिमानी शतकीय इनिङ खेलिन् । त्यसैको सहयोगमा अष्ट्रेलियाले निर्धारित ५० ओभरमा ५ विकेट गुमाउँदै ३ सय ५६ रन बनाएको थियो । विश्वकप फाइनलमा कुनैपनि एक ब्याटरले बनाएको यो सर्वाधिक ठूलो योगफल हो ।

हेलीले अष्ट्रेलियाका पूर्व विकेटकिपर एडम गिलक्रिष्टले २००७ को विश्वकपमा श्रीलंकाविरुद्ध १ सय ४९ रनको इनिङ खेलेका थिए । हेली एकै महिला विश्वकपमा सर्वाधिक रन बनाउने ब्याटर पनि बनिन् । उनले ९ इनिङमा ५ सय ७ रन बनाउँदै प्रतियोगिता प्लेयर अफ द टुनामेन्ट चुनिन् । सेमिफाइनलमा हेलीले वेस्टइन्डिजविरुद्ध १ सय ७ बलमा १७ चौका र १ छक्कासहित १ सय २९ रनको उत्कृष्ट शतकीय इनिङ खेलिकी थिइन् ।

हेलीका श्रीमान अष्ट्रेलिया विश्व प्रसिद्ध तीव्र गतिका बलर मिचेल स्टार्क हुन् । उनले मैदान बाहिर बसेर फाइनलमा हेलीलाई उर्जा दिएका थिए । २०१५ मा अष्ट्रेलियाले एकदिवसिय विश्वकप जित्दा स्टार्क सर्वोत्कृष्ट खेलाडी चुनिएका थिए । स्टार्कले २२ विकेट लिँदै सर्वोत्कृष्ट खेलाडी चुनिएका थिए । स्टार्क एकै विश्वकपमा सर्वाधिक विकेट लिने बलर पनि हुन् ।

सन् २०१९ को एकदिवसिय विश्वकपमा स्टार्कले २७ विकेट लिँदै यस कीर्तिमान कायम गरेका थिए । त्यसैले यी दुई जोडीलाई विश्वकपका सर्वोत्कृष्ट जोडी भन्ने गरिन्छ । २०२० को टि२० विश्वकप उपाधि जिताउन हेलीले फाइनलमा भारतविरुद्ध ३९ बलमा ७ चौका र ५ छक्कासहित ७५ रनको इनिङ खेलेकी थिइन् ।

२०१५ को विश्वकपमा हेली मैदानमै पुगेर हौसला दिएकी थिइन् । स्टार्क श्रीमतीको फाइनल हेर्न २०२० मा दक्षिण अफ्रिकामा तेस्रो ओडिआई खेल छाडेर नै स्वदेशनै फर्किएका थिए । यी विवाहीत जोडी एक अर्काका हौसला र उर्जाका श्रोत हुन् । यो दुबै जनाको लागि दुर्लभ उपलब्धी हो ।

कमै विवाहित जोडीले मात्र क्रिकेट खेल्ने गर्दछन् । त्यसमा पनि विश्वकप खेल्दै उपाधिका साथ सर्वोत्कृष्ट खेलाडी बन्नु विश्वमै पहिलो विवाहित जोडी हुन् । यी दुई विवाहीत जोडीलाई धेरैले ठूला खेलका खेलाडी पनि भन्ने गर्दछन् । अर्थात महत्वपूर्ण खेल र प्रतियोगितामा प्रभावशाली प्रदर्शन गर्ने खेलाडी ।

श्रीमानले एकै विश्वकपमा सर्वाधिक विकेट लिनु र श्रीमतीले सर्वाधिक रन बनाउनु कुनै सामान्य उपलब्धी होईन । २०१५ को विश्वकप जित्दा हेली श्रीमानसँग गएर खुसी मनाएकी थिइन् । अहिले स्टार्क श्रीमातीसँग च्याम्पियन खुसी मनाएका छन् । यी विवाहित जोडीले भने विश्वकपमा दुर्लभ सफलता हात पारेका छन् ।

हेली र स्टार्क पहिलो पटक नौं वर्षको हुँदा भेट भएको बताइन्छ । क्रिकेट खेल्दै जादा विस्तारै यी दुई जोडी प्रेमा बाँधिए । पछि दुबै विश्वका स्टार खेलाडी बने । स्टार्क बलर र हेली विकेटकिपर ब्याटर । लामो प्रेम यात्रापछि २०१५ मा विवाह गर्ने निर्णय लिएका थिए ।

२०१६ अप्रिल १५ मा भने यी दुई औपचारिक रुपमा बैविवाहिक जीवनमा बाँधिएका थिए । स्टार्कले पछिल्लो समय आइपिएल नखेल्नुमा परिवार र श्रीमतीलाई समय दिन एक कारण बताउँदै आएका छन् ।

यो पनि : क्रिकेटका ४ विवाहित जोडी

एउटै समयमा एकै देशविरुद्ध श्रीमान र श्रीमतीको ब्याटिङ

आइपिएल नखेल्नेबारे स्टार्कको जवाफ