2 years ago
October 24, 2022
एजेन्सी – बंगलादेशले आइसिसी टि२० विश्वकपमा नेदरल्यान्ड्सलाई ९ रनले हराउँदै विजयी सुरुवात गरेको छ । जितको लागि १ सय ४५ रनको मध्यम विजयी लक्ष्य पछ्याएको नेदरल्यान्ड्स २० ओभरमा १ सय ३५ रनमा अल आउट भयो ।
नेदरल्यान्ड्सका कोलिन एकरम्यानले ४८ बलमा ६ चौका र २ छक्कासहित सर्वाधिक ६२ रन बनाए । कप्तान स्कट एडर्वाड्सले २४ बलमा १ चौकासहित १६ रन बनाए । पाउल भान मार्किनले १४ बलमा ३ चौका र १ छक्कासहित २४ रन जोडे । अन्य कुनैपनि ब्याटरले राम्रो प्रदर्शन गर्न सकेनन् ।
बंगलादेशका तस्किन अहमदले ४ ओभरमा २५ रन खर्चेर ४ विकेट लिए । हसन मोहम्मदले ४ ओभरमा १ मेडनसहित १५ रन खर्चेर २ विकेट लिए ।
त्यसअघि होबार्टमा टस हारेर पहिला ब्याटिङको निम्तो पाएको बंगलादेशले निर्धारित २० ओभरमा ८ विकेट गुमउँदै १ सय ४४ रन बनायो । बंगलादेशका युवा ब्याटर मध्यक्रमका ब्याटर अफिफ हुसैनले २८ बलमा २ चौका र २ छक्कासहित सर्वाधिक ३८ रनको योगदान दिए ।
ओपनर सौम्य सरकार र नाज्मुल हसन शान्टोले पहिलो विकेटका लागि ५.१ ओभरमा ४३ रनको साझेदारी गरेका थिए । शान्टो २० बलमा ४ चौकासहित २५ रनमा आउट भए । त्यसपछि भने अन्य ब्याटरले राम्रो प्रदर्शन गर्न सकेनन् ।
सरकारले १४ बलमा २ चौकासहित १४ रनमा आउट भए । लिटन दास ९, सकिब अल हसन ७, यासिर अली ३, नुरुल हसन १३ रनमा आउट भए । मोसाद्देक हसनैन १२ बलमा २ चौका र १ छक्कासहित २० रन बनाए ।
नेदरल्यान्ड्का पाउल भान मार्केनले ४ ओभरमा २१ रन खर्चेर २ विकेट लिए । बास डि लिडेले ३ ओभरमा २९ रन खर्चेर २ विकेट लिए । फर्द क्लासेन, टिम प्रिंग्लेल, शरिज अहमद र लोगन भान बीकले एक एक विकेट लिए ।
आजको दोस्रो खेलमा दक्षिण अफ्रिका र जिम्बावेबीच हुनेछ । खेल नेपाली समय अनुसार दिउँसो १ : ४५ मा सुरु हुनेछ । बंगलादेशले बिहीबार दक्षिण अफ्रिकासँग खेल्नेछ । नेदरल्यान्ड्सले विहीबार भारतसँग खेल्नेछ ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]