एजेन्सी – इंग्ल्यान्डका सिमित ओभरका कप्तान जस बटलरले ओडिआई क्रिकेटमा महेन्द्रसिंह धोनी र युभराज सिंहलाई पछि पारेका छन् । बटलरले ओडिआई क्रिकेटमा पाँचौं वा त्यो भन्दा तल्लोक्रममा ब्याटिङ गर्दै सर्वाधिक शतक हान्ने कीर्तिमानलाई भारतीय दुई खेलाडीलाई पछि पारेका हुन् ।
बटलरले बिहीबार घरेलु टोली दक्षिण अफ्रिकाविरुद्ध तेस्रो ओडिआई खेलमा १ सय २७ बलमा ६ चौका र ७ छक्कासहित १ सय ३१ रनको सानदार शतकीय इनिङ खेलेका थिए ।
बटलरको यो ओडिआई क्रिकेटको ११ औं शतक थियो । पाँच नम्बरदेखि तल ब्याटिङ गर्दै उनले ओडिआई क्रिकेटमा बनाएको यो आठौं शतक थियो ।
भारतीय क्रिकेटका सर्वाधिक सफल कप्तान धोनी र युवराजसिंहले पाँचनम्बरदेखि तल ब्याटिङ गर्दै ओडिआईमा ७(७ शतक बनाएका छन् । जुन कीर्तिमानमा धोनी र युभराजलाई पछि पार्दै बटलर अघि बढेका छन् ।
बटलरको कप्तानी इंग्ल्यान्डले तीन महिना अघि टि२० विश्वकप उपाधि जितेको थियो । २०१९ को एकदिवसीय विश्वकप इंग्ल्यान्डले जित्दा बटलरको योगदान निकै महत्वपूर्ण थियो ।
धोनीको कप्तानीमा भारतले २००७ मा टि२० विश्वकप, २०११ मा एकदिवसीय विश्वकप र २०१३ मा च्याम्पियन्स ट्रफीको उपाधि जितेको थियो ।
यी तीन प्रमुख उपाधि जिताउन धोनी र युवराज दुबैले उत्कृष्ट प्रदर्शन गरेका थिए । धोनीले २०२० र युवराजले २०१९ मा अन्तर्राष्ट्रिय क्रिकेटबाट सन्न्यास लिएका थिए ।
