एजेन्सी – उपाधिका दाबेदार इंग्ल्यान्डले आगमी अक्टोबर नोभेमबरमा अष्ट्रेलियामा हुने टि२० विश्वकप खेल्ने आफ्नो १५ सदस्य टोली घोषणा गरेको छ । घोषणा टोलीमा अनुभवी ओपनर जेसन रोयलाई बाहिर राख्दै टोली घोषणा गरेको छ ।

इंग्ल्यान्डको टोलीमा तीव्र गतिका बलर मार्क वुड, क्रिस वोक्स र अलराउन्डर बेन स्टोक्सले पूनरागमन गरेका छन् । युवा ब्याटर फिलिप साल्ट र ह्यारी ब्रुकले स्थान बनाएका छन् ।

जेसन रोयले लगातार खराब प्रदर्शनका कारण विश्वकपमा आफ्नो स्थान गुमाएका हुन् । द हन्ड्रेन्डमा पनि खराब प्रदर्शन गरेपछि इंग्ल्यान्डले बाहिर राखेको हो । टि२० विश्वकप अघि इंग्ल्यान्डले पाकिस्तानसँग ७ टि२० आई सिरिज खेल्नेछ ।

उक्त सिरिज २० सेप्टेम्बरदेखि २ अक्टोबर सम्म हुनेछ । त्यसपछि ९ अक्टोबर देखि १५ सम्म अक्टोबरसम्म अष्ट्रेलियासँग तीन टि२० आई सिरिज खेल्ने कार्यक्रम छ । यो दुई सिरिजपछि विश्वकप टोलीमा केहि परिवर्तन हुनसक्ने सम्भावना रहन्छ ।

विश्वकपमा इंग्ल्यान्ड सुपर १२ को समूह १ मा छ । इंग्ल्यान्ड, अष्ट्रेलिया, न्युजिल्यान्ड, अफगानिस्तान र पहिलो चरणबाट आउने दुई टोली हुनेछन् । इंग्ल्यान्डले २२ अक्टोबरमा अफगानिस्तानसँग खेल्दै सुरुवात गर्नेछ । टि२० विश्वकप अक्टोबर १६ देखि नोभेम्बर १३ सम्म हुनेछ ।

इंग्ल्यान्डको टि२० विश्वकप खेल्ने टोली :

जस बटलर (कप्तान), मोईन अली, जोनी बेयरस्टो, ह्यारी ब्रुक, साम करन, क्रिस जोर्डन, लियाम लिभिङस्टोन, डेविड मलान, आदिल राशिद, फिलिप साल्ट, बेन स्टोक्स, रिस टोप्ली, डेविड विल्ली, क्रिस वोक्स र मार्क वुड ।