2 years ago
July 15, 2022
एजेन्सी – पाकिस्तानका कप्तान बाबर आजमले पछिल्लो समय खराब प्रदर्शनको कारण चर्को आलोचना खेपिरहेका भारतीय ब्याटर विराट कोहलीलाई साथ दिँदै हौसला दिएका छन् । कोहलीले चोटका कारण इंग्ल्यान्डसँग पहिलो ओडिआई खेल गुमाउँदा दोस्रो खेलमा १६ रनमा आउट भए । भारत २ सय ४७ रनको विजयी लक्ष्य पछ्याउने क्रममा रस टोप्लीले ६ विकेट लिएपछि १ सय […]
एजेन्सी – पाकिस्तानका कप्तान बाबर आजमले पछिल्लो समय खराब प्रदर्शनको कारण चर्को आलोचना खेपिरहेका भारतीय ब्याटर विराट कोहलीलाई साथ दिँदै हौसला दिएका छन् ।
कोहलीले चोटका कारण इंग्ल्यान्डसँग पहिलो ओडिआई खेल गुमाउँदा दोस्रो खेलमा १६ रनमा आउट भए । भारत २ सय ४७ रनको विजयी लक्ष्य पछ्याउने क्रममा रस टोप्लीले ६ विकेट लिएपछि १ सय ४६ रनमा अल आउट हुँदै १ सय रनले पराजित भयो ।
सन् २०१९ देखि अन्तर्राष्ट्रिय शतक प्रहार गर्न नसकेका कोहलीको पछिल्लो समय प्रदर्शन राम्रो छैन । कोहली ७७ अन्तर्राष्ट्रिय खेलदेखि शतक विहीन छन् । गत साता सम्पन्न टि२० आई सिरिजमा पनि कोहली १ र ११ रनमा आउट भएका थिए । टेस्टमा कोहली इंग्ल्यान्डविरुद्ध ११ र २० रनमा आउट भएका थिए ।
खराब समयबाट गुज्रिरहेका कोहलीलाई भारतले वेस्टइन्डिज भ्रमण अन्तर्गत ओडिआई र टि२०आई दुवै सिरिजमा विश्राम दिएको छ । आफ्नो पुस्ताका महान् खेलाडी रहेका कोहलीलाई बाबर आजमले सामाजिक सञ्जालमार्फत हौसला दिएका छन् । कोहलीले संघर्ष गर्दा बाबरले भने तीनै शैलीमा सानदार प्रदर्शन गर्दै आएका छन् ।
बाबरले कोहलीको तस्विर राख्दै सामाजिक सञ्जालमा लेखेका छन्, ‘यो समय पनि जानेछ, बलियो रहनु’ । बाबर वर्तमान ओडिआई र टि२० आई बरियता दुवैतर्फ शीर्ष स्थानमा छन् ।
पाकिस्तान र भारतबीच राजनीतिक हिसाबमा सम्बन्ध राम्रो छैन । त्यसैले यी दुई टोली एक आपसमा सिरिज खेल्दैनन् । तर खेलाडी भने एक अर्कालाई साथ दिँदै आएका छन् । मैदानमा देशबीचको सम्बन्ध खेलाडीमा भने देखिदैन । बाबरको उक्त प्रतिक्रिया सामाजिक सञ्जालमा निकै चर्चित बनेको छ ।
कप्तान रोहित शर्माले पनि कोहलीलाई साथ दिँदै उनलाई एक दुई ठूलो इनिङको आवश्यक रहेको बताए । ‘सबै खेलाडीको प्रदर्शन तलमाथि हुन्छ । मैले अहिले सम्म लगातार राम्रो प्रदर्शन गरेको कुनैपनि खेलाडीलाई देखेको छैन । कोहली यति बर्षदेखि लगातार रन बनाउँदै टोलीलाई जिताएका छन् । उनलाई लयमा फर्किन एक वा दुई इनिङको आवश्यक पर्छ’, रोहितले दोस्रो ओडिआई खेलपछि पुन आफ्नो प्रतिक्रिया दोहोर्याए ।
‘चर्चा भइरहन्छ । हामीलाई थाहा हुन्छ । लय तलमाथि सबैको हुन्छ । मैले पछिल्लो पटक भनेकै थिए । लय खराब भएपनि खेलाडीको गुण कहिल्यै खराब हुँदैन । हामीले त्यो कुरा सधैं ध्यान राख्नुपर्छ । कोहलीले कति धेरै रन बनाएका छन् । धेरै शतक बनाएका छन । उनको रन औसत हेर्नुहोस् । अनुभव छ । अहिले सम्म त्यस्तो खेलाडी आएको छैन जसले खराब प्रदर्शन गरेको छैन’, रोहितले भने ।
यो पनि पढ्नुहोस् : विश्व क्रिकेटका वादशाह बाबर
May 3, 2024
एजेन्सी – सनराईजर्स हैदराबादले राजस्थान रोयल्स माथि रोमाञ्चक जित जीत दर्ता गरेको छ । अन्तिम बलसम्म पुगेको खेलमा राजस्थानलाई हैदराबादले १ रनले पराजित गरेको हो । २०२ रनको लक्ष्य पछ्याएको हैदराबादलाई अन्तिम दुई ओभरमा जितका लागि २० रनको आवश्यकता रहेको थियो । १९औं ओभरमा कप्तान प्याट कमिन्सले ७ रन मात्र दिए । अन्तिम ओभरमा १३ […]
May 2, 2024
काठमाडौं (हाम्रो खेलकुद) – महिला राष्ट्रिय लिगको छनोट प्रतियोगिता अन्तर्गत घरेलु टोली कर्णाली आफ्नो अन्तिम खेलमा गण्डकी प्रदेशलाई पराजित गर्दै राष्ट्रिय लिगमा छनोट भएको छ । विहीबार विहान सुर्खेतको कर्णाली प्रदेश रंगशालामा गण्डकीमाथि २-० को जित दर्ता गर्दै कर्णालीले अंक तालिकाको तेस्रो स्थान पक्का गर्यो । वर्षा ओली र संजिता बम्जनले १-१ गोल गर्दै टोलीको […]
May 2, 2024
काठमाडौं (हाम्रो खेलकुद) – वेस्ट इन्डिज ‘ए’ ले एक खेल बाँकी छँदै नेपाल विरुद्धको टि-२० सिरिज उपाधि जितेको छ । बिहिवार भएको चौथो खेलमा पनि जित दर्ता गर्दै पाहुना टोलीले एक खेल अगावै ३-१ ले सिरिज जितेको हो । पहिलो खेलमा हार बेहोरेको वेस्ट इन्डिज ‘ए’ ले लगातार तेस्रो जित दर्ता गर्ने क्रममा नेपाललाई २८ […]
