दुबई (हाम्रो खेलकुद) – नेपालले आइसिसी यू–१९ विश्वकप एसिया क्षेत्र छनोट अन्तर्गत हङकङसँग उत्कृष्ट बलिङ सुरुवात गरेको छ । मलेक क्रिकेट ग्राउन्डमा टस जितेर पहिला ब्याटिङ रोजेको हङकङले सुरुवाती १० ओभरमा ३ विकेट गुमाउँदै ३३ रन बनाएको छ ।

नेपालका तीव्र गतिका बलर हेमन्त धामीले सुरुवाती दुई विकेट लिँदा एक रन आउट गरेको छ । हङकङका अरेज दार २ र शिव महथुर ८ रनमा हेमन्तको बलमा क्याच आउट भए । अंश रुपेश दोशी ८ रनमा आउट भए ।

नेपालले आज एक परिवर्तन गरेको छ । दीपक बोहराको स्थानमा उत्तम थापामगरलाई डेब्यू दिएको छ । बागमती प्रदेशका उत्तम मध्यक्रमका ब्याटर हुन् । हेमन्तले ५ ओभरमा २ मेडनसहित ८ रन खर्चेर २ विकेट लिएका छन् ।

नेपाल प्रतियोगितामा लगातर तेस्रो जितको सोचमाछ। ६ टोली सहभागी यस प्रतियोगिता विजेता टोलीले आगमी वर्ष श्रीलंकामा हुने यू-१९ विश्वकप खेल्न पाउनेछ । नेपाल प्रमुख दावेदार टोली हो । नेपालले पहिलो खेलमा सिंगापुरलाई ९६ रन र कुवेतलाई २ सय ४३ रनको फराकिलो अन्तरले पराजित गरेको थियो । यता युएईले मलेसियालाई ७ विकेट र हङकङलाई १ सय ६३ रनले हराएको थियो ।

समान ४ अंक भएपनि नेटरनरेटमा माथि रहँदै युएई शीर्ष स्थानमा छ । नेपाल दोस्रो स्थानमा छ । हङकङले पहिलो खेलमा कुवेतलाई एक विकेटले हराएको थियो । कुवेतलाई फराकिलो अन्तरले हराउन कप्तान देव खनालले १ सय २५, अर्जुन कुमालले १ सय ८ र तीव्र गतिका बलर आकाश चन्दले ६ विकेट लिएका थिए ।

नेपालको प्लेइङ ११ :

देव खनाल (कप्तान), दीपेश कँडेल, आकाश त्रिपाठी, अर्जुन कुमाल, दीपक बोहरा, उत्तम थापामगर, दीपक डुम्रे, हेमन्त धामी, आकाश चन्द, सुवास भण्डारी, विशाल विक्रम केसी ।