एजेन्सी – कार दुर्घटनामा परि गम्भीर घाइते भएका भारतीय क्रिकेट टोलीका आक्रामक विकेटकिपर ब्याटर ऋषभ पन्त खतरा मुक्त भएका छन् । घर उत्तराखण्डमा परिवारलाई भेटेर दिल्ली फर्किनेक्रममा पन्तको देहराधुनमा कार दुर्घटना हुँदा गम्भीर घाइते भएका हुन् ।

पन्तको शुक्रबार विहान हरिद्धार जिल्लाको मंगलौर नर्सानमा सकडको छेउमा रहेको डिभाइडरमा ठोकिएपछि घाइते भएका थिए । विहान ५ : ४५ को आसपासको समयमा पन्तको कार दुर्घटना भएको थियो । परिवारलाई भेटेर दिल्ली फर्किने बेला आफैंले कार चलाई रहँदा केहि समय निदाएपछि दुर्घटना हुन पुगेको जनाइएको छ ।

भारतीय पूर्व क्रिकेटर तथा नेशनल किकेट एकेडेमीका प्रमुख भिभिएस लक्ष्मणले पन्तको अवस्था खतरा मुक्त रहेको जनाएका छन् । डिभाइडरमा ठोक्किए लगत्तै पन्त चडेको करामा ठूलो आगोलागी भएको थियो । उनलाई आगोबाट बचाउन विन्डस्क्रिन नै तोडेर निकालिएको थियो ।

पन्तको टाउको निधार, खुट्टा ढाडमा चोड लागेको छ । रुड्की सिभिल अस्पतालमा प्राथमिक उपचारपछि पन्तको म्याक्स अस्पताल देहराधुनमा उपचार भई रहेको छ ।

पन्तले आफ्नै मर्सिडि कार चलाएका थिए । बंगलादेशविरुद्ध दुई टेस्ट खेलको सिरिज जिताउन पन्तले यसै साता सानदार प्रदर्शन गरेका थिए ।

तर चार दिनदेखि देखि श्रीलंकासँग हुने ओडिआई र टि२० आई सिरिजको लागि उनलाई टोलीबाट बाहिर राखिएको थियो । फेब्रुअरीमा अष्ट्रेलियासँग हुने चार महत्वपूर्ण टेस्ट सिरिजलाई ख्याल गर्दै श्रीलंका सिरिजदेखि बाहिर राखेको थियो ।